2 MULINA 19:23 - Boy Lonana

²³ Magaa maŋga aŋ ɓiiriɗ ay ndaɗta aŋ ŋgul ni Yawe. Aŋ di ana, Saɓak pus pus man ma kulumina, an ɗuŋ ki kolo kay yam ɦinira, an fi liisi ma ŋgayna hu Libanna halaŋ. Tew tew an ka kaaɗ gu sedre ma kaɗna ay kiyo, ni ma siiy kolo day cocona, an doom umba do dora ay ki halaŋ halaŋ.

2 MULINA 19:23 ပူးပေါင်းရင်းမြစ်များ

SOOLLA 20:7

Cemi ni an wi ki wa, Yawe suɗ saam ma nam Fuurumma. Ay hu Ziim ma Teteɗna nam hoŋom dira aya, nam njunum u saɓak kom ma njufna.

2 MULINA 18:17

Mul ma Asirina ay hu Lakis wanni sun suu ŋgolona ha eg Ezekiyas, mul ma Yudana, sa ma ŋgol asgaa ma ŋgolna u saam ma funumma u suu asgaarina usi ŋgol cocoo. Asi mba cuk ki fun zul mbo ma ŋgol ma asi vekemma hu voɗta tuɗ a mbus tlenara.

EZAYI 10:18

Nam hin ŋgalasi ful masira jivira ki halaŋ halaŋ, hin lini ko sa a tuguɗiira ndak a miɗnara na.

EZAYI 10:14

Kon yow begera vi suunara ki ko suuna a yow se layagina hu ziisira ɦawa na. Ko suuna yow se ma tlekka noyom kina na, anu, an ti mbassa halaŋ, sa ma a ŋgen tam fokon kaɗi, sa ma mal vunum a dan kaɗi lay.»

2 DLAŊ MULINARA 32:17

Mul ma Asirina ɓii magaara ay a ŋgul Yawe Lona vi suu Israelna, di ay hu magaaa ndaɗta ana, «Loogi suu vi njaf suu daŋŋana tew ka a suɗusi suu masisina ki konɗi. Lo ma vi Ezekiyasna hin ka ndak a suɗum suu mamsina kiɗi lay.»

2 DLAŊ MULINARA 26:10

Nam min zira fiyekka, duɓ u lina lay ni hu mbas mayra hu fulla ŋgoo bagira nara. Nam vek zulla vo mbona maŋ yoorina cocoo kay yoori mamsina ka hu mbassa gara cocoo. Suu horokom senena u suu lam sun gugutluna kom coco lay. Asi ka kolo kay mbura u sene gugutluna kay asi minni sun baraɗna.

2 MULINA 18:23

Cemi ni vi vunuŋ u sa ŋgol manna, mul ma Asirina, ni an hin ɦaŋ kulumina na buɓ buɓ mba', aŋ taŋga hin hal suu a ful kasina may.

DANYEL 8:11

Ndaɗ wul ta ta tew eg mul ma vi suu sunda huulonana, tlam ɓivun ma asi lamma tew tewna kiyo, toom u ziimba kaŋga giira kiyo.

2 MULINA 19:4

Kala Yawe, Looŋŋa, hum boy ma sa ma ŋgol kaŋ ma vi suu Asirina sunum ay mba dam a ŋgul Lo ma Iirina, hin a gaɗasi kay boy ma Yawe, Looŋŋa, humum wanna, aŋ cenem ha kay u suu hin ka nde wanna.»

SOOLLA 20:8

Suu daŋŋa ŋga ni kulumi masi suu pus pusna, suu daŋŋa ŋga tasi kay kulumina, aygi may ni humuygi ka gaygi ni kay sem Lona Yawe maygina.

EZAYI 10:13

Kay nam ɓak tam ana, «An li dla ndaɗta ni u saɓakan daŋ may, ni u yal manna, kay anni sa ma mbeleŋ cocoo. An bulum ii hakara vi suunara ki wa, ɦurumusi tlegeyesi suu ŋgayna ki lay. Ko sa ma saɓakŋa na an cuk suu laki kolo kay dlamba mullana ki ga halaŋ.