2 MULINA 17:6 - Boy Lonana

⁶ Tew hu basara dleeŋera a Oze kaki hu mullara, mul ma Asirina ndug Samari, yow suu Israelna ha ki mbaɓura hu Asiri. Nam cukusi ha ki hu Hala may, ha ki hu Gozan li ma mbo ma Haborna ɓaɗ ha huna may, hu ɦoŋzi ma Medina may.

2 MULINA 17:6 ပူးပေါင်းရင်းမြစ်များ

URA TIN AYRA 10:2

Goryoŋ Jafetna, Gomer, Magog, Maday, Yavan, Tubal, Mesek u Tiras.

1 MULINA 8:46

«Hu li ma suu Israelna hin gaŋ vunuŋ ki wa, kay ana sa ma hu ndaŋga ma bay ŋgel kaɗi, aŋ huruŋ ɓeŋ egesi hinisi ki hu duk ko suu babali masisina wa, asi yowosi balna tuɗusi ha ki hu mbas masira dayra kala ɗowba toko ni,

2 MULINA 15:29

Hu li ma Peka ka hu mullana ni Teglat Falasar, mul ma Asirina, mba tli ɦoŋzi ma Yon, Abel Bet-Maaka, Yanoha, Kedes, Hasor, Galaad, Galile u mbassa vi Neftalira halaŋ. Nam yow suu hu mbas ndaɗtana, tuɗusi ha ki Asirina.

2 MULINA 17:23

ta ta mbuɗ a Yawe dikisi ha ki egem day, ko ndal nam di ay ki fok jew fun suu mam suu sunda, suu jok vun Lona suu Israelnara na. Suu Israelna tuɗ ki na day eg mbas masira, ha ki hu Asiri ta ta cemi.

2 MULINA 18:34

Loogi suu vi Hamat u Arpadna ni arage? U ma vi Sefarvaim, vi Hena, u Ava ni ara mayge? Asi hin buɗun Samari ki konni buɗ su?

2 MULINA 19:12

Loogi suu vi njaf suu daŋŋa suu somoyon dikisi kina hin njun kasi su. Gi Gozan, Haran, Resef, u goryoŋ Eden suu ay hu Telasarna halaŋ.

2 MULINA 21:13

An hin taɗ zew ma Samarina kolo kay Yerusalem u kawi ma min ziŋ Akabpa u namma. An hin tok Yerusalem ha ki ni ko ndal suuna tok huu tassana kira na, tokom hurum kiyo, hin kuluɓum ki kaŋgaa.

1 DLAŊ MULINARA 5:22

Suuna bolow coco ki cukira kaŋga na saɓaw kay ana Lona li duu namma ni namu. Asi kak hu liisi namma ta ta hu buu ma mbeera.

1 DLAŊ MULINARA 5:26

Na ɗaŋŋi Lo ma vi suu Israelna zuɗ u Pul, mul ma Asirina, u Teglat-Falasar, mul ma Asirina, asi yowosi ki mbaɓura, suu vi Rubenna, suu vi Gadna u nus njaf suu vi Manasena tuɗusi ki hu Hala, hu Habor, hu Hara, fun lum ma Gozanna ta ta karami.

EZDRAS 6:2

Hu li ma saɓak ma Ekbatanena hu ɦoŋzi ma bagi ma Medinaasi fi magaara ɗuɗi kay taɗ ɓiiri huruɗ ana, «Boy ma basina.

NEHEMI 9:32

«Cecem wanda Loomina, Lo ma ŋgolna, ma saɓak ma suuna lam ndaaramma, ma tuɗ u galamba fok u ɗegeerana, aŋ gol dlara mba egemira iriŋ ko dlara goora naɗi, eg muli mamisina lay, eg suu malayaŋ ziimina lay, eg muli mami suu li ɓivunna lay, eg suu mami suu jok vunnana lay, eg somoyomi lay, eg suu maŋsina halaŋ col ay eg muli suu Asirina day ta ta karami.

EZAYI 10:9

An ti zi ma Kalnona u zi ma Karkemikŋa, ɦoŋzi ma vi Hamat u Arpadna, an ti zi ma Samarina u Damasna lay.

EZAYI 13:17

Lona di ana an hin cuk suu Medesna kay suu Babilonna, asi ni suu ka min dlara gursuraɗina, ka caa yasi kay lorraɗi lay.

EZAYI 17:4

Hu buu namma ni saɓak suu vi Yakobma hin daɓ kiyo, bege masira ka li oloɗi.

EZAYI 21:2

Dla mayra mbuɗ mbuɗ coco ɦayra takanda ni ndaɗu. Suu di ŋgeŋŋa dam may, suu ɓalak tlena ɓalakasi may. «Suu Elamma yowogi koloo. Agi suu Medena mbaagi aya. An Bu Suuna min daɓ zi ma Babilonna kiyo.»

