2 MULINA 18:4 - Boy Lonana

⁴ Nammi sa ma bulum li ma mbuy kolona kina, to ɦinira ceɗi teteɗta ki may, ka gu ma vi Aserna ma piina ki may, to guy kawi ma Moiz yoorom kana ki may. Kay suu Israelna gi jaŋ ŋgal mbitla his jivira fok guy namma ta ta cemi. Asi yam ana Nehustan.

2 MULINA 18:4 ပူးပေါင်းရင်းမြစ်များ

1 MULINA 22:43

Nam tuɗ ni u dlara bum Aza laɗta na ɗegee, tli vunum ka ki keŋgi. Li ni dlara ɗegee ii Yawe jivira.

2 MULINA 10:26

Asi tli ɦinira ceɗi teteɗta ta ay tini kalafira ay ki bunsuwa, mba ŋgalaɗ kiyo.

2 MULINA 11:18

Suuna halaŋ tuɗ hu ziŋ Baalla. Asi hawaɗaɗ kiyo, to otella hura ki may, u fuli suu mini huna lay, ci mul ma li ɓivunna vi Baalna, ki may. Yoyada tin suuna a juɓ u Ziŋ Yawera.

2 MULINA 12:3

Joas hu iiri mamba halaŋŋi nam li ni dlara jivi ii Yawera. Kay ana Yoyada, mul ma li ɓivunna, haɗammi namu.

2 MULINA 14:4

Na lay ni li ma mbuy kolona ka bulum kiɗi. Suuna tuɗ fok a li ɓivunna, ŋgal mbitla his jivira kolo kay li ma mbuyna gak tuwa.

2 MULINA 15:35

Na lay ni li ma mbuy kolona ka bulum kiɗi. Suuna tuɗ fok a li ɓivunna ŋgal mbitla his jivira hu li ma buy kolo namma gak gak. Nammi sa ma hoŋ min vun ma ŋgolna vi Ziŋ Yawera kolona.

2 MULINA 15:4

Na lay ni li ma mbuy kolona ka bulum kiɗi. Suuna tuɗ fok a li ɓivunna kolo kay li ma mbuyna, ŋgal mbitla his jivira hu tu na gak gak.

2 MULINA 16:15

Nam di mul ma li ɓivunna, Uriya, ana, «Aŋ ŋgal ɓivun ma maɗiina u ma fiɗigina, ɓivunna u ɦalla mulna ɦaɗ ayra, ɓivun ma ŋgalam ki ŋgalina u sum veŋŋa ma suuna ɦam ay halaŋŋa, aŋ voommi kay otel ma ŋgolna. Aŋ vo busu ma suuna mba li ɓivunnana halaŋŋi kamu. Otel ma mini u kawi ma tlawnana an hin wam dlam tuwa.»

2 MULINA 18:22

Lini agi dan ana, agi tin hurugi ni kay Yawe, Loogina, na ɗaŋŋi ka nam Lo ma Ezekiyas bulumum ay ki kolo kay li mbuynana tokgi su? U otel lay di suu Yudana u suu Yerusalemma ana, agi tuɗ goɓ fok li ma ŋgal ɓivunna ni hu Yerusalem dew naɗi su?

2 MULINA 21:3

Nam hoŋ min li ma kolo mbuyna ma bum Ezekiyas hawaɗam ka kina. Nam min otella maŋ Baal, pi gu ma ceɗi teteɗna ma vi Aserna ko Akab, mul ma Israelna, lira na. Nam goɓ kaŋga fok tlege suu kolo huulona halaŋ, sunusi lay.

2 MULINA 23:14

Josiyas to ɦini mayra mini kolo kay taɗta ki kaŋgaa, ka gu ma pi ma Aserna ki may, li ma teteɗ namma nam cuk sok suu miɗina ha ki huwa.

2 MULINA 23:4

Mulna ɦal voɗta maŋ mul ŋgol ma li ɓivunna, Hilkiya, u muli suu li ɓivun suu daŋŋa u suu juɓ vun Ziŋ Yawera ana asi yow tlesuu cuki kalafi hu Ziŋ Yawerana ay kiyo, tlesuu asi minisi a goɓ Baalna halaŋ u suu maŋ Aserana u tlesuu kolo huulonna, tuɗ ŋgalasi ha ki doŋ kaa ma Yerusalemma, duk ɦudugumba Sedron ma asi pamma, toorosi butusi cukum ha ki hu lokka Betel.

