2 MULINA 11:15 - Boy Lonana

¹⁵ Mul ma li ɓivunna Yoyada di asgaa suu kisna u sa ŋgol ma fokosina ana, «Kalagira ha ki hu Ziŋ Lonara duk suuna sa ma tuɗ uɗna ni agi cam ki u ŋgewna.» Kay ndaɗta mul ma li ɓivunna hin di ana, «Ka agi caɗ kalafi tani hu Ziŋ Yaweraɗi.»

2 MULINA 11:15 ပူးပေါင်းရင်းမြစ်များ

2 MULINA 11:14

Ndaɗ gola ni mul ma wilina coli eg mbal ma duk gayra hu Ziŋ Lonara zow, ko ndal asi li day dayara na. Muli suu daŋŋa u suu bu tlena a luuna coli eg mul ma wilina ca may, u tokolomma lay ay laki na tok eg mulna. Suuna halaŋ ka furi cocoo. Asi bu tokolomma. Ataliya haa baraw maɗna ki oo uɗ kolo di ana, «Ni dlara ŋgeŋŋa, ni ŋgeŋŋa.»

2 MULINA 11:16

Asi vi Ataliya aya. Ndaɗ mba vo fun ziŋ mulna hu vun grek ma vi kuluminana may ni, asi caɗ ni hu li namma gaw.

2 MULINA 11:4

Hu basara kiɗisiyara ni Yoyada, mul ŋgol ma li ɓivunna, yi sa ma ŋgol asgaa suu yasi ana Kariyenna kay cerem kisna u suu asgaari suu daŋŋa ha egem hu Ziŋ Yawera, vi vunum u asi ko suu tam fokosi suuri na, hin takasi goŋ mulnana.

2 DLAŊ MULINARA 23:14

Mul ma li ɓivunna, Yoyoda, cuk muli suu suuna usi kis kisna ay ki kiɗiki ni suu kay dla duunana dasi ana, «Tuɗugira ha ki kiɗik fun Ziŋ Lonara day. Sa ma tuɗ ha kay cereɗna agi cam ki u ŋgewna.» Mul ma li ɓivunna hin di ana, «Agi ka caɗ kalafi tani hu Ziŋ Yaweraɗi.»

2 DLAŊ MULINARA 23:9

Suu ŋgolo suu suuna usi kis kisna nam ɦasi saɓagina u mbarina zeɗ zeɗ kosiya, mbari ma vi mulna David ma ay cuki kalafi hu Ziŋ Lonarana.

KALKIRA 21:14

May lini sana guruɗ eg ndaram zina hal a cam ki u mbeleŋŋa ni, aŋ dik sa namma ki hu givin ma togolla kay nam miɗ kiyo.

EZEKIYEL 21:14

«Goŋ sanna, tuɗ di boyna. Aŋ di ana, Bu Suuna di ana, Ŋgewna, ŋgewna siim guu ki wa, nam ki guuri jivi ɦay.

EZEKIYEL 9:7

Nam dasi ana, «Mbuɗugi Ziŋ Lonara ki njenjera, cuk suu miɗina oyosi ki vo kurufu hu kaana. Tuɗugiya.» Asi cuk ay ki ci suuna hu ɦoŋzina.

SUNDA 21:30

Vun ma ɦayam ɦayamma njay ha ki ɦoŋzina na wet wet, suuna mbay liŋŋa tani may, tani may. Asi vi Pol vini taɗam ha ki ŋgoo Ziŋ Lonara, dug vun zira kolo na gaw.