2 MULINA 16:7 - Boy Lonana

⁷ Ahaz cuk suu vun sunda ha eg Teglat Falasar, mul ma Asirina, dam ana, «Anni gooroŋŋa ni saaŋ ma sunda, tuɗ ay mbay buɗun ki ko mul ma Sirina u mul ma Israelna suu ka duu u anna.»

2 MULINA 16:7 ပူးပေါင်းရင်းမြစ်များ

1 MULINA 20:4

Mul ma Israelna hoŋom dira ana, «Sa ŋgolna an hum u gaɗ maŋga. An tanda lay ɦal tan ha ki ni maŋ lay u tlegeyen suu vo konna halaŋ lay.

2 MULINA 15:29

Hu li ma Peka ka hu mullana ni Teglat Falasar, mul ma Asirina, mba tli ɦoŋzi ma Yon, Abel Bet-Maaka, Yanoha, Kedes, Hasor, Galaad, Galile u mbassa vi Neftalira halaŋ. Nam yow suu hu mbas ndaɗtana, tuɗusi ha ki Asirina.

2 MULINA 18:7

Yawe ay u namu. Dlara nam laɗta halaŋŋi nam faɗu. Nam mbuɗ yara u mul ma Asirina, min ka a hom yam kaŋga um oloɗi.

1 DLAŊ MULINARA 5:26

Na ɗaŋŋi Lo ma vi suu Israelna zuɗ u Pul, mul ma Asirina, u Teglat-Falasar, mul ma Asirina, asi yowosi ki mbaɓura, suu vi Rubenna, suu vi Gadna u nus njaf suu vi Manasena tuɗusi ki hu Hala, hu Habor, hu Hara, fun lum ma Gozanna ta ta karami.

2 DLAŊ MULINARA 28:16

Hu coki ndaɗta mulna Akaz joɓ mul ma Asirina ana nam njunumu.

2 DLAŊ MULINARA 28:20

Tiglat-Falasar hin dlara mba njun Akazza tani mba ndugumi yara na ɗow, mbuɗum yoo cocoo.

EZAYI 2:6

Bu Suuna, aŋ hin suu maŋsina ki wa, goryoŋ Yakobma, kay asi yow dlara vi suu u maɗiinara ay kasiya. Asi li kumuna ko suu Filistinna na. Ni kay taɓ u gor suu daŋŋara.

JEREMI 13:21

Aŋ hin di ni me ologe hu li ma suu aŋ haɗasi ki u wihaw maŋgana, suu ki vo varaŋŋa hin mbuɗ ki iriŋ cora. Gasi tiitara hin faŋu, ko ndal cara hu buu ma vuɗta na.

JEREMI 17:5

Yawe ɓak anaba, cora ka kay sa ma tin saaram kay suu miɗ kina, saɓak mamma ni tliwim ma egemma, hurum ki day eg Yawe.

YOORA 4:17

Ami may ni irimi ka tinira a juɓ njunda may ndaɗ ka mbaɗi. Ami juɓ ta ta ana suuna mbay njunumiya may. Asi ni ka suu ndak a suɗuminaɗi.

EZEKIYEL 16:28

Ndak hin li zoŋga u suu Asirina lay, kay dla ndaɗta ka ndakakgi. Ndak li u asi na lay, ni ka hoɓbi lay.

EZEKIYEL 23:12

Ndaɗ li zoŋga u suu ŋgolo suu Asirina, mulina, perefegina, suu asgaarina, suu jaŋ kulumina, u gorzoŋi suu ganyamba halaŋ.

EZEKIYEL 23:5

Na may Ohola hin dla mayra kak u an dewra tani, mbuɗ taɗ ki gawlaŋga. Ndaɗ li zoŋga u suu Asirina, suu miniɗ ɦayna, u suu Asgaarina.

Magaara Vi Sa Jok Vun Lona OZE 14:3

Vagi boyna kogi hin hoŋogi ay eg Yawe dam ana, «Aŋŋi sa bulum cora ki halaŋŋa, min dlara jivira, balam bolo mbutlina ami hin ɦaŋ a ɓivunna ni boy ma funumina.

Magaara Vi Sa Jok Vun Lona OZE 7:11

Efrayimmi gugukka giniŋga totoonoɗ kaɗira, asi yi Egipte lay, asi liŋ hu Asiri lay.