2 MULINA 11:17 - Boy Lonana

¹⁷ Yoyada njun galamba duk ɦoŋ Yawe u mulna u suuna may kay a asi li ni suu vi Yawena. Nam taɓ Galamba duk ɦoŋ mulna u suunara may.

2 MULINA 11:17 ပူးပေါင်းရင်းမြစ်များ

2 SAMUEL 5:3

Suu basi suu Israelna halaŋ mbay fi mulna hu Hebron. Nam mulna David hin vi galamba u asi jivira hu Hebron fok Yawe. Asi hin fuu David a mul ma Israelna na.

2 DLAŊ MULINARA 34:31

Mulna kolo coli u colom na ni, suu tam ki fok Yawe a li u gaɗta ɓiiri hu magaara wanda u hurum halaŋ u iiri mamba halaŋ, li u boy ma gaɗta u nera vi Lona damma ma ka ɓiiri hu Magaara Galamba wanna.

JOSUWE 24:25

Josuwe vi galamba u suu Israelna hu buu namma nam tinisi gaɗta u nera zeɗ zeɗ hu mbassa Sekemba.

EZDRAS 10:3

Cecem wanda vaygi vunuygiya, vaygi galamba u Looygina a dikiygi boyogina halaŋ u goryosiya, u gaɗta vi malannara u ta vi suu li ndaana u gaɗta vi Looyginara. Ko dla ndaɗta li ki u gaɗta.

2 DLAŊ MULINARA 29:10

Cemi ni an min a vi galamba u Yawe, Lona vi suu Israelna. Ni kay ana yaamba mba ndi kaygi oloɗira.

1 SAMUEL 10:25

Samuel ɓak dlara mulna hin laɗta ki maŋ suuna. Nam hin ɓii dla ndaɗta ki hu magaara gaɗ fok Yawe. Samuel hin dik suuna gegelay ki vo varam ɗaŋ.

2 KORINTNA 8:5

Dla ndaɗta lini su va ma ami saa kam jewna, asi hal tasi ki maŋ Bu Suuna u minda vi Lona egemi ami lay.

2 DLAŊ MULINARA 23:16

Yoyoda vi galamba ko tam u suuna u mulna may kay a asi li halaŋŋi suu vi Yawena dew.

1 DLAŊ MULINARA 11:3

Suu basi suu Israelna halaŋ mbay fi mulna hu Hebron. David lasi jivira vi galamba u asi hu Hebron fok Yawe. Asi fuu David a mul ma Israelna ko boy ma vi Yawe ma dam maŋ Samuelna na.

2 MULINA 11:4

Hu basara kiɗisiyara ni Yoyada, mul ŋgol ma li ɓivunna, yi sa ma ŋgol asgaa suu yasi ana Kariyenna kay cerem kisna u suu asgaari suu daŋŋa ha egem hu Ziŋ Yawera, vi vunum u asi ko suu tam fokosi suuri na, hin takasi goŋ mulnana.

2 MULINA 23:3

Mulna col ki kolo u sem eg mbal ma coli duk hu Ziŋ Lonarana, nam mbuɗ Galamba ki wili daŋgadla u Yawe. Gegelay ni mba li ki ɗegee fok Yawe a hum u gaɗ mamba u hurum halaŋ u saa mamba halaŋ, hum u haɗ mamba may u dlara ɓiirira halaŋ, li uɗ may. Hum u dlara ɓiiri hu magaara galam ndaɗtara halaŋ. Suu tokina halaŋ vi haɗ ndaɗta kasi halaŋ a li uɗta may.

JEREMI 34:8

Yawe ɓak boy mamma maŋ Jeremi ŋgoo dagan hu li ma mulna Sedesiyas ɓak ki maŋ suu hu Yerusalemma halaŋ halaŋ vi vunusi a cuk mborɓogina kiyo.