2 MULINA 16:15 - Boy Lonana

¹⁵ Nam di mul ma li ɓivunna, Uriya, ana, «Aŋ ŋgal ɓivun ma maɗiina u ma fiɗigina, ɓivunna u ɦalla mulna ɦaɗ ayra, ɓivun ma ŋgalam ki ŋgalina u sum veŋŋa ma suuna ɦam ay halaŋŋa, aŋ voommi kay otel ma ŋgolna. Aŋ vo busu ma suuna mba li ɓivunnana halaŋŋi kamu. Otel ma mini u kawi ma tlawnana an hin wam dlam tuwa.»

2 MULINA 16:15 ပူးပေါင်းရင်းမြစ်များ

2 MULINA 18:4

Nammi sa ma bulum li ma mbuy kolona kina, to ɦinira ceɗi teteɗta ki may, ka gu ma vi Aserna ma piina ki may, to guy kawi ma Moiz yoorom kana ki may. Kay suu Israelna gi jaŋ ŋgal mbitla his jivira fok guy namma ta ta cemi. Asi yam ana Nehustan.

1 MULINA 8:64

Hu buu namma ni mulna Salomon poo ki kay huu taraŋga fun Ziŋ Yawera lay, kay givin ma togolla ni, gooro ka ndak a cuk tlena belɗi. Salomon ŋgal ɓivun ma ŋgalam ki ŋgalina ki ni huu taraŋga fun Ziŋ Yawera. Puura ta u wanana u ɓivun ma ŋgal mbul yoorina halaŋ, ni ɓivun ma taɓ duk ɦoŋga.

Magaara Vi Sa Jok Vun Lona OZE 4:12

Suu mansina tuɗ joɓ ŋgusuna, gogor kom hin hoŋosi dira ni ndaɗu. Kay ana saara gawlaŋŋa viɗisi ki ni ndaɗu, u lira asi li gawlaŋŋa nara asi ɦuɗ tasi ki eg Loosina ni ɦuɗi day gaw.

DANYEL 12:11

Col ay hu li ma ɓivun ma lam tew tewna, seŋ bay lirana day ta ta hu li ma dlara ɓeŋ lina mbara ni buuna tew ki buɓ duk kis kis mba' duk dok dleeŋe (1,290).

DANYEL 11:31

Suu mam suu saɓakŋa hin mbay min tasi a ɓeŋ li ma teteɗna kira, doo ɓivunna bay lira, hin mbaa dla cora ɓeŋ lina ay huwa.

DANYEL 9:27

Nam hin vi banara u suuna bolowo u eŋga ii cokira dew, duk coki ndaɗta, nam hin doo suuna a li ɓivunna, sa ma ɓeŋ lina hin mbaya, dla ndaɗta hin li na gakgak hu buu ma daɓpa vi sa ma ɓeŋ lina.»

DANYEL 9:21

An ɓak tu hu cenda may ni Gabriel sa ma an wam ay jew hu dlara tak taɗ irinda ay piira na zak zakŋi ɦuɗ tam ay egen hu lerra ma li ɓivun ma fiɗigina.

EZAYI 2:6

Bu Suuna, aŋ hin suu maŋsina ki wa, goryoŋ Yakobma, kay asi yow dlara vi suu u maɗiinara ay kasiya. Asi li kumuna ko suu Filistinna na. Ni kay taɓ u gor suu daŋŋara.

2 DLAŊ MULINARA 33:6

Nam tamba lay ŋgal goryom ki duk kura hu ɦuɗugumba Ben Hinnomba. Nam li dlara kumuna masira u dawra lay, joɓ suu wi dlara lay. Nam ɓeŋ huu Yawe ki u dla cora nam laɗ ka irim jiviɗira.

2 DLAŊ MULINARA 29:35

Olo ni ɓivun ma ŋgalam ki ŋgali ma daŋŋa ka hu bolow olo u mbul ma huu yoorina ma yowom kina kay a li ɓivun ma ŋgalam ki a mbaa heɓpana u njaf wana mba ŋgalam kina. Sunda hu Ziŋ Yawera tli kolo balamaɗ ni ko ndal wandara na.

2 DLAŊ MULINARA 29:32

Ndum tlesuu asi mbaarasi ay a li ɓivun ma ŋgalam ki ŋgalina ndi ni, mbutlugina dok-kiɗisiya, gamlagina kis, gor timigiina kis kis mba'. Halaŋ lasi ki a ɓivun ma ŋgalam ki ŋgalina maŋ Yawe.

2 MULINA 16:14

Otel ma mini u kawi ma tlawna ma li ay tini fok Yawena vun ziŋ Lonarana nam tlam kiyo, hin li ma duk ɦoŋga u otel ma wilina ki ɦawaa, mba tinim ki keŋ ii mbayaw keŋ otel ma wilina na.

2 MULINA 3:20

Vin maɗi tew ki hu faɗta ndak a li ɓivunna may ni, mbona col ay ɓaɗta irim ay vo Edom na ɗow. Mbassa halaŋ oy ki u mbona.

1 MULINA 3:4

Mulna tuɗ hu Gabaon a li ɓivunna huwa kay li namma ni li ma mbuy kolo su ndaryammana. Salomon ŋgaɗ tlesuu li ɓivun ma ŋgalam ki ŋgalina na buɓ.

URA TIN AYRA 44:5

Agi tlagi kopma vi sa ŋgol manna ma nam ci yona u nam may joɓ u nam mayna ay ni nanage? Agi li dla ndaɗta ka jiviɗi.»

2 MULINA 16:16

Mul ma li ɓivunna, Uriya, li tlena halaŋŋi ko mulna Ahaz damba na may.

1 MULINA 7:23

Hiram yoo tassa ma ŋgol ma mbus zozoɗta kina. Hurummi meter vadl, wulum ma kolona ni meter mba' u nus, ŋguyumba ŋguf ki nara ni meter doogo yam vadl may.