2 MULINA 17:16 - Boy Lonana

¹⁶ Asi noy gaɗta vi Yawe, Loosinara, ki halaŋ halaŋ. Asi yoo fuli gor mbutlina mba'. Asi pi gu ma vi Aserna fokosiya. Asi goɓ vogosi kaŋga fok tlesuu kolo huulona, asi sunni Baal may.

2 MULINA 17:16 ပူးပေါင်းရင်းမြစ်များ

1 MULINA 12:28

Mulna fi saara daŋga. Nam yoo gor mbutlina mba' u lorra. Nam di suu Israelna ana, «Agi tuɗ tew tew ni Yerusalemmi gola agi suu Israelna Loogina wanna, ni ma cukugi ay ki hu mbassa Egiptera.»

1 MULINA 14:15

Yawe hin ci suu Israelna. Asi hin mbuɗ ɦulul kolo ko ndal cerewna gasi kolo duk mbona fun lummara na. Nam hin dik suu Israelna ki hu mbassa jivira nam ɦaɗ ka maŋ somoyosira. Nam hin njayasi ha ki ŋgoo lumma ŋgolna ii ma hiniŋŋa. Kay ana asi min fulina ma asi a goɓomma kay tasiya. Asi duu ni u Yawe.

1 MULINA 14:23

Asi min liisi ma mbuy kolona a li ɓivunna, col ɦinira ceɗi ta teteɗta fokosiya, min fulina tlesuu teteɗna kolo kay li mbuyna na zeɗ zeɗ, hu li ma ŋgusugina ɗufi hu cocona,

1 MULINA 15:13

Nam doo sum ŋgolo Maaka ki kay sun maɗta ca mulla su suunara lay. Kay ana ndaɗ li fuli maɗna maŋ Asera. Aza kaaɗ fuli maɗ namma ki ŋgalam ki fun mbo lum ma Sedronna.

1 MULINA 16:31

Ka irim jivi a li dlara Jeroboam goŋ Nebatna laɗtaɗi ni, nam tuɗ ta ta ɗum Jezabel ta goŋ Etbaal mul ma vi suu Sidonna. Nam goɓ kaŋga fok Baal, cenemu.

1 MULINA 16:33

Akab pi ɦinira ceɗi ta teteɗta ta vi Aserra. Nam tuɗ fok u dlara ɓalak huu Yawe, Lona vi suu Israelna, na gak gak. Ki co su muli suu Israel suu kak ay mulla fokom jewna halaŋ halaŋ.

1 MULINA 22:53

Nam li dlara ka ii Yawe jiviɗira. Nam tli ni dlara vi bumba olo u dlara vi sumba u dlaŋ Jeroboam, ma goŋ Nebatna, ma cuk suu Israelna hu dla cora halaŋ.

2 MULINA 1:2

Fali taa dew ni Ahaziyas ay kolo hu zira mini kolo kay ndaraɗtara. Nam ndi ay kaŋga dag ki cocoo. Nam cuk suuna vun sunda dasi ana, «Tuɗugi joɓogi Baal-Zebub, lo ma vi suu Ekronna aya, na ni an ndak a garaɗ ki ko dagka fan wandara ko su?»

2 MULINA 11:18

Suuna halaŋ tuɗ hu ziŋ Baalla. Asi hawaɗaɗ kiyo, to otella hura ki may, u fuli suu mini huna lay, ci mul ma li ɓivunna vi Baalna, ki may. Yoyada tin suuna a juɓ u Ziŋ Yawera.

2 MULINA 16:3

Nam li ni dlara vi muli suu Israelnara, gi gooromma ki duk kura lay, ko ndal njaf suu co suu Yawe dikisi ki fok suu Israelna jewna lira na.

2 MULINA 17:10

Asi ceɗ ɦinira pi gu ma vi Aserna kolo kay mbura u ŋgusugi suu ɗufi cocona may.

