2 MULINA 17:13 - Boy Lonana

¹³ Yawe ne yam suu Israelna ki coco fun suu jok vun Lona zeɗ zeɗ. Suu Israelna u suu Yudana halaŋ ana, «Humugi u gaɗ manda u gaɗta an dagira ay ki jew maŋ somoyogira, an hin hoŋ dagira magi agi tagira olo, fun suu man suu sununna, suu jok vun Lonana.»

2 MULINA 17:13 ပူးပေါင်းရင်းမြစ်များ

1 MULINA 16:1

Yawe mba di Jehu, ma goŋ Hananina, kay dlara vi Beasara ana,

1 MULINA 16:7

Hu li ma Yawe di dlara maŋ Beasa fun sa ma jok vun Lona, Jehu, ma goŋ Hananina, na ni kay dla cora na mba' ta jewra ni Beasa u suu mamsina halaŋ li dlara ka ii Yawe jiviɗira. Asi ɓalakam hurum ki u dla coosira asi laɗta ni ko ndal Jeroboam u suu mamsina lira na olo. Ta mbara ni kay ana Beasa ci dee suu vi Jeroboamma ki na halaŋ halaŋga may.

2 MULINA 17:23

ta ta mbuɗ a Yawe dikisi ha ki egem day, ko ndal nam di ay ki fok jew fun suu mam suu sunda, suu jok vun Lona suu Israelnara na. Suu Israelna tuɗ ki na day eg mbas masira, ha ki hu Asiri ta ta cemi.

2 MULINA 18:6

Nam kak hurum tokira ni kay Yawe na dew, mbuɗ hurum kaɗi. Nam li ni u gaɗta Yawe ɓiiriɗ ka maŋ Moizza na tew tew.

2 MULINA 21:10

Na may Yawe ɓakasi ay fun saam ma sunda ma jokom vunumma di ana,

1 DLAŊ MULINARA 29:29

Sunda mulna David laɗ jewra ura daganda ka kaŋga ɓiiri hu sunda vi Samuel sa ma wi dlara li ha fokka duk sunda vi sa jok vun Lona Natanda, duk sunda vi Gad, sa ma wi dlara li ha fokkana may.

JOB 11:14

Lini koŋ zoɗ ki wa u dla cora ni aŋ mbusum kiyo. Hin dlara gunira a li vo taraŋ varaŋ oloɗi.

JOB 36:10

Nam vasi humusi ki jivi kay gaɗta nam dasirara. Nam dasi ana asi hin dlaasira cora kiyo.

SOOLLA 50:7

Humugi haa suu mansina, an min ɓakka, aŋ Israel, an min di dlara kaŋga. «Anni Lona, ni Looŋŋa.»

JEREMI 11:7

An fi tan u somoyogi ay hu buu ma an cukusi ay ki hu mbassa Egiptera day karami, an vi vunun u asiya loɓ ka ki dukgi. Hoŋosi dira tew tew ana, humungi delenu.

JEREMI 18:11

Cecem wanda aŋ tuɗ di suu Yudana u suu Yerusalemma, Yawe ɓak ana, «An hin tinigi dla cora kagiya. An hin faɗ vun dlaanda ki egegiya. Gegelay hom dla coomba ki gasi, mbuɗugi tuɗ magira jiviya, mbuɗugi dlaagira agi laɗta ki jiviya.»

JEREMI 25:3

Ay hu basara doogo yam hindira vi Josiyas, goŋ Amonna, mul ma Yudana, ta ta hu buu ma tew ki basara dok-mba yam hindira, Yawe ɓakan boy mamma. An ɓakagi seŋ ka dukgi, may agi humun kaɗi.

JEREMI 3:7

An joɓ tan ana, lini ndaɗ li dla ndaɗta ay kiwa halaŋŋi ndaɗ hin hoŋ ay egenu. Na may ndaɗ hoŋ ay ka egenɗi. Wayaɗta, Yuda ta kaboyna, waɗ lay.

JEREMI 34:14

«Tew ki fun cokira basara kiɗisiyara ni gegelay duk hoŋogi ni hin gi wayam ma Hebre ma gus tam ki komma. Nam hin li mbaɓura fokoŋŋi basara karkiya, ŋgoo dagan aŋ hin gamu.» Na may somoyogi hum boy namma kaɗi, asi hin humusi kaɗi lay.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 42:19

Yawe ɓakagi magi agi suu Yuda suu hin iirina ana, agi tuɗ Egipteɗi. Agi wi karam kagi ana anni sa ma diki kagina.

EZEKIYEL 18:31

Cukugi dla cora ci maɗna ta mbuɗugi ki suu ci maɗnara kiyo, mbuɗugi hurugi ni huu ma wilina u ŋgussa wilira may. Agi suu Israelna, agi min a ci tagi ki ni kay mege?

