2 MULINA 17:17 - Boy Lonana

¹⁷ Asi gi goryosi suu njufiina u suu tamagina ki duk kura, asi joɓ fulina, asi li ni u dlara suu joɓ loogi suu ɦawana dasirara lay. Asi ɦal tasi ki a li dlara ka ii Yawe jiviɗira, ɓalakam hurum ki egesiya.

2 MULINA 17:17 ပူးပေါင်းရင်းမြစ်များ

2 MULINA 21:6

Nam ŋgal gorom ma vuɗta ki duk kura. Nam li dlara mbuɗta u gi kumuna. Nam tuɗ fun suu joɓpa lay. Nam ɓeŋ huu Yawe ki u suluk ma ka gin a liɗina, li dlara ka irim jiviɗira.

2 MULINA 16:3

Nam li ni dlara vi muli suu Israelnara, gi gooromma ki duk kura lay, ko ndal njaf suu co suu Yawe dikisi ki fok suu Israelna jewna lira na.

EZEKIYEL 23:37

Kay asi li dlara zoŋga, huu duk kosi ki oyra u busuna. Asi li dlara zoŋga u fuli masisina ta ta asi ɦasi gor suu asi vuɗunsina manna ki lay.

1 MULINA 21:20

Akab di Eli ana, «Aŋ sa ma babali manna, fan wa daŋ su?» Nam hoŋom dira ana, «An faŋ wa kay aŋ gus taŋ ki ni u busu sana kay dla cora aŋ laɗ fok Yawe wanda.

MISE 5:12

An hin yow tlesuu aŋ minisina u gogoyra kiyo, aŋ hin ka goɓ kaŋga fok tlesuu aŋ minisi u koŋŋa oloɗi.

1 MULINA 21:25

Sa ma li dla cora ko ndal Akab lira na ni kaɗi. Nam li dlara ka ii Yawe jiviɗira. Caamba Jezabel kalam hu dlara cora ni ndaɗu.

DLAŊ LEVIRA 19:26

«Komogi tliwna hu li ma agi ŋgaɗ busuna hunaɗi. Lagi dlara kumunaɗi, cenegi suu miɗinaɗi lay.

DLAŊ LEVIRA 18:21

«Aŋ ka ɦal goryoŋ a ŋgalasi ki maŋ ful ma yam ana Molekŋaɗi, aŋ ka ɓalak sem Looŋŋa kiɗi. Ni an, Yawe.

GALATENA 5:26

Ŋgaaygi taygiɗi, halaygi boyna duk taygi a ɓeŋ taygi ki ɦawaɗi, ŋgiziɗ tlena vi taygiɗi lay.

SUNDA 16:16

Hu buu maa dew ni ami tuɗ hu li ma cen Lona, goora dew u fulna kaɗu. Ndaɗ di ki kay dlara hin li ha fokka, ndaɗ fi gursura maŋ maliyaɗna ŋgol u boy namma. Hin ŋgafami vokomiya.

EZEKIYEL 23:39

Hu li ma asi ŋgaɗ goryosi ki maŋ fulinana ni asi hoŋ tuɗ kal hu Ziŋ Lonara olo a mbuɗuɗ ki njenjera. Gola ni dlara asi laɗ hu Ziinnara.

EZEKIYEL 20:31

Hu li ma agi mbaa tlegeyegi ayna, hu li ma agi ŋgal goryogi kina, agi mbuɗ tagi ki njenjera u fuli magi asina ta ta cemi. An may ni hin hin tan a agi mbay joɓon gasi may su agi suu Israelna? An suu tan u iiri manda di ni Bu Suuna, Yawe, an ka ndak a hin tan a agi joɓonɗi.

EZEKIYEL 20:26

An hinisi asi mbuɗ tasi ki njenjera u ɓivun masina. Asi ŋgaɗ goryosi suu njufiina suu vuɗ fok jewna ki maŋ fulina, ŋgalasi kiyo. An li na ni a hin kaasi ɓakŋa kasira. Asi hin wi ki ana anni Yawe.

JEREMI 27:9

Agi may ni humugi vun suu jok vun Lo magisinaɗi, suu magi suu dandaɗi lay, suu magi suu joɓpaɗi lay, suu magi suu tin gariraɗi lay, suu magi suu li kumuna suu dagi ana agi hin ka hom yagi kaŋga fok mul ma Babilonnaɗina.