2 DLAŊ MULINARA 19:3

Doli ɗini dlara jivira ka huruŋu, kay aŋ ŋgal gu ma teteɗ ma asi pam maŋ Aserana ki hu mbas maŋga bel bel. Aŋ vi u huruŋ halaŋ a hum vun gaɗta vi Lonara.»

2 DLAŊ MULINARA 31:1

Hu li ma luuna daɓ kina ni suu Israel suu toki huna halaŋ njay kosi ki hu mbassa Yudara to ɦinira coli kolora kiyo, ka gu ma vi Aserna kiyo, hawaɗ givin ma togolla ma suuna minim a cen loogi suu ɦawana ki may u givin ma togolla masi bel bel. Asi li dla ndaɗta ki ni hu mbassa Yudara halaŋ ki vi dee suu vi Benjamin, Efrayim u Manasena lay. Ŋgoo dagan gegelay ni hoŋ vo hu ɦoŋzi ma nam col ay huna.

2 DLAŊ MULINARA 33:3

Nam hoŋ min li ma mbuy kolo ma bum hawaɗam kina kolo olo. Nam min givin ma togolla maŋ Baal lay. Nam pi gu ma vi Aserna kolo lay. Nam goɓ kaŋga fok suu sunda huulona lay, lasi tok masira ki ni kay taɗ lay.

SOOLLA 78:58

Asi ɓeŋem hurum u goɓpa goɓ loogi suu ɦawana kolo kay ɦinira, fuli masisina ɓeŋem hurummi ɓeŋi na ɗow.

KALKIRA 23:24

Agi mba goɓ ga fok loosinaɗi, sunumbi lay, agi mba li ko asi lira naɗi, ni na ɗow agi toosi loosi namma kiyo, toosi tlesuu asi goɓosina kiyo.

KALKIRA 34:13

Givin ma togolla masisi ma li ɓivunna aŋ hin hawaɗam kiyo, tlesuu asi goɓosina aŋ toosi kiyo. Gu ma vi Aseraŋ kaam kiyo.

EZAYI 36:7

Kala aŋ hin dan ana, ami tin hurumi ni kay Yawe Loomina. Ha ni ka nam ma Ezekiyas paɗam tlegeyem ay ki kolo kay li mbuyna, u givin ma togolla laynaɗi su? Hin di suu Yudana u suu Yerusalemma ana, Agi goɓ mi fok givin ma togolla ma ka hu Yerusalem wanna doy hol.

DLAŊ LEVIRA 26:30

U hurun ma ɓeŋina an hin hawaɗagi liigi ma mbuy kolo ma teteɗna kiyo, an hin toogi givin ma togolla magi ki may, an hin cukugi maɗagi ha kolo kay sok tlegeyegi suu agi casi maŋ fulinana.

GA 8ATAMBARA 5:5

An may ni ay coli duk ɦoŋ Yawe u agiya, ni a jokogi boy ma vi Yawena kira, kay agi li ndaana coco ko kura. Agi ɗiŋ ay ka kolo kay ɦiniraɗi. Nam di ana,

GA 8ATAMBARA 7:5

Gola ni dlara agi hin laɗ eg suu Asenara. givin ma togolla masi agi hawaɗam kiyo. Foto tlesuu asi minisina agi toosi kiyo, tlegeyesi suu teteɗ suu asi pasina agi kususi kiyo, tlesuu asi goɓosina agi ŋgalasi kiyo.

SUU KAƁAKŊA 6:25

Njeŋge ndaɗta gaw ni Yawe di Gedeon ana, «Vi mbutl ma jeŋ wilina may, vi bolo mbutl ma basaɗam kiɗisiyana may. Aŋ tuɗ to ziŋ Baal ta buŋ miniɗta u li ma ŋgal ɓivunna ki may. Gu ma vi Aserna aŋ kaam ki may.

SUU KAƁAKŊA 6:28

Maɗii feɗet ni suu hu ɦoŋzinana cuk ay kiyo ni wi li ma ŋgal ɓivunna maŋ Baalna ki hawaɗiya, gu ma vi Aserna ki kaay kaŋga may. Bolo mbutl ma mbana ŋgadi, gi kay givin ma togolla ma minim wilina may.