2 MULINA 18:24 - Boy Lonana

²⁴ Cemi ni aŋ ndak a dik mborɓii suu na ew daŋ suu vi sa ŋgol mannana ki ni u yal mege? Aŋ ma tin saa maŋga kay Egiptena kay kulumina u pus pus ma kulumina u suu fulusina layna.

2 MULINA 18:24 ပူးပေါင်းရင်းမြစ်များ

EZAYI 10:8

Nam ɓii tam ana, «Suu ŋgolo man suu duuna kay tasi ni a mulina layɗi su?

DANYEL 4:22

Asi hin dikiŋ ki duk suuna, aŋ hin kakŋi ko taŋ u mbuuri suu bagina asi hin ɦaŋ haɗna ni ko mbutlina na, hin mbusuŋ ki ni u mbaɗagira huulonara, cokira hin jak ki kaŋ yaɗ kiɗisiya, ta ta aŋ hin wi ki ana Lo ma Kolo Dayna ni malaŋ mulla vi suunara, nam ɦaɗ maŋ gegelay ma nam minimma.

EZEKIYEL 17:17

Faraw u suu duuna varam bolow coco lay ni ka ndak a njun umbi. Hu buu ma suu Babilonna mba ŋguf zina, to gulumunna ki, ci suuna coco lay.

EZEKIYEL 17:15

Na may mul ma kak wili namma hin mbuɗ yara u namu, sun sa sunda hu mbassa Egiptera ana asi ɦam kulumina u asgaa suu duuna aya. Na ni nam ndak a fasi gasi may su? Sa ma li dla ndaɗta nana hin ndak gasi funuɗ may su? Nam bulum galamba vaɗ duk tasi ndaɗta kiyo.

JEREMI 37:7

Yawe, Lona vi suu Israelna, ɓak anaba, gola ni dlara agi hin daɗ maŋ mul ma Yuda ma sunugi ay egenna agi joɓon haana. Suu duu suu vi Faraw suu hin Egipte ki mbay a njunugina hin hoŋ dagan tli liisi ma hu Egiptena.

EZAYI 36:9

Aŋ hin hoŋ iriŋ ŋgay taŋ u suu kaŋga u saɓak sa ŋgol mannana na ɗow ni nanage? Aŋ tin saa maŋga kay kulumi suu Egiptena u pupusna na ɗow ni nanage?

EZAYI 36:6

Gola aŋ tin saa maŋga kay mbassa Egiptera, ndaɗ ni ko cerew ma ki kusina na, sa ma tin kom kamma nam hin cokom kom ay tok. Ko ndal Faraw mul ma Egiptena na. Suu tin hurusi kay saɓak mammana halaŋ.

EZAYI 31:3

Suu Egiptena ni suu warna ɦawaa, asi ka Lonɗi. Kulumi masisina ni tliwna ɦawaa, ka ŋgussaɗi. Hu li ma Yawe maɗ kom ki kasi wa ni, suu njun kasina hin cuk gaa, sa ma a doo kasina hin ndi ki ga lay.

EZAYI 31:1

Hahawra ka kay suu hoŋ irisi ga tuɗ ŋgay hu Egiptena, suu tin saa masira kay kulumi suu bolow cocona, asi gol ni kulumi suu taɗ pus pusna, kay asi saɓak cocoo. Asi ka saa kay ma teteɗ ma vi suu Israelnaɗi. Asi ka min a hal Yaweɗi.

2 MULINA 18:21

Aŋ tin saa maŋga kay cerew ma kus ay ki fokoŋ hu Egiptena, cerew namma hin cokŋi duk ko gegelay ma tin saaram kamma. Ko ndal Faraw, mul ma Egiptena na u suu tin hurusi umma halaŋ.

GA 8ATAMBARA 17:16

Na may mul namma ka a li u kulumina kom bolow cocoɗi, ɗowba hoŋ suuna ha hu Egipte a hal kulumina cocoraɗi lay. Kay Yawe dagi ki ana, «Ҥawaa agi ka hoŋ irigi hu voɗ ndaɗta oloɗi.»

2 MULINA 18:23

Cemi ni vi vunuŋ u sa ŋgol manna, mul ma Asirina, ni an hin ɦaŋ kulumina na buɓ buɓ mba', aŋ taŋga hin hal suu a ful kasina may.

2 MULINA 18:25

Sa ŋgol manna mba duurugi na ni, Yawe ɦam voɗta ay ka ni nambi su? Yawe dan ana tuɗ kolo duu u mbas ndaɗta, ɓalakaɗ kiyo.»

URA TIN AYRA 50:9

Kulumi suu pus pusna u suu kulumi suu ɦawana suuna bolow coco ka ndumbi tuɗ umu.

1 MULINA 20:10

Ben-Hadad hoŋ sun suuna ay a yamba hindira eg Akab dam ana, «Ko loogina lan dla cora egenu, nam hin di hu ana, lini gugum ndaŋgara Samarira ndak a oy duk ko suu a tuɗ ha kay ceerenna ni an hin wi tuwa.»

EZAYI 30:1

Yawe di ana, hahawra ka kay gor suu li gonokka u anna. Asi vi vunusi kay dla mayra col ay ka konɗira. Taɓ vunusi kay dlara an ka miniɗira. Tok dla cora ha kay taɗ na ɗow ɗow.

EZEKIYEL 29:6

Suu hu mbassa Egiptera halaŋ hin wi ki ana anni Yawe. Njunda aŋ a njun u suu Israelna ni ko ndal tokolo ŋgayra ɦawana.