EZAYI 36:17

Minigi tagi ki jew bay an mba, a yowogi ki tuɗugi ki hu mbassa daŋga ko magira nara, mbassa li blena, sum veŋŋa, mbassa funa hu cocora, ta gugutlura hu coco layra.

EZAYI 36:19

Agi wiya loogi suu vi Hamat u Arpadna ka ni ara wange? Lo ma vi Sefarvaimma ka ni arage? Loosina hin doo kay mbassa Samarira bay an tlaɗ ni doo su?

EZAYI 37:18

Ni na daŋ may, Yawe, an wi ki gasi ana muli suu Asirina ɓalak mbassa daŋga ki u muli masisina cocoo.

EZAYI 8:4

Kay ana jew bay goona mbuɗ yi ana bunu ɗowba sunura ni asi hin ɦurum begera vi suu Damasna u jo ma vi suu Samarina ay fok mul ma Asirina.»

JEREMI 50:17

Israel ni timiira viɗ ki dlona dikiɗta. Jew gigiŋŋi mul ma Asirina gaɗ jaŋaɗ aya, Nabukodonosor mul ma Babilonna hin jak u ndaɗu, hin daɓaɗ ki ta ta hiniɗ ni sokoɗu.

DANYEL 5:28

Perse ni ana ɓorowiya, mul maŋga ki ɓorowiya hin ɦaɗ ki maŋ suu Medena u suu Persena.»

Magaara Vi Sa Jok Vun Lona OZE 1:4

Yawe di Oze ana, «Tinim sem ana Jizreel kay ana hin kak ŋgoo dagan na njokŋi an hin joɓ suu hu ɦoŋzi ma Jehuna kay busu Jizreel an hin bulum mulla Israella kiyo.

Magaara Vi Sa Jok Vun Lona OZE 1:6

Ndaɗ vi wiina olo hin vuɗ go tamara. Nam Yawe hin di Oze ana, «Tiniɗ seɗ ana Lo Rouhama ni ana an ka minigi oloɗi. Kay ana an hin ka tuɗ fok u minda an min suu Israelna oloɗi. An hin bulum minda duk ɦoŋomira ki na bel.

Magaara Vi Sa Jok Vun Lona OZE 1:9

Yawe hin di ana, «Tinim sem ana Lo Ami ni ana ka ni saanna oloɗi, kay ana agi ka ni suu mansina oloɗi. An tanda ka kagira ni kagiɗi.»

Magaara Vi Sa Jok Vun Lona OZE 8:8

Israel ki ligiya, gola asi ka duk njaf suuna ni ko ndal va ma sunum kaɗina na.

Magaara Vi Sa Jok Vun Lona OZE 9:3

Asi hin ka tew a kak hu mbassa vi Yaweraɗi. Efrayim hin hoŋŋi hu Egipte, hu Asiri ni asi hin ti ni tlesuu njenjena.

DLAŊ LEVIRA 26:38

Agi hin ba ha ki ni duk njaf suu daŋŋa, mbassa vi suu babali magisinara hin tagi ni ndaɗu.

AMOS 5:27

An hin yowogi tuɗugi ha ki ŋgoo Damas dagani, Yawe di na. Lo ma saɓakŋa ni semu.

AMOS 7:17

Ni kay ndaɗta Yawe ɓak anaba, Caaŋga hin ndi ki gawlaŋga hu ɦoŋzina, goryoŋ suu njufiina u suu gorɓiina hin casi ki u ŋgewra, ndaŋga maŋga hin ɓorowoɗ ki u zewna. Aŋ may ni hin miɗ ki ni kay ndaŋgara cora, suu Israelna hin yowosi tuɗusi ha ki eg ndaŋga masira na day.»

GA 8ATAMBARA 28:36

«Yawe sunugi u mul magi ma agi tlam fokogina ha ki maŋ njaf suu somoyogi lay agi tagira lay ka wasiɗina. Ha hu li namma agi sunni loogi suu hawana, gugunina u ɦinira.

GA 8ATAMBARA 28:64

Yawe Loogina hin njayagi ki kay yam mbassa halaŋ, hu li namma agi hin sunni loogi suu ɦawa suu somoyogi lay agi tagira lay ka wasiɗi, gugunina u ɦinira ceɗira.

GA 8ATAMBARA 30:18

an dagi ki cemi wanna, agi hin ba ki ni halaŋ halaŋ. Buurugi ka li kay ndaŋgara agi tuɗ lak huruɗ wanda a calaɗ mbo lum ma Yurdanna ŋgolɗi.