2 MULINA 17:20 - Boy Lonana

²⁰ Yawe cuk suu Israelna ki ni bel bel. Nam homosi yasi ki kaŋga u suu daŋŋa. Nam ɦasi ki ko suu ɦurumba. Asi ɦurumusi ki tuɗusi ha ki egem na day.

2 MULINA 17:20 ပူးပေါင်းရင်းမြစ်များ

2 MULINA 13:23

Na may Yawe hin wi hahaw suu Israelna. Nam takasi oo mamba, mbuɗ irim ay egesiya, ni kay galam mamba nam vaɗ ay u Abraham u Isaak u Yakobpa. Nam ka min a gasi njafasi kiɗi. Kay ndaɗta nam dikisi ha ka ki egem dayɗi.

2 MULINA 13:3

Huu Yawe ɓeŋ ki egesiya. Nam hinisi ki hu duk ko Hazael, mul ma Sirina, tew tew, hinisi ki ko goromma, Ben Hadad, ni na lay.

2 MULINA 13:7

Suu duu suu hin ko Joasazna ni suu jaŋ kulumina na dok-vadl, pus pusna ni doogo, suu duu suu semba ni buɓ buɓ doogo may. Kay mul ma Sirina ci suu wanna ki ni halaŋ halaŋ. Nam lasi ki ko ndal gugum ndaŋgara suuna tayaɗ ki kaŋga u sesira ɦawa na.

2 MULINA 15:29

Hu li ma Peka ka hu mullana ni Teglat Falasar, mul ma Asirina, mba tli ɦoŋzi ma Yon, Abel Bet-Maaka, Yanoha, Kedes, Hasor, Galaad, Galile u mbassa vi Neftalira halaŋ. Nam yow suu hu mbas ndaɗtana, tuɗusi ha ki Asirina.

2 MULINA 17:15

Asi noyom gaɗ mamba kiyo, noy galamba nam vaɗ ay u somoyosira ki lay. Gaɗta nam gasi humusi kaɗta, asi zaŋ irisi ni eg dlara uɗ kaɗira. Asi li ni ko njaf suu daŋ suu ŋguyusi wanna na. Doli ɗini Yawe neesi ki ana ka asi li ko suu asina naɗi.

2 MULINA 17:18

Yawe hurum ɓeŋ ki ŋgol coco eg suu Israelna. Nam dikisi ha ki na day egemu. Dee suu vi Yudana hinni asi doy hol.

2 MULINA 18:9

Hu li ma Ezekiyas li basara ki hu mulla na fiɗi, ni Oze ma goŋ Elana a mul ma Israelna li basara ki hu mulla ni kiɗisiya may. Salmanasar, mul ma Asirina, mba ndug ɦoŋzi ŋgol ma Samarina a duu u asiya, ŋguf yam zina ki u suu duuna na cutl.

2 MULINA 21:14

An hin noy u suu man suu hin ndena kiyo. An hin ɦasi ki ko suu babali masisina. Asi hin ki ni a tlesuu ɦurumusi ay ki fun duunana.

2 MULINA 23:27

Yawe dam ki ana, «Mbassa Yudara an hin ɦuɗuk ha ki egen day ko ndal an ɦuɗ mbassa Israella ha ki dayra na may. Ҥoŋzi ma Yerusalem ma an manamma an hin hinim kiyo, zi may ma an di kam ana sen hin yi huwana.»

2 MULINA 24:3

Dla ndaɗta li na ni kay Yawe min a ndaɗ li na ni nam daŋ may. Nam min a bulum mbassa Yudara ki fokomu. Ni kay dla cora Manase laɗta u dlara nam laɗta halaŋ.

1 DLAŊ MULINARA 16:13

Agi suu Israel suu sunumma, agi goryoŋ Yakob suu nam managina.

NEHEMI 9:2

Suu hu njaf ma Israelna ɓorow dukusi ki u suu koyogina, lak kaŋga a hom ki kay coosira u suluk ma vi somoyosina.

SOOLLA 51:13

Dikin ha ki day egeŋgi, paɗan Musuk maŋga teteɗta ki hurunɗi.

SOOLLA 53:5

Bu Suuna joɓ tam ana, «Suu li dla cora asina, suu ɦurumun tlena ki ko suu mansinana halaŋŋi yasi kaɗi su? Asi ka goɓonɗi lay.»

SOOLLA 80:13

Aŋ hin hawaɗ kaa ma ŋguy kaɗna ki ni amege? Cemi gegelay ma jak tuɗta ka kuluɗ vuɗuɗ kiyo.

EZAYI 2:6

Bu Suuna, aŋ hin suu maŋsina ki wa, goryoŋ Yakobma, kay asi yow dlara vi suu u maɗiinara ay kasiya. Asi li kumuna ko suu Filistinna na. Ni kay taɓ u gor suu daŋŋara.

EZAYI 45:25

U oora vi Yawe njaf suu Israelna halaŋ hin fi ɗegeera umu, asi hin ŋga tasiya.

JEREMI 15:1

Yawe dan ana, lini gi Moiz u Samuel col fokon lay, an hin ka mbuɗ hurun kay suu asinaɗi. Dikisi ki fokonu, asi tuɗ kiyo.

