2 MULINA 15:29 - Boy Lonana

²⁹ Hu li ma Peka ka hu mullana ni Teglat Falasar, mul ma Asirina, mba tli ɦoŋzi ma Yon, Abel Bet-Maaka, Yanoha, Kedes, Hasor, Galaad, Galile u mbassa vi Neftalira halaŋ. Nam yow suu hu mbas ndaɗtana, tuɗusi ha ki Asirina.

2 MULINA 15:29 ပူးပေါင်းရင်းမြစ်များ

1 MULINA 14:15

Yawe hin ci suu Israelna. Asi hin mbuɗ ɦulul kolo ko ndal cerewna gasi kolo duk mbona fun lummara na. Nam hin dik suu Israelna ki hu mbassa jivira nam ɦaɗ ka maŋ somoyosira. Nam hin njayasi ha ki ŋgoo lumma ŋgolna ii ma hiniŋŋa. Kay ana asi min fulina ma asi a goɓomma kay tasiya. Asi duu ni u Yawe.

1 MULINA 15:20

Ben-Hadad hum vun mulna Aza. Nam sun suu mam suu duuna a duu u suu Israelna. Nam ci gi Yon, Dan, Abel-Bet-Maaka suu hu mbassa Kinerotta halaŋ u suu hu mbassa vi Neftalira lay.

1 MULINA 9:11

Hiram, mul ma Tirna, ma ɦal tlesuu min zina ay maŋ Salomonna, gu sedrena u lorra, mulna Salomon ɦam ɦoŋzi ŋgolona ma dok-mba' hu mbassa Galilera.

2 MULINA 15:19

Pul, mul ma Asirina jak hu mbassa Israella, Manahem ɦam doonora nekeɗ ii kelewna na buɓ buɓ dok-hindi, kay a nam njunum a nam hin kak eŋ hu mul mamba.

2 MULINA 15:20

Manahem fi gursu namma ni u taara nam tiniɗ kay suu Israelnara kay suu ɦizina halaŋ halaŋ, ni kay a ɦal gursu namma maŋ mul ma Asirina. Sa ma garaŋŋa dew ni ɦal sili dok-vadl. Mul ma Asirina hoŋ voo. Nam kak ka hu mbassa Israella gak gakgi.

2 MULINA 15:28

Nam li dlara ka ii Yawe jiviɗira. Nam ka hin suluk ma Jeroboam ma goŋ Nebatna lam cuk suu Israelna hu cora belna kiɗi.

2 MULINA 15:30

Oze ma goŋ Elana vi vunum u suuna kay Peka cam ki ci ni, nam hin varak a mulna balamamu. Ni hu basara dok-mbara vi Yotam ma goŋ Azariyana hu mulla kay suu Yudanara may.

2 MULINA 16:10

Mulna Ahaz tuɗ hu Damas kay a ŋgaf vok Teglat Falasar, mul ma Asirina. Nam wi otel dew hu Damasna. Mulna Ahaz sun ay eg mul ma li ɓivunna, Uriya, a lam otel ko namma na may.

2 MULINA 16:7

Ahaz cuk suu vun sunda ha eg Teglat Falasar, mul ma Asirina, dam ana, «Anni gooroŋŋa ni saaŋ ma sunda, tuɗ ay mbay buɗun ki ko mul ma Sirina u mul ma Israelna suu ka duu u anna.»

2 MULINA 17:20

Yawe cuk suu Israelna ki ni bel bel. Nam homosi yasi ki kaŋga u suu daŋŋa. Nam ɦasi ki ko suu ɦurumba. Asi ɦurumusi ki tuɗusi ha ki egem na day.

2 MULINA 17:23

ta ta mbuɗ a Yawe dikisi ha ki egem day, ko ndal nam di ay ki fok jew fun suu mam suu sunda, suu jok vun Lona suu Israelnara na. Suu Israelna tuɗ ki na day eg mbas masira, ha ki hu Asiri ta ta cemi.

2 MULINA 17:6

Tew hu basara dleeŋera a Oze kaki hu mullara, mul ma Asirina ndug Samari, yow suu Israelna ha ki mbaɓura hu Asiri. Nam cukusi ha ki hu Hala may, ha ki hu Gozan li ma mbo ma Haborna ɓaɗ ha huna may, hu ɦoŋzi ma Medina may.

