2 MULINA 14:25 - Boy Lonana

²⁵ Nammi sa ma hoŋ ɓaɗ mbassa vi suu Israelna ay ki halaŋŋa, col ay Lebo-Hamat ii mbayaw na ta ta tew ay ki fun mbo lum ma Galakŋa ii daliya. Ni ko ndal sa ma jok vun Lona Joas ma goŋ Amatayna ma Gat Heferna di ay ki fok jewra na, dlara Yawe takamba ay kira.

2 MULINA 14:25 ပူးပေါင်းရင်းမြစ်များ

GA 8ATAMBARA 3:17

Suu hu Araba ii u fiɗigina nana, mbo lum ma Yurdaŋŋa ni ii haka masira may. Ha fun lumma Kineretna fun mbo ma Arabana ta ta tew mbo lum ŋgol ma galakŋa tuɗ ha hu Po lum ma Pisgana u maɗiina na.

JONAS 1:1

Hu buu maa dew Yawe di Jonas, goŋ Amitayna, ana,

1 MULINA 8:65

Hu li namma gaw ni, Salomon li luu ma vun mbutluɓma ki hu gaw may. Suu Israelna tok ay ni halaŋ halaŋ, col ay Lebo-Hamat ii ma mbayawna ta ta fun mbo lum ma Egiptena ii ma dalina. Asi li luuna fok Yawe, Looygina, buuna kiɗisiya, asi hin li buuna kiɗisiya olo, buuna halaŋ doogo yam fiɗi.

JOSUWE 19:13

Ay hu li namma hakara jak u maɗiina tuɗ ta ta Gat-Hefer, It-Kasin tuɗ do ay ki Rimmon jak ha ki eg Nea na.

NDUMBA 13:21

Asi taɓa ɦinira tuɗ gol mbassa ta ta tew ay ki ŋgoo bagi hu mbassa Sinda, tuɗ Rehob ta ta hu voɗta Lebo Hamatta.

MATIYE 16:4

Agi njaf ma cona, hurugi ka tini kay Lonaɗi, joɓ dlara mbuɗta ni amege? Dlara mbuɗta daŋ ta sa takagi sura vi Jonassa kaɗi.» Nam hinisi tani, tuɗ gaw.

AMOS 6:14

Gologi an wan ɗaŋŋi, an hin li yara u agi suu Israelna. Yawe, Lona ma saɓakŋa, di ana, njaf suuna hin lasagiya, col ha mbayawna day ta ta ii ma dalina.

2 MULINA 13:25

Joas ma goŋ Joasazna, ɓaɗ ɦoŋzi ma Israel ma Hazael tlam ka kina ki ko gorom Ben-Hadad halaŋ halaŋ. Hu li ma asi li duuna ay u bum Joasazna, Joas dik Ben-Hadad yam na hindi, yow ɦoŋzi ma Israelna ki balamam halaŋ halaŋ.

2 MULINA 10:32

Hu coki ndaɗta ni Yawe gijaŋŋa a yow ki u mbassa vi suu Israelna. Nam hin voɗta maŋ Hazael, mul ma Sirina, duu u asi ay keŋ lina nde nde bel.

URA TIN AYRA 14:3

Muli suu vadl asina tok tasi hu li ma ɦuɗugumma Siddim ni fun mbo lum ŋgol ma galakŋa.

2 MULINA 13:5

Yawe ɦal sa ma suɗ suu Israelna kina aya. Suu Israelna hin suɗ ki hu duk ko mul ma Sirina. Asi lak hu mbutluɓ masina ko fok jew dayra na.

2 MULINA 14:24

Nam li ni dlara ka ii Yawe jiviɗira. Nam ka hin suluk ma Jeroboam ma goŋ Nebatna lam cuk suu Israelna ga hu belna kiɗi.

EZEKIYEL 11:10

Suu duuna hin cagiya, an hin kaagi ɓakŋa kagi ni hu mbassa vi suu Israelnara ni gaw. Agi hin wi ki ana anni Yawe.