2 MULINA 17:32 - Boy Lonana

³² Asi li ndaa Yawe ha hu gak may, dukusi ni muli suu li ɓivunna hu li ma mbuy kolona kaa. Asi ka li ɓivunna ay u sesi kolo kay li ma mbuyna.

2 MULINA 17:32 ပူးပေါင်းရင်းမြစ်များ

1 MULINA 12:31

Jeroboam min zira cenda may. Nam vaa suu a li ɓivunna hu zi ndaɗtana ni ka suu hu njaf Levi ma li ɓivunnaɗi lay.

1 MULINA 12:33

Hu buu ma doogo yam vadlna hu til ma kalavandina ni nam tuɗ kolo hu givin ma togolla, buu mam ma nam ŋgaɓam kay tamma. Nam tin luuna maŋ suu Israelna, ŋgal tlesuu his jivina hu givin ma togolla may.

1 MULINA 13:31

Hu li ma nam pam ki pi ni hin di goryom ana, «Hu li ma an miɗ wa ni agi panni hu zulla an pi sa ma jok vun Lona huruɗ wanda. Agi gangi sokonni keŋ sokom may.

1 MULINA 13:33

Dlara li vaɗ na lay ni, mulna Jeroboam ka hin poy mamba co ndaɗta kiɗi. Nam tuɗ fok u yowra yow muli suu li ɓivunna ay duk suu weɗnara gak gak. Sa ma min sun ndaɗta ni nam ɦamba ni na gaw.

2 MULINA 17:25

Hu li ma asi mba vi jew ziisi ki hu nana gaw ni, asi ni suu ka wi Yaweɗina, ka lam ndaarambi lay. Yawe sunusi dlona ay kasi, mba casi ki cocoo.

2 MULINA 17:29

Na ɗaŋŋi njaf suu hu zeɗ zeɗ asina bel ni, gegelay ni u loomma komu komu. Asi tinim hu zigini suu mini hu li ma mbuy kolona, ma suu Samarina minim ka zeɗ zeɗna. Gegelay hu ɦoŋzi ma nam ka huna li ni ko ndaɗta na.

2 MULINA 17:33

Hu li ma asi ka li ndaa Yawena lay ni, asi tuɗ fok a sun loogi masi suu ɦawana gak may, ko asi ay li vo hu mbas masira jewra na.

2 MULINA 17:41

Ko ndaɗta na njaf suu zeɗ zeɗ asina li ndaa Yawe ha may, tokol fuli masisina ha hu gak may. Ni ko somoyosi li ay jewra na. Asi cemi ni li ni na lay.

2 MULINA 23:19

Josiyas hawaɗ zigini suu mini hu li ma mbuy kolona suu ka hu ɦoŋzi ma Samarina ki halaŋ halaŋ, zigini suu muli suu Israelna ɓalak huu Yawe ki u asina, nam li u asi ni ko ndal nam li ay hu Betella na dege dege may.

EZDRAS 4:2

asi ɦuɗ tasi ay eg Zorobabel u suu malayaŋ zina dasi ana, «Ami min a hal Loogina ni ko agi na may. Ami ay lam ɓivunna hu cokira Azarhadon a mul ma Asirina day. Nam sunumi ay tani ni namu.»

SOFONI 1:5

An hin bulum suu goɓ kaŋga kay mbura kolora fok ciciwra, faɗta, u tilna kiyo, u suu goɓ kaŋga fok Yawena lay, suu hin suu tasi u sem loosina, Melekŋa, lay.