2 MULINA 18:11

Mul ma Asirina yow suu Israelna, tuɗusi ha ki hu Asiri, tuɗusi hu Hala, ha ki hu Habor, fun mbo lum ma Gozanna, hu ɦoŋzi ma Medina may.

2 MULINA 19:11

Aŋ u taŋga wi dlara muli suu Asirina laɗ eg mbassa daŋga halaŋga u ii taŋga lay. Asi dikisi ziisi ki halaŋ halaŋ. Aŋ taŋga may ni hin suɗ ki tu su?

2 MULINA 8:11

Ŋgoo dagan nam ŋgaras irim kam na ŋgaras. Sa ma vi Lonna tiira.

1 DLAŊ MULINARA 5:22

Suuna bolow coco ki cukira kaŋga na saɓaw kay ana Lona li duu namma ni namu. Asi kak hu liisi namma ta ta hu buu ma mbeera.

1 DLAŊ MULINARA 5:26

Na ɗaŋŋi Lo ma vi suu Israelna zuɗ u Pul, mul ma Asirina, u Teglat-Falasar, mul ma Asirina, asi yowosi ki mbaɓura, suu vi Rubenna, suu vi Gadna u nus njaf suu vi Manasena tuɗusi ki hu Hala, hu Habor, hu Hara, fun lum ma Gozanna ta ta karami.

1 DLAŊ MULINARA 5:6

Beera ma Teglat-Falasar, mul ma Asirina, tuɗum ki mbaɓurana, nammi mulna vi suu vi Rubenna.

2 DLAŊ MULINARA 16:4

Ben-Hadad vi boy ma Aza dammana sun muli mam suu duu suu ŋgolo suu saɓak ɦayna, tuɗ ndug zi ma Israelna. Asi tli zi ma Yon, Dan u Abel-Maimma kiyo, u ɦoŋzi ma Neftalina halaŋ ni li ma asi ŋgay tlegeyesi suu ɗokka ki huna.

NEHEMI 9:32

«Cecem wanda Loomina, Lo ma ŋgolna, ma saɓak ma suuna lam ndaaramma, ma tuɗ u galamba fok u ɗegeerana, aŋ gol dlara mba egemira iriŋ ko dlara goora naɗi, eg muli mamisina lay, eg suu malayaŋ ziimina lay, eg muli mami suu li ɓivunna lay, eg suu mami suu jok vunnana lay, eg somoyomi lay, eg suu maŋsina halaŋ col ay eg muli suu Asirina day ta ta karami.

EZAYI 1:7

Mbas magira mbuɗ ki ni ko ŋgoo bagira na, ɦoŋziigina ŋgal ki wa, suu daŋŋa tlagi mbas magira kiyo, mbassa ɓeŋ ki ko suu duuna a tli mbassa na, agi ka golosi may.

EZAYI 37:18

Ni na daŋ may, Yawe, an wi ki gasi ana muli suu Asirina ɓalak mbassa daŋga ki u muli masisina cocoo.

EZAYI 7:16

Jew a gogoona wi yal ma hin cora ki man jivira ni, muli suu aŋ lasi ndaarasi mba' wanna ndaŋga ndaɗta hin hin kiyo.

EZAYI 7:20

Hu buu namma ni Bu Suuna welegi yagi ki u vel ma tlam ay ii lum ma hiŋŋa, ni mul ma Asirina. Nam hin welegi yagi ki lay, wel tlimiɗta sekira ki lay, welegi njeɓeregi ki lay.

EZEKIYEL 23:9

Kay ndaɗta an hiniɗ ha ki ko banayaɗ suu Asiri asina suu minisi ɦayna.

DLAŊ LEVIRA 26:32

An hin ɓalakagi mbas magira ki ni u tanda, suu babali magisina suu cuk ki huna hin mbuɗ ki ndaana cocoo.

AMOS 1:13

Yawe ɓak anaba, Ni kay dla cora laɗ yaɗ yamba na hindira, kay dla cora goryoŋ Amonna laɗ yasi fiɗira, an hin ka col dukgi, kay asi wak huu boyogi suu wii suu Galaadna kiyo, a mbuɗ mbas masira ki ŋgollara.