JEREMI 46:28

Aŋ saan ma sunda Yakob li ndaaɗi. Yawe di na. An ka u aŋu. An ci njaf suu an manaŋ ay ki dukusina ki halaŋ halaŋ. Na may aŋ wanni an ka caŋ ki koɗi. An haɗaŋ a aŋ li u gaɗta ka hiniɗ jak ki kaŋgi.

JEREMI 52:3

Dlara li hu Yerusalem u Yudara mbuɗ huu Yawe ki yara a nam dikisi ha ki egem day. Sedesiyas mbuɗ yara eg mul ma Babilonna.

JEREMI 6:30

Asi yasi ana, «kawi ma suuna ka minimbina,» kay ana Bu Suuna ka minisiɗi.

JEREMI 7:15

An hin dikigi ha ki egen na day, ko ndal an dik gorsegina ki egenda na, njaf suu vi Efrayimma na may.

Magaara Vi Sa Jok Vun Lona OZE 1:6

Ndaɗ vi wiina olo hin vuɗ go tamara. Nam Yawe hin di Oze ana, «Tiniɗ seɗ ana Lo Rouhama ni ana an ka minigi oloɗi. Kay ana an hin ka tuɗ fok u minda an min suu Israelna oloɗi. An hin bulum minda duk ɦoŋomira ki na bel.

Magaara Vi Sa Jok Vun Lona OZE 12:3

Yawe ɓakŋa ka kom u Yuda, a Yakob ɓak ki kay dlaamba, kay tuɗ mamba a hin kaam ɓakŋa kam u sun mamba.

JONAS 1:10

Asi paɗ ki ndaana cocoo, dam ana, «Aŋ a li na ni dla mege?» U boy ma nam dasinana, asi wi ana nam pii kini a tin yam ki day eg Yawe.

JONAS 1:3

Jonas col kolo colni pii tin irim ki hu ɦoŋzi ma Tarsisna a ŋgay tam ki day eg Yawe. Nam tuɗ ga hu Yoppe, tuɗ fi lum kawi ma asi minim a tuɗ Tarsisna huwa. Nam warak suu lum kawina, ful usi a tuɗ ki hu Tarsissa may. Ki day eg Yawera.

MATIYE 25:41

«Dagan ni Mulna pereɗ irim eg suu bikim ŋgulna, dasi ana, Ҥuɗugi ha ki egen day. Lona gagi vunna wa. Tuɗugi duk kura ka miɗ kiɗira, ta miniɗ maŋ Satanna u suu mamsinara.

GA 8ATAMBARA 11:12

Ni mbassa Yawe Loogina goloɗ cocora, ii Yawe Loogina ka cuki kaɗu, ha hu gijaŋ basara ta ta daɓ maɗta.

GA 8ATAMBARA 32:20

Nam di ana, «An min ŋgay tan ki irisiya, an hin golosi dlara hin fasi ha fokka tuwa. Kay asi ni njaf suu dlasi cona, ni ka gor suu aŋ sa caa yaŋ kay dlasiraɗi.

2 TESALONIKŊA 1:9

Kaɓak masina ni ɓalakka a fafatta, ha ki day eg Bu Suuna u saɓak mamma bibiŋilna.

JOSUWE 23:13

ni agi wi ki kagi ana Yawe, Loogina, ka hin tuɗ fok gak a dikigi njaf suu ɦawana ha ki fokogira oloɗi, asi hin mbuɗ kagi ni a bayna u daw ma vagina, ni a balaf ma waɗagina ni a wayra ndi irigira ta ta agi hin bulum ki hu mbassa jivi ndaɗta ta Yawe, Loogina, ɦagirara.

SUU KAƁAKŊA 18:30

Asi cuk fuli suu vi Mikana a goɓosira. Yonatan goŋ Gersonna, goŋ ŋgolo Moizna mbuɗ a mul ma li ɓivunna vi suu Danna ni namu. Njaf suu vi Yonatanna hin a li ɓivunna gak gak tew hu li ma suuna yowosi ki ŋgayrana.

SUU KAƁAKŊA 2:14

Yawe hurum ɓeŋ ki egesiya. Nam hinisi ki ko suu ɦurum tlena vi suuna asi ɦurumusi kiyo. Nam gususi ha ki ko suu babali masisina suu ŋguy kasina. Saɓakasi ma col eŋ fok suu babali masisina ka oloɗi.

1 SAMUEL 15:23

Na may yara lira ŋgol su kaboy ma kaamma, ciwayra su kumu ma vamma kay ana aŋ noy boy ma vi Yawena kiyo. Nam noyoŋ ki may, aŋ ka mul oloɗi.»

1 SAMUEL 15:26

Samuel di Sol ana, «An ka hoŋ u aŋgi kay ana aŋ noy boy ma vi Yawena kiyo, Yawe hin noyoŋ ki may, aŋ ka mul ma Israelna oloɗi.»

1 SAMUEL 16:1

Yawe di Samuel ana, «Aŋ hin tii kay Sol na gak gak su? An tanda noyom ki ni anu. Nam ka mul ma Israelna oloɗi. Oy mek maŋŋa u mbulna tuɗa. An sunuŋ ha vo vi Jese ma Betlehemma, kay ana an gol duk goryom wanni sa ma tinim a mulnana kaa.»