2 MULINA 17:23 - Boy Lonana

²³ ta ta mbuɗ a Yawe dikisi ha ki egem day, ko ndal nam di ay ki fok jew fun suu mam suu sunda, suu jok vun Lona suu Israelnara na. Suu Israelna tuɗ ki na day eg mbas masira, ha ki hu Asiri ta ta cemi.

2 MULINA 17:23 ပူးပေါင်းရင်းမြစ်များ

2 MULINA 17:6

Tew hu basara dleeŋera a Oze kaki hu mullara, mul ma Asirina ndug Samari, yow suu Israelna ha ki mbaɓura hu Asiri. Nam cukusi ha ki hu Hala may, ha ki hu Gozan li ma mbo ma Haborna ɓaɗ ha huna may, hu ɦoŋzi ma Medina may.

2 MULINA 17:13

Yawe ne yam suu Israelna ki coco fun suu jok vun Lona zeɗ zeɗ. Suu Israelna u suu Yudana halaŋ ana, «Humugi u gaɗ manda u gaɗta an dagira ay ki jew maŋ somoyogira, an hin hoŋ dagira magi agi tagira olo, fun suu man suu sununna, suu jok vun Lonana.»

AMOS 5:27

An hin yowogi tuɗugi ha ki ŋgoo Damas dagani, Yawe di na. Lo ma saɓakŋa ni semu.

2 MULINA 17:20

Yawe cuk suu Israelna ki ni bel bel. Nam homosi yasi ki kaŋga u suu daŋŋa. Nam ɦasi ki ko suu ɦurumba. Asi ɦurumusi ki tuɗusi ha ki egem na day.

2 MULINA 17:18

Yawe hurum ɓeŋ ki ŋgol coco eg suu Israelna. Nam dikisi ha ki na day egemu. Dee suu vi Yudana hinni asi doy hol.

1 MULINA 14:16

Nam ɦasi ki ni kay dla cora Jeroboam laɗta. Nam cuk suu Israelna halaŋ ga hu sulukŋa.»

MISE 1:6

An hin mbuɗ Samari ki ni sene ma ɓeŋina, mbassa gugutlura. An hin lagaɗaɗ goygoy maɗta ki kaŋga hu giriŋŋa u zigini maɗ suu gii kaŋgana an hin takasi ki kiɗiki.

1 MULINA 13:2

U boy ma Yawe dammana, nam sawalla kolo di ana, «Givin ma togolla, givin ma togolla Yawe di ay ana, gola goona hin vuɗ hu njaf ma vi Davidna, hin tinim sem ana Josiyas. Nam hin li ɓivunna ki kaŋ u muli suu ka li ɓivunna hu li ma teteɗna wanna, givin ma togolla ta asi ŋgal ɓivunna jew huna hin ŋgal sok suu warna ki huwa.»

1 MULINA 9:7

ni an hin bulum suu Israelna ki kay yam ndaŋgara halaŋ, kay ndaŋgara an ɦasirara lay. Zira an mbuɗuɗ ki teteɗ a yan sen hura an hin hiniɗ ha ki egen na day. Suu Israelna hin mbuɗ ki ni a njunjunda vi suunara halaŋ.

2 MULINA 17:22

Suu Israelna halaŋ li ni dla co mayra Jeroboam laɗta. Asi ka hin co ndaɗta kiɗi,

GA 8ATAMBARA 32:20

Nam di ana, «An min ŋgay tan ki irisiya, an hin golosi dlara hin fasi ha fokka tuwa. Kay asi ni njaf suu dlasi cona, ni ka gor suu aŋ sa caa yaŋ kay dlasiraɗi.

JOSUWE 23:13

ni agi wi ki kagi ana Yawe, Loogina, ka hin tuɗ fok gak a dikigi njaf suu ɦawana ha ki fokogira oloɗi, asi hin mbuɗ kagi ni a bayna u daw ma vagina, ni a balaf ma waɗagina ni a wayra ndi irigira ta ta agi hin bulum ki hu mbassa jivi ndaɗta ta Yawe, Loogina, ɦagirara.