EZAYI 50:1

Yawe di ana, magaara an ɓiirigira a busugi sugi kira ni arage? An ɦagi ki maŋ sa ma an ka balna komma ni gege? Gola dla coogira agi laɗta gusugi ay ki ni ndaɗu. Ni kay ŋgel magira agi ka humbira dikigi sugi ki ni na.

EZAYI 47:9

Tlesuu mba' asina a mbay kaŋŋi cem cem, goryoŋ hin ba ki lay, aŋ hin hin ki donora lay, asi hin ba ni hu buu ma dewna. Lini aŋ ka min taŋ maŋ coco lay ka ndakgi, gari maŋga u kumuna ki ni ɦawaa.

EZAYI 8:19

Lini suuna dagi ana agi tuɗ fun suu joɓpa, suu may suu di dlara ay u hosokka gana, suuna ka ndak a joɓ loogi masisinaɗi su? Asi joɓ suu miɗina ay kay suu iirinaɗi su?

2 DLAŊ MULINARA 33:6

Nam tamba lay ŋgal goryom ki duk kura hu ɦuɗugumba Ben Hinnomba. Nam li dlara kumuna masira u dawra lay, joɓ suu wi dlara lay. Nam ɓeŋ huu Yawe ki u dla cora nam laɗ ka irim jiviɗira.

2 DLAŊ MULINARA 28:3

Nam u tamba ŋgal mbitla his jivira ay ki hu ɦuɗugumba Ben-Himmomba lay. Nam ŋgal goryom ki u kura ko ndal njaf suu co suu Yawe dikisi ki hu mbassa fok suu Israelnara na.

2 MULINA 17:11

Asi li ɓivunna hu liisi ma teteɗ namma halaŋ halaŋ ko ndal suu may suu Yawe dikisi ki hinisi liisina ki wanna na lay. Asi li dla mayra cora ɓalak huu Yawe ki egesira.

ROMMA 7:14

Ay wi ana gaɗta ay ni vi Lona, anni sa warna ɦawaa ki gusi a mbaɓuna ko cora.

GA 8ATAMBARA 4:25

Hu li ma agi vuɗ gorra wa, u gor ŋgologi magisina mbuɗ wa, agi basaɗ ki coco hu mbas ndaɗta wa ni, lini agi ɓalak tagi a goɓogi loogi suu ɦawana, minigi fulina tlesuu ɦawana, lini agi li dlara ka ii Yawe, Loŋŋa, jiviɗira a ɓalakam hurumu,

2 MULINA 17:31

Suu Avana loosina ni Nibaz u Tartak. Suu Safarvaimma tuɗ fok u ŋgalla ŋgal goryosi ki maŋ loosina Adramelek u Anamelek may.

JEREMI 7:31

Asi min otel ma li ɓivunna ha hu ɦuɗugumba Ben-Hinnomba kay a ŋgal goryosi suu njufiina u gorɓiina ki u kura. An joɓ dla ndaɗta kaɗi. An saa ka kay dla ndaɗtaɗi lay.

JEREMI 19:5

Asi mbu lina kolo maŋ Baal a ŋgal goryosi ki a ɓivunna maŋ Baal u kura huwa. Dla ndaɗta an ɓiiriɗ kaɗi, an ɓakaɗ kaɗi lay, saa ndaɗta mba ka kanɗi lay.

JEREMI 25:7

Na may ni agi hum kaɗi. Yawe di na. Doli ɗaŋŋi agi lan dla cora egenni li na ɗow.

EZEKIYEL 16:21

Ndak ŋgaɗan goryon kiyo, ndak ɦasi ki a li ɓivunna.

DLAŊ LEVIRA 19:31

«Tuɗugi fun suu joɓpaɗi, saa kay dlara asi laɗtaɗi, dla ndaɗta mbuɗugi ki njenjee. Ni an, Yawe, Loogina.

GA 8ATAMBARA 32:16

Asi ɓeŋ huu Lona u goɓpa asi goɓ loogi suu ɦawana, asi mbuɗum yara u dlasira asi laɗta.

1 MULINA 14:15

Yawe hin ci suu Israelna. Asi hin mbuɗ ɦulul kolo ko ndal cerewna gasi kolo duk mbona fun lummara na. Nam hin dik suu Israelna ki hu mbassa jivira nam ɦaɗ ka maŋ somoyosira. Nam hin njayasi ha ki ŋgoo lumma ŋgolna ii ma hiniŋŋa. Kay ana asi min fulina ma asi a goɓomma kay tasiya. Asi duu ni u Yawe.