2 MULINA 10:7 - Boy Lonana

⁷ Hu li ma magaa ndaɗta fasi may ni, asi yow goryoŋ mulnana ŋgaɗasi ki u dlasira dok-kiɗisiyara bel bel. Asi hin cukusi yasi hu kalamina sunuɗ ha maŋ Jehu hu Jizreel.

2 MULINA 10:7 ပူးပေါင်းရင်းမြစ်များ

1 MULINA 21:19

Aŋ tuɗ ɓakammi ko ndal wandara na. Yawe di ana, hu li ma aŋ ci maɗna wa ni, mbuɗ vaŋ sa nammana ki a maŋŋa gaw su? Aŋ hin dam ki hu ana, li ma diginina tanaɗ busu Nabot huna, diginina hin tanaɗaŋ busuɗuŋŋi hu li namma may.»

1 MULINA 21:21

An hin mbaraŋ dlara hahawra ay kaŋu. An hin bulumuŋ ki duk suuna. An hin ci gor njufii suu vi Akabma ki halaŋ halaŋ, mborɓiina u gor vuɗta suu hu mbassa Israella halaŋ.

2 MULINA 10:6

Jehu hoŋ lasi magaara daŋga ha a mbara dasi ana, «Lini agi gasi ni varanu, lini agi min a humun vununu ni, kaagi yam goryoŋ sa ŋgol maginana ay na halaŋ, ŋgafangi vini u ndaɗ hu Jizreel.» Na may goryoŋ mulna suu dok-kiɗisiyana ki ni ɓorowi fok suu ŋgolo suu hu ɦoŋzinana a wulusira.

2 MULINA 10:8

Sa ma vun sunda dew mba dam ana, «Asi mbaa yam goryoŋ mulnana ay wa.» Jehu di ana, «Cukuɗ iriɗ ha na mba' vun grek ma ɦoŋzinana ta ta vini maɗii tuwa.»

2 MULINA 10:9

Vin maɗiira ni Jehu kal ay ki mba col ki fok suuna dasi ana, «Agi halaŋŋi ɗegee, anni sa ma di ŋgeŋŋa kay sa ŋgol mannana, cam ki ni anu, na ɗaŋŋi suu cana sa ma casina ni ge mayge?

2 MULINA 11:1

Hu li ma Ataliya, su Ahaziya, wi ana gooroɗna miɗ kiwa ni, ndaɗ hal ana ndaɗ gi njaf goryoŋ mulnana ki halaŋ.

2 DLAŊ MULINARA 21:4

Joram kak kay mulla vi bumba mbuɗ ki saɓaki. Ŋgoo dagan nam ci gorsemma ki u ŋgewna halaŋ halaŋ, ci suu ŋgolna hu mulla Israella suu daŋ ki ɦiw hu lay.