2 MULINA 14:19 - Boy Lonana

¹⁹ Asi vi vunusi kam hu Yerusalem a cam kira. Nam pii tuɗ ki hu Lakis. Asi sun suuna cuɗum um hu Lakis, tuɗ cam ha ki ni hu Lakis.

2 MULINA 14:19 ပူးပေါင်းရင်းမြစ်များ

2 MULINA 14:18

U dlara Amasiya laɗta halaŋ ka ɓiiri ga hu magaara Sunda vi Muli suu Yudanara.

2 MULINA 14:20

Asi tlam maɗam ay u kulumina, mba pam ki vo Yerusalem eg somoyom hu Ҥoŋzi Davidna.

2 MULINA 15:10

Salum, ma goŋ Yabesna, vi vunum u suuna kamu. Nam cam ki ni fok suu Israelna na halaŋ, varak balamam a mulna gaw may.

2 MULINA 15:14

Manahem ma goŋ Gadina col ay hu Tirsa mbay ga hu Samari ci Salum ma goŋ Yabesna kiyo, varak balamam a mulna may.

2 MULINA 15:25

Saam ma funumma Pekah ma goŋ Remaliyana vi vunum u suuna kamu, nam ci Pekahiya u Argabo u Agiya, casi ki ni hu Samari, suuna ay ummi dok-vadl ni suu Galaadna. Nam ci Pekahiya ki ci ni varak balamam a mulna.

2 MULINA 15:30

Oze ma goŋ Elana vi vunum u suuna kay Peka cam ki ci ni, nam hin varak a mulna balamamu. Ni hu basara dok-mbara vi Yotam ma goŋ Azariyana hu mulla kay suu Yudanara may.

2 MULINA 18:14

Ezekiyas, mul ma Yudana, sun ha eg mul ma Asirina hu Lakis dam ana, «An li coo, ka aŋ mbay a van viɗi, dlara aŋ min a tininda kanda an ndak a laɗu.» Mul ma Asirina tin taara kay Ezekiyas mul ma Yudana doonora ii kelewna 9000 u lorra ii kelewna 900 may.

2 MULINA 18:17

Mul ma Asirina ay hu Lakis wanni sun suu ŋgolona ha eg Ezekiyas, mul ma Yudana, sa ma ŋgol asgaa ma ŋgolna u saam ma funumma u suu asgaarina usi ŋgol cocoo. Asi mba cuk ki fun zul mbo ma ŋgol ma asi vekemma hu voɗta tuɗ a mbus tlenara.

2 MULINA 21:23

Suu sunda vi Amon vi vunusi ki kay mulna. Asi cam ki vo varam taraŋŋi.

2 MULINA 9:27

Hu li ma Ahaziya wi dla ndaɗta na ni, nam pii tin irim ha Bet-Gan na, Jehu cuɗum um gak gak. Jehu di suu umma ana asi ci Ahaziya ki may. Asi tuɗ cam ha ki ni hu li ma nam ka jaŋ pus pus mamma kay tam tin irim ha hu Gur na, ka day eg Ibleambi. Ahaziya liŋ gak gak tuɗ miɗ ha ki ni hu Megido.

JEREMI 34:7

Hu li ma suu duu suu vi mul ma Babilonna tli Yerusalem u ɦoŋzi ma Yudana ma hin ka tuna Lakis u Azeka, kay ana duk ɦoŋ ɦoŋzi ma Yudana ɦoŋzi ma ca wanna ka ni a li ma saɓakŋa huna.

MISE 1:13

Njun kulumina u pupusna, ndak mayra ka hu Lakichsa. Suluk ma vi goora vi Siyonda col ay ni hu li namma, kay ana suu ci suuna hu Israelna col ay ni varaku.

JOSUWE 10:3

Adoni Sadek mul ma Yerusalemma gi sunda maŋ Hoham mul ma Hebronna, maŋ Piream mul ma Yarmutna, maŋ Yafia mul ma Lakisna, maŋ Devir mul ma Eglonna may dasi ana,

JOSUWE 10:31

Ŋgoo dagan Josuwe u suu Israelna jak hu Libna tuɗ hu Lakis. Asi ŋgufusi li duuna u asiya.

JOSUWE 15:39

Lakis, Boskat, Eglon.