AMOS 1:3

Yawe ɓak anaba, Ni kay dla cora laɗ yamba na hindira, ni kay dla cora suu Damas suu yara laɗ yasi fiɗira, an hin ka col dukgi, kay ana asi ci suu Galaadna ki u njetna.

AMOS 5:27

An hin yowogi tuɗugi ha ki ŋgoo Damas dagani, Yawe di na. Lo ma saɓakŋa ni semu.

AMOS 6:14

Gologi an wan ɗaŋŋi, an hin li yara u agi suu Israelna. Yawe, Lona ma saɓakŋa, di ana, njaf suuna hin lasagiya, col ha mbayawna day ta ta ii ma dalina.

NDUMBA 32:1

Goryoŋ Ruben u Gadna u yoorina kosi bolow cocoo. Asi wi mbassa Yazerra u mbasssa Galaadta na ni ndaɗ irisi jivi kay yoori masisina.

NDUMBA 32:40

Moiz ɦal mbassa Galaadta maŋ Makir ma goŋ Manasena nam cuk huwa.

GA 8ATAMBARA 28:25

Yawe hin mbuɗugi ni a suu paɗ liŋŋa fok suu babali masisina. Agi cuk ha ki a ŋgafasira ni hu voɗta dewra, hin njay kogi a liŋŋa ki ni hu voɗta zeɗ zeɗ kiɗisiya. Dlara lagi ndaɗta mbuɗ suu kay yam mbassa halaŋŋa ki ndaa cocoo.

GA 8ATAMBARA 3:15

Mbassa Galaadta an ɦaɗ ni maŋ Makir may.

JOSUWE 11:1

Hu li ma Yabin mul ma Hassorna hum dla saɓak ma vi suu Israelna na ni, nam gi vun sunda eg Yohab mul ma Madonna, maŋ mul ma Simronna, maŋ mul ma Akesafna may.

JOSUWE 11:10

Josuwe a hoŋ ay vora ni mba ndug zi ma Hasorna ni na gaw, casi mul masina kiyo, Hasor ay jew ni a zi ma ŋgolna vi mulla ii nammara halaŋ.

JOSUWE 11:13

Na may ɦoŋzi ma mini kolo kay ɦinirana suu Israelna ŋgal maa ka kiɗi. Josuwe ŋgal ki ni ɦoŋzi ma Hasorna doy hol.

JOSUWE 12:19

Mul ma Madonna dew. Mul ma Hasorna dew.

JOSUWE 16:6

Ii u fiɗigina na ni hakara maɗ ha ki fok ta ta Mikmetat ii mbayawi, hoŋ ii u maɗiina hu Taanat-Silo na, ndaɗ jak ha ki kay u maɗiina ii Yanoha na.

JOSUWE 19:35

Ҥoŋzi ma saɓak cocona ni Siddim, Ser, Hammat, Rakkat, Kinneret,

JOSUWE 19:37

Kedes, Edrei, En-Hassor,

JOSUWE 20:7

Asi suu Israelna man ɦoŋzi ma Kedesna hu mbassa Galilera, hu li ma ɦinira cocona hu mbassa vi Neftalira, Sekem hu li ma ɦinira cocona hu mbassa vi Efrayimba, u Kiriat-Arba ta yaɗ ana Hebronda hu li ma ɦinira cocona hu mbassa Yudara may.

SUU KAƁAKŊA 18:30

Asi cuk fuli suu vi Mikana a goɓosira. Yonatan goŋ Gersonna, goŋ ŋgolo Moizna mbuɗ a mul ma li ɓivunna vi suu Danna ni namu. Njaf suu vi Yonatanna hin a li ɓivunna gak gak tew hu li ma suuna yowosi ki ŋgayrana.

SUU KAƁAKŊA 4:2

Yawe ɦasi ki ko Yabin, mul ma Kanaanna. Nam ay kaki mulla ni hu zi ma Hasorna. Saam ma ŋgol asgaana ni Sisera. Nam ay ki cuki ni hu Haroset-Goim.