2 MULINA 10:14 - Boy Lonana

¹⁴ Jehu di suu umma ana, «Vagisina iiriya.» Asi yowosi iiri, tuɗ casi ha ki ci ni, cukusi maɗasi ha ki hu goloŋga Bet-Ekedda. Asi halaŋŋi dok-fiɗi yam mba', sa suɗ ka dukusi dewɗi.

2 MULINA 10:14 ပူးပေါင်းရင်းမြစ်များ

1 MULINA 20:18

Nam di ana, «Lini asi cuk ay ki ni u heɓpa ka li yaɗi ni, vagisina iiriya. Lini asi cuk ay ki ni a duuna lay ni, vagisina iiri lay.»

2 MULINA 10:12

Ŋgoo dagan Jehu tuɗ hu Samari. Nam ay hu voɗta mba tew hu Bet-Eked ta vi suu taa yoorina.

2 MULINA 10:13

Hu li ma nam ŋgaf gorseŋ Ahaziya, mul ma Yudana, may ni nam dasi ana, «Agi ni suu taarage?» Asi hoŋom dira ana, «Ami ni gorseŋ Ahaziyana. Ami tuɗ ni a ɦal suu mamira kay goryoŋ mulnana u goryoŋ ca mullana.»

2 MULINA 10:15

Ҥuɗ ha ki na day ni Jehu wi Yonadab ma goŋ Rekabma tuɗ ay ŋgafam aya. Jehu gam deɓpa, joɓom ana, «Na ni huruŋ ɗegee u an ko ndal an hurun ɗegee egeŋga na may su?» Yonadab hoŋom dira ana, «Ҥaa.» Jehu hin di ana, «Jiviya mbay vay ko taya.» Jehu hin tlam kolo hu pus pus mamma.

2 MULINA 10:6

Jehu hoŋ lasi magaara daŋga ha a mbara dasi ana, «Lini agi gasi ni varanu, lini agi min a humun vununu ni, kaagi yam goryoŋ sa ŋgol maginana ay na halaŋ, ŋgafangi vini u ndaɗ hu Jizreel.» Na may goryoŋ mulna suu dok-kiɗisiyana ki ni ɓorowi fok suu ŋgolo suu hu ɦoŋzinana a wulusira.

2 MULINA 11:1

Hu li ma Ataliya, su Ahaziya, wi ana gooroɗna miɗ kiwa ni, ndaɗ hal ana ndaɗ gi njaf goryoŋ mulnana ki halaŋ.

2 MULINA 8:18

Nam tli ni dlara vi muli suu Israelna ko suu vi Akabma lira na, kay nam ɗum goŋ Akabba umu. Nam li dlara ka ii Yawe jiviɗira.

2 DLAŊ MULINARA 22:10

Hu li ma Ataliya ta su Akaziyara hum ana goroɗna miɗ ki wa ni, ndaɗ min taɗ a ci suu hu deera mulla hu mbassa Yudara ki bel bel.

2 DLAŊ MULINARA 22:8

Jehu