2 MULINA 13:7 - Boy Lonana

⁷ Suu duu suu hin ko Joasazna ni suu jaŋ kulumina na dok-vadl, pus pusna ni doogo, suu duu suu semba ni buɓ buɓ doogo may. Kay mul ma Sirina ci suu wanna ki ni halaŋ halaŋ. Nam lasi ki ko ndal gugum ndaŋgara suuna tayaɗ ki kaŋga u sesira ɦawa na.

2 MULINA 13:7 ပူးပေါင်းရင်းမြစ်များ

2 SAMUEL 22:43

An yursusi duk gugumma. An luɗusi kiyo. An tayasi ki kaŋga u senu, ko luɓu ma hu voɗtana na.

1 MULINA 20:15

Nam cuk gorzoŋii suu mulna varasi kina ha fok jewe. Asi bel ni 232. Ŋgorosi dagan nam cuk suu Israelna ha ŋgorosi may. Asi ni buɓ buɓ kiɗisya.

1 MULINA 20:27

Asgaa suu Israelna mbay fok mulna Akab may, ɦasi tlena ta ta ni asi tuɗ a ŋgaf asgaa suu Sirina a duuna may. Suu Israelna vi kaŋ masina ay fokosi irisi kaay na mba'. Ni ko ndal suu taa ɦugunina ɦawana ka bolowɗi, may asgaa suu Sirina oy yam ndaŋga ndaɗta ki halaŋ halaŋ.

2 MULINA 10:32

Hu coki ndaɗta ni Yawe gijaŋŋa a yow ki u mbassa vi suu Israelna. Nam hin voɗta maŋ Hazael, mul ma Sirina, duu u asi ay keŋ lina nde nde bel.

2 MULINA 13:8

U sunda Joasaz laɗta, u dlara nam laɗta halaŋ ka ɓiiri ga hu magaara Sunda vi Muli suu Israelnara.

2 MULINA 8:12

Hazael joɓom ana, «Sa ŋgol manna tii ni kay mege?» Elize hoŋom dira ana, «Kay an wi dla cora aŋ hin laɗ eg suu Israelnara. Aŋ hin ŋgalasi ziisi ma eŋŋa kiyo. Aŋ hin casi gorzoŋi masisina ki u ŋgewna. Aŋ hin njerɓesi goryosi suu gorina kiyo. Aŋ hin wakasi huu boyogosi suu wiina kiyo.»

SOOLLA 18:42

Asi yi koloo sa ma humusi kaɗi. Asi yi eg Yawe, nam ka humusiɗi.

EZAYI 36:8

Mariyaɗ ni agi joɓogi sa ŋgol manna, mul ma Asirina, nam ɦagi kulumi ay buɓ buɓ mba', lini agi hin mba hal suu ful kasina may.

EZAYI 41:2

Sa ma col ay u maɗiina su kay suunana. Ҥam saɓak namma ni ka anɗi su? Nam dik njaf suu daŋŋa ki halaŋ, tayasi muli masisina ki ga u semu, ŋgew mam ma duuna gulukusi ki ko gugum ndaŋgara na. Asi dol ki kolo u semeɗna ko usuna na.

DLAŊ LEVIRA 26:17

An hin pereɗ zagaɗan magiya, suu babali magisina hin cagiya, suu gonok magisina hin lak a mulina kagiya. Agi hin yow liŋŋa ni bay sa ma dikigi ugi lay.

AMOS 1:3

Yawe ɓak anaba, Ni kay dla cora laɗ yamba na hindira, ni kay dla cora suu Damas suu yara laɗ yasi fiɗira, an hin ka col dukgi, kay ana asi ci suu Galaadna ki u njetna.

AMOS 4:10

An cukugi tuguɗiira cora col ay Egiptera kagiya. An cagi gorzoŋŋii magisina ki u ŋgewra, yowogi kulumi magisina. An pereɗegi his tlesuu buy suu hu mbas magirana ha kagi lay, agi hoŋ ay ka egenɗi. Yawe di na.

1 SAMUEL 13:15

Samuel gi tam hu voɗta, tuɗ Gilgal hu Gibea ta vi Benjaminda. Sol tok suu u namma egemu. Asi halaŋŋi kis kis karkiya.