SUU KAƁAKŊA 18:30

Asi cuk fuli suu vi Mikana a goɓosira. Yonatan goŋ Gersonna, goŋ ŋgolo Moizna mbuɗ a mul ma li ɓivunna vi suu Danna ni namu. Njaf suu vi Yonatanna hin a li ɓivunna gak gak tew hu li ma suuna yowosi ki ŋgayrana.

2 MULINA 3:3

Na may ni nam njun tam eg dla cora Jeroboam ma goŋ Nebatna laɗta, cuk suu Israelna hu dla cora halaŋ. Nam fuɗ tam ka ki ko dla co ndaɗtaɗi.

2 MULINA 13:23

Na may Yawe hin wi hahaw suu Israelna. Nam takasi oo mamba, mbuɗ irim ay egesiya, ni kay galam mamba nam vaɗ ay u Abraham u Isaak u Yakobpa. Nam ka min a gasi njafasi kiɗi. Kay ndaɗta nam dikisi ha ka ki egem dayɗi.

2 MULINA 21:14

An hin noy u suu man suu hin ndena kiyo. An hin ɦasi ki ko suu babali masisina. Asi hin ki ni a tlesuu ɦurumusi ay ki fun duunana.

2 MULINA 23:27

Yawe dam ki ana, «Mbassa Yudara an hin ɦuɗuk ha ki egen day ko ndal an ɦuɗ mbassa Israella ha ki dayra na may. Ҥoŋzi ma Yerusalem ma an manamma an hin hinim kiyo, zi may ma an di kam ana sen hin yi huwana.»

2 MULINA 24:3

Dla ndaɗta li na ni kay Yawe min a ndaɗ li na ni nam daŋ may. Nam min a bulum mbassa Yudara ki fokomu. Ni kay dla cora Manase laɗta u dlara nam laɗta halaŋ.

2 MULINA 25:21

Mul ma Babilonna casi poŋga, hin casi ki maɗna hu Ribla tana hu mbassa vi Hamatta. Suu Yudana mbuɗ ha ki eg mbas masira day ni ko ndaɗta na.

NEHEMI 9:32

«Cecem wanda Loomina, Lo ma ŋgolna, ma saɓak ma suuna lam ndaaramma, ma tuɗ u galamba fok u ɗegeerana, aŋ gol dlara mba egemira iriŋ ko dlara goora naɗi, eg muli mamisina lay, eg suu malayaŋ ziimina lay, eg muli mami suu li ɓivunna lay, eg suu mami suu jok vunnana lay, eg somoyomi lay, eg suu maŋsina halaŋ col ay eg muli suu Asirina day ta ta karami.

SOOLLA 51:13

Dikin ha ki day egeŋgi, paɗan Musuk maŋga teteɗta ki hurunɗi.

EZAYI 7:8

Ni kay mege? Kay ana saɓak Siri su Damassa, saɓak Damas ka u mulna Ressin lay. Basara hin tu na dok-karkiya yam vadl ni Efrayim ma tokina ka min koloɗi.

JEREMI 7:15

An hin dikigi ha ki egen na day, ko ndal an dik gorsegina ki egenda na, njaf suu vi Efrayimma na may.

JEREMI 52:3

Dlara li hu Yerusalem u Yudara mbuɗ huu Yawe ki yara a nam dikisi ha ki egem day. Sedesiyas mbuɗ yara eg mul ma Babilonna.

Magaara Vi Sa Jok Vun Lona OZE 12:3

Yawe ɓakŋa ka kom u Yuda, a Yakob ɓak ki kay dlaamba, kay tuɗ mamba a hin kaam ɓakŋa kam u sun mamba.

MISE 1:5

Tle asina li halaŋŋi kay yara vi Yakobpa, ni kay suluk ma vi suu Israelna. Yara Yakob laɗta ni tarage? Ka ni Samariɗi su? Li ma vi Yuda ma kolo mbuyna ni manage? Ka ni Yerusalemɗi su?

MISE 2:5

Ni kay ndaɗta ndak hin ka fi sa a ŋgaak ii li ma kak duk suu vi Yawenaɗi.