2 MULINA 14:27 - Boy Lonana

²⁷ Yawe di ka ana nam a bulum sem suu Israelna ki kay ndaŋgara naɗi. Kay ndaɗta nam suɗusi ki u saɓak Jeroboam ma goŋ Joasna.

2 MULINA 14:27 ပူးပေါင်းရင်းမြစ်များ

2 MULINA 13:23

Na may Yawe hin wi hahaw suu Israelna. Nam takasi oo mamba, mbuɗ irim ay egesiya, ni kay galam mamba nam vaɗ ay u Abraham u Isaak u Yakobpa. Nam ka min a gasi njafasi kiɗi. Kay ndaɗta nam dikisi ha ka ki egem dayɗi.

2 MULINA 13:5

Yawe ɦal sa ma suɗ suu Israelna kina aya. Suu Israelna hin suɗ ki hu duk ko mul ma Sirina. Asi lak hu mbutluɓ masina ko fok jew dayra na.

WIRA ŊGAYRA 3:5

Suu col eŋ su kay ndaŋgarana hin cuk tasi ni baraw haɓma ko ndaɗta na. An ka bulumusi sesi ki hu magaara vi iiriraɗi. An hin di ki kasi fok bun u suu sun mamsina ana asi ni suu mansina.

SOOLLA 69:28

Ŋgaasi dlaasira cora ni kasiya, hinisi a sa suɗ ki fokoŋgi.

2 MULINA 5:1

Naamanni sa ma ŋgol asgaa suu duuna vi mul ma Sirina halaŋ. Mul mamma ŋgaam cocoo. Nam minim dlaamba cocoo. Yawe hin suu Sirina su kay suuna halaŋŋi umu. Na may sa ma wi yal duuna coco namma ki ni tumiya.

GA 8ATAMBARA 29:20

Yawe hin kakam ki ni vay dam zeɗ u suu Israelna kay dla coomba ko ndal dlara ɓiiri hu magaara Galamba wanda dira na may.

GA 8ATAMBARA 25:19

Hu li ma Yawe Loogina ɦagi mbas ndaɗta ki wa, hu li ma suu duu magisina fi koɗ tara wa ni agi ɓalakagi suu Amalekŋa kiyo, bulumusi ki ka sa humusi sesi hu duliyara oloɗi, humugi maa ki kay boy nammaɗi.

GA 8ATAMBARA 9:14

Hinin an liya, an min daɓasi kiyo, an min bulumusi sesi ki duk suu kay ndaŋgarna, aŋ may ni an hin zuluŋ njafaŋ suusiya, saɓak suusi lay.»

1 SAMUEL 12:22

Na daŋ may Yawe ka hin suu mamsina kiɗi kay sem ma ŋgolna. Yawe may ni min a mbuɗugi ki suu mamsina.