2 MULINA 17:25 - Boy Lonana

²⁵ Hu li ma asi mba vi jew ziisi ki hu nana gaw ni, asi ni suu ka wi Yaweɗina, ka lam ndaarambi lay. Yawe sunusi dlona ay kasi, mba casi ki cocoo.

2 MULINA 17:25 ပူးပေါင်းရင်းမြစ်များ

1 MULINA 13:24

Nam gi tam may, dlona ŋgafam kolo hu voɗta, cam kiyo. Maɗam hin ki gi ga hu voɗta. Korra col ki keŋ dew may, dlona col ki keŋ maa dew may.

1 MULINA 20:36

Sa ma jok vun Lona dam ana, «Aŋ min ka a hum u dlara Yawe daɗtaɗi. Hu li ma aŋ garak u an na ni, dlona hin vaŋ kiyo.» Asi garak ki may ni, dlona mba ŋgaf u nam, vam kiyo.

2 MULINA 17:26

Asi di mul ma Asirina ana, «Njaf suu aŋ yowosi cukusi ha hu ɦoŋzi ma Samarina wanna ka wi yal ma cen Lo ma hu mbas ndaɗtanaɗi. Lo namma sunusi dlona ay kasiya, gola dlo namma ka casi wanna kay asi ka wi yal ma ŋga Lo ma hu mbas ndaɗtanaɗi.»

2 MULINA 17:28

Mul ma li ɓivun maa dew ma asi tuɗum ha ki tanana hoŋ ay mba cuk hu Betel. Nam haɗasi yal ma li ndaa Yawena.

2 MULINA 17:32

Asi li ndaa Yawe ha hu gak may, dukusi ni muli suu li ɓivunna hu li ma mbuy kolona kaa. Asi ka li ɓivunna ay u sesi kolo kay li ma mbuyna.

2 MULINA 17:34

Cemi gakŋi asi li ni ko jewra na. Asi ka li ndaa Yaweɗi. Asi ka li ko gaɗta dira naɗi. Li ni ko asi minda na, ka ko gaɗta dira naɗi lay, ka ko dlara Yawe ɓiiriɗ ka maŋ goryoŋ Yakob ma nam jokom sem ki ana Israelna naɗi lay.

2 MULINA 17:41

Ko ndaɗta na njaf suu zeɗ zeɗ asina li ndaa Yawe ha may, tokol fuli masisina ha hu gak may. Ni ko somoyosi li ay jewra na. Asi cemi ni li ni na lay.

2 MULINA 2:24

Nam pereɗ irim golosi ha na ni gasi vunna u sem Yawe. Na gaw ni bosokona cuk ay ki duk gura na mba', kom ki u gor kem asira na dok-fiɗi yam mba'.

EZAYI 15:9

Mbo ma Dimonna ki ni busuna halaŋ halaŋ. Lassa daŋga an ndak cukuɗ ha kay suu Dimonna olo, dlona ci u suu suɗ ay ki dew dewna kiyo, u suu hin vo hu mbas ndaɗtana lay.

JEREMI 10:7

Sa hin ka laŋ ndaaraŋgi na ni gege, mul ma vi suunana. Dla ndaɗta ni ŋgol maŋga. Duk suu yalna halaŋ lay, duk mulina halaŋ lay, sa ko aŋ na kaɗi.

JEREMI 15:3

An cukusi suu duuna fiɗi kasi toŋgo zak. Yawe di na. Ŋgewra a casi kira, diginina a taɗasi kira, layagi suu huulonana u mburi suu kay ndaŋgarana a komosi kira.

JEREMI 5:6

Na ɗaŋŋi dlo ma ay duk gura na hin vasi kiyo. Bosogo ma hu fullana hin komosi kiyo. Sindilna hin buu kaŋga ŋgoo ɦoŋziisina, hu li ma asi hin kal kina, nam hin palawasi kiyo. Kay ana yaasira wul ha fokŋi wuli na ɗow ɗow, dla coosira ka seŋ tuɗta tuɗ fokkaɗi.

EZEKIYEL 14:15

«Lini an sun vabakgi suu cona ay hu mbas ndaɗta asi ci suu hu mbas ndaɗtana kiyo. Mbassa mbuɗ ki ni ŋgoo bagira. Sa ka tuɗ hu oloɗi ko vabakgina.

EZEKIYEL 14:21

«Kay Bu Suuna, Yawe, di ana, lini an sun gaɗ manda kaɓakŋa kay mbassa fiɗi cara ha kay zi ma Yerusalemma lay, ni ana ŋgewna, may ŋgolla, vabakgi suu cona u tuguɗira cora kay a ci suu warna u yoorina kira.

DANYEL 6:26

Na ɗaŋŋi mulna Dariyus ɓii maŋ suuna halaŋ, njaf suuna u dee vunusi kay yam ndaŋgara halaŋ, «ko heɓpa li u agi ŋgolo.

DLAŊ LEVIRA 26:22

An hin sunugi vabakgi suu cona ay kagiya, asi hin cagi goryogi kiyo, cagi yoori magisina ki may, asi doorogi ki kay voɗta tuɗta, voɗ magira mbuɗ ki ni ko duk gura ɦawa na.

JONAS 1:9

Nam hoŋosi dira ana, «Anni sa ma Hebrena, an goɓmi Yawe, Lo ma Kolona, nammi sa ma li mbo lum ma ŋgolona u ndaŋgara halaŋ.»

JOSUWE 22:25

Duk hoŋoygi u agi goryoŋ Rubenna u suu vi Gadna Yawe kaaygi dukuygi ki u mbo lum ma Yurdanna wa. Kay ndaɗta vaagi ma ka ko Yawe oloɗi, li wa na ni goryogi hin viɗimi yam goryomi ki ka hinisi a li ndaa Yawe oloɗi.