2 MULINA 18:21 - Boy Lonana

²¹ Aŋ tin saa maŋga kay cerew ma kus ay ki fokoŋ hu Egiptena, cerew namma hin cokŋi duk ko gegelay ma tin saaram kamma. Ko ndal Faraw, mul ma Egiptena na u suu tin hurusi umma halaŋ.

2 MULINA 18:21 ပူးပေါင်းရင်းမြစ်များ

EZAYI 30:7

Njunda vi suu Egiptena hin li ni ko ndal semeɗna ɦawa na, ko va kaɗira na. Kay ndaɗta an yasi ana va ma ɦawa sunum kaɗina.

JEREMI 46:17

Tinigi semma kay Faraw, mul ma Egiptena, ana, «Vun ma lam bay saɓakŋa umma.»

EZAYI 36:6

Gola aŋ tin saa maŋga kay mbassa Egiptera, ndaɗ ni ko cerew ma ki kusina na, sa ma tin kom kamma nam hin cokom kom ay tok. Ko ndal Faraw mul ma Egiptena na. Suu tin hurusi kay saɓak mammana halaŋ.

2 MULINA 17:4

Oze vi vunum u suuna kay mul ma Asirina. Nam sun suuna eg mul ma Egiptena hu Sais ka min a ɦal taara maŋ mul ma Asirina oloɗi. Hu li ma Salmanasar hum boy namma ki hummi, nam vi Oze gam daŋgayna.

EZAYI 1:1

Gola ni dlara Ezayi ma goŋ Amosna waɗ kay zi ma Yudana u ma Yerusalemma, ni hu li ma Oziyas, Yotam, Ahaz u Ezekiyas a mulina hu mbassa Yudarana.

EZAYI 20:5

Suu li tin saa masira kay Etiyopi u Egipte dewna hin mbuɗ ki ndaana cocoo, ni suu may suu li fi njunda ay ko suu Egiptena cocona.»

JEREMI 46:2

Maŋ Egipte kay asgaa ma vi Faraw Neko, mul ma Egiptena. Nam col ki ni fun mbo lumma Efratna, hu Karkemis, hu li ma Nabukodonosor, mul ma Babilonna, cam ki hu basara fiɗira vi Joakim, ma goŋ Josiyasna, mul ma Yudana.

Magaara Vi Sa Jok Vun Lona OZE 1:1

Boy ma Yawe ɓakam maŋ Oze goŋ Beerina, hu cokira Oziyas, Yotam, Ahaz, Ezekiyas a mulina hu Yudara, hu cokira Jeroboam ma goŋ Joasna a mulna hu Israella.

EZAYI 30:1

Yawe di ana, hahawra ka kay gor suu li gonokka u anna. Asi vi vunusi kay dla mayra col ay ka konɗira. Taɓ vunusi kay dlara an ka miniɗira. Tok dla cora ha kay taɗ na ɗow ɗow.