EZEKIYEL 3:19

May lini aŋ ne sa ma cona ki wa kay dla coomba, nam li ka jok poy mamba co ndaɗtaɗi, ni nam hin miɗ kay coom ndaɗta, aŋ may ni hin kak iiriya.

DANYEL 9:10

ami hum del Yawe, Loomina, ka a tuɗ u gaɗ mambaɗi, ta nam ɦamira ay ko suu duk ɦoŋga suu jokom vunumma.

Magaara Vi Sa Jok Vun Lona OZE 11:2

Suu may suu yasina, asi ɦuɗ tasi ki egesi na day. Asi li ɓivunna ni maŋ Baal, ni maŋ fuli suu ceɗesi u kosina asi lasi ɓivun ma ŋgalam ki ŋgalina.

Magaara Vi Sa Jok Vun Lona OZE 12:10

An may ni Yawe, Looŋŋa, ay hu mbassa Egiptera day. An hin hoŋoŋ cecemi aŋ hin kak u mbutluɓ maŋŋa daŋgadla, ko ndal hu buu ma an mbay ŋgafagina na.

Magaara Vi Sa Jok Vun Lona OZE 12:11

An hin ɓak u suu jok vun Lona, an hin tak tlena ki ii suuna cocoo. An hin ɓakagi ndal boy manna ki fun suu jok vun Lona.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

Magaara Vi Sa Jok Vun Lona OZE 4:15

Li ni ndak tak ka Israel li gawlaŋŋa lay ni, Yuda gin ni ka kal taɗ hu dla ndaɗtaɗi. Tuɗugi Gilgalɗi, tlagi ha hu Bethel li ma kuraɗi, suurugi tagi ana, «Yawe ka iiriyaraɗi».

SUNDA 20:21

An yi suu Juifna u njaf suu daŋŋa asi jok iiri masira ki zeɗ mbuɗ irisi eg Lona tin hurusi kay Bu Suuna mayna Yesu.

GA 8ATAMBARA 31:21

Hu li ma yoora ŋgolla u hahawra mba kasi wa ni sool ndaɗta ni a di ki kasi, kay a goryosi hin gi sool ndaɗta ka ni na tew tew. An lay ni wi dlara asi ka laɗ cemi wandara ni jew bay an a cukusi hu mbassa an suu tan ki a ɦasirara tu lay.»

GA 8ATAMBARA 4:26

Cemi ni huulona u ndaŋgara duguygi a vovoɗta ni asiya, agi hin ba ki ni halaŋ hu li ma agi calaɗ lum ma Yurdaŋŋa hin lak hu mbas ndaɗtana, buu magi ma kay ndaŋgarana ka ɦuɗ fok oloɗi, agi hin daɓ ki miɗna ni halaŋ halaŋ.

GA 8ATAMBARA 8:19

Lini agi maa ka ki kay Yawe Looginaɗi, lini agi goɓogi loogi suu daŋŋa, li usiya ni, an dagi dlara kagira ki cemi wanna, agi hin ba ki ni halaŋ halaŋ.

JOSUWE 23:16

Lini agi ŋgel Galamba Yawe, Loogina, vaɗ u agira, Galamba nam ɓiirigira kara, lini agi tuɗ sun loogi suu ɦawana, lini agi goɓ ga fokosiya, yara vi Yawera hin col kolo kagiya, bulumugi ki ni na zak hu mbassa jivira nam ɦagira wandara.»

2 PIYER 3:9

Bu Suuna ka hin va ma nam damma bay li ki ko suu hiŋŋa saara naɗi. Nam li ɗili egegiya nam min a sa ba kiɗi nam min na ɗow ana suuna halaŋ mba jok iiri masira ki zeɗ.

SUU KAƁAKŊA 6:10

An dagi anaba, Anni Yawe, Loogina, agi lagi ndaa loogi suu Amorna suu agi cuki dukusina ɗi. Agi may ni humungi vunun kaɗi.»

SUU KAƁAKŊA 6:8

Yawe sun sa ma jok vun Lona ay eg suu Israelna dew mba dasi ana, «Yawe, Lo ma vi suu Israelnana, di ana, Anni ka sa ma cukugi ay ki hu mbassa Egiptera ɗi su? An buɗugi ay ki hu mbaɓura ni ka an ɗi su?

1 SAMUEL 9:9

Ay jew vi suu Israelna ni lini sa min tuɗ a joɓ Lona ni nam di ana, Mbaagi ay tuɗuygi eg sa wi u dlara. Kay ana sa jok vun Lona ay jew yammi ana, sa wi dlara.