2 MULINA 18:17 - Boy Lonana

¹⁷ Mul ma Asirina ay hu Lakis wanni sun suu ŋgolona ha eg Ezekiyas, mul ma Yudana, sa ma ŋgol asgaa ma ŋgolna u saam ma funumma u suu asgaarina usi ŋgol cocoo. Asi mba cuk ki fun zul mbo ma ŋgol ma asi vekemma hu voɗta tuɗ a mbus tlenara.

2 MULINA 18:17 ပူးပေါင်းရင်းမြစ်များ

2 MULINA 14:19

Asi vi vunusi kam hu Yerusalem a cam kira. Nam pii tuɗ ki hu Lakis. Asi sun suuna cuɗum um hu Lakis, tuɗ cam ha ki ni hu Lakis.

2 MULINA 18:16

Hu coki ndaɗta Ezekiyas u tamba kus vun Ziŋ Lonara kiyo u vun ma nam mul ma Yudana baram ki u lorrana lay. Nam buɗum ki, ɦasi ha ki maŋ mul ma Asirina.

2 MULINA 19:23

Magaa maŋga aŋ ɓiiriɗ ay ndaɗta aŋ ŋgul ni Yawe. Aŋ di ana, Saɓak pus pus man ma kulumina, an ɗuŋ ki kolo kay yam ɦinira, an fi liisi ma ŋgayna hu Libanna halaŋ. Tew tew an ka kaaɗ gu sedre ma kaɗna ay kiyo, ni ma siiy kolo day cocona, an doom umba do dora ay ki halaŋ halaŋ.

2 MULINA 19:6

Nam dasi ana, «Agi tuɗ dagi sa ŋgol magina ana, Yawe di ana, aŋ li ndaa ko boy ma aŋ humum nammaɗi, boy ma suu sunda vi mul ma Asirina dam ayna caa yaŋ kay ŋgulla asi ŋgulundaɗi.

2 MULINA 20:20

U sunda Ezekiyas laɗta halaŋ ka ɓiiri hu magaara Sunda vi Muli suu Yudanara. Nam vek li ma vo mbona gi voɗ mbo lumma ay baba mbaaram ki vo Yerusalem. Dlara Ezekiyas laɗta halaŋ ka ɓiiri kaŋga hu magaara yaɗ ana Sunda vi Muli suu Yudanara.

2 DLAŊ MULINARA 12:4

Asi mba ndug ɦoŋzi ma saɓak ma hu Yudana jak gak gak tew ki hu Yerusalem.

2 DLAŊ MULINARA 32:9

Kak dagan na nde ni Senakerib, mul ma Asirina, mba ndug zi ma Lakisna u suu duu mamsina. Ay hu li namma, nam cuk asgaa suu ŋgolona ay eg Ezekiyas u suu Yudana halaŋ suu vo egem hu Yerusalemma, asi mba dam boyna ana,

EZAYI 20:1

Hu cokira mulna, Sargon, mul ma Asirina, sun sa ma ŋgol asgaana u suu duuna ha hu mbassa Asdodda, nam duu u asiya tli mbas ndaɗta.

EZAYI 36:2

Mul ma Asirina sun saam ma ŋgol kaŋŋa ay u suu duuna um bolow cocoo, mbay eg mulna Ezekiyas, asi col ay ni hu ɦoŋzi ma yam ana Lakis. Sa ŋgol namma mba vi ziisi ki fun goloŋ ŋgolna ni voɗta tuɗ hu sene ma mbus tlena kina.

EZAYI 7:3

Yawe di Ezayi ana, «Kal ki tuɗ ŋgaf vok Ahaz aŋ u goroŋŋa, Sear Yakob. Nam ha ki ii dagan fun goloŋ ma ɗok yona vi suu ŋgolona, ni hu voɗta tuɗ hu senena na.