2 MULINA 18:6

Nam kak hurum tokira ni kay Yawe na dew, mbuɗ hurum kaɗi. Nam li ni u gaɗta Yawe ɓiiriɗ ka maŋ Moizza na tew tew.

2 MULINA 21:3

Nam hoŋ min li ma kolo mbuyna ma bum Ezekiyas hawaɗam ka kina. Nam min otella maŋ Baal, pi gu ma ceɗi teteɗna ma vi Aserna ko Akab, mul ma Israelna, lira na. Nam goɓ kaŋga fok tlege suu kolo huulona halaŋ, sunusi lay.

KALKIRA 32:4

Hu li ma nam yowosi lorra ay kosi yow yowni, nam yoo foto goo mbutlna u lorra. Suuna halaŋ di ana, «Goloygiya ni looygi ma cukuygi ay ki hu mbassa Egiptena.»

KALKIRA 32:8

Asi kak ka na njok a viɗ tasi ki hin voɗta an takasira hara kiraɗi. Asi min goo mbutlna fokosiya, asi goɓ ga fokomu, asi lam ɓivunna lay, di ana, gola ni loogina agi suu Israelna, ni ma cukugi ay ki hu mbassa Egipterana.»

EZAYI 2:8

Mbas masira oy ki u dlara fulina. Asi goɓ ga fok tlesuu asi minisi u kosina, goɓmi fok tlesuu kosi minisina.

JEREMI 19:13

Zigini suu njenje suu Yerusalemma u muli suu Yudana mbuɗ ki ko li ma mbuyna na, gasi zigini asina halaŋ suu ŋgal ɓivunna kolo kay yasi maŋ suu duu suu huulonana, li ɓivunna maŋ loogi suu daŋŋa lay.

JEREMI 44:17

Ami min li ni dlara ami vi vunumi kaɗ a laɗta. Ŋgalami ɓivunna maŋ mul cara kolo huulonara. Ami hin ɦaɗ mbul ma his jivina ko ami li ay hu ɦoŋzi ma Yerusalemma u ma Yudana na. Ami tamira lay, somoyomi lay, muli mamisina lay, suu ŋgolo mami suu sunda lay. Ko ndaɗta na ami fami fu ma tira um hin ki komi lay. Ami kaki u heɓpa ka wami dla co egemiɗi lay.

JEREMI 8:2

Hin warasi ki i faɗta, i tilna maŋ suu duu suu huulonana suu asi minisina, sunusina, tuɗ usina, joɓosi layna, suu asi goɓ kaŋga fokosi layna. Sok namma taram taa ni tosom kaŋgaɗi, nam hin hinni a zozot ta cim ndaŋgara.

EZEKIYEL 23:8

Ndaɗ hin zoŋ maɗta ndaɗ ha laɗ hu Egipte jewra ka kiɗi. Hu li ma asi lumuɗuɗ pooɗ may na hu li ma ndaɗ ay go tamara tuna, suu daŋŋa buu u ndaɗu, mbuɗuɗ ki cara dalamba.

DLAŊ LEVIRA 26:1

Yawe di ana, «Goɓogi loogi suu ɦawanaɗi, ceɗegi tlesuu agi a goɓ fokosi ko Lonana naɗi. Hu mbas magira ni ceɗegi ɦini mayra suuna a goɓ fokoɗta kalaɗ ay huɗi, goɓogi fokoɗɗi lay, kay anni Yawe, Loogina.

GA 8ATAMBARA 16:21

Keŋ givin ma togolla vi Yawe, Looginana, wanni agi fulina ma vi Aserna huɗi.

GA 8ATAMBARA 4:19

Ka agi gol irigi kolo huulona wi gi faɗta, tilna u ciciwra tlesuu kolo huulonna halaŋ a zuɗugi a goɓ ga fokosiɗi, a sunusiɗi lay, kay asi ni tlesuu Yawe Loogina tunusi kolo huulona ni maŋ suu kay ndaŋgarana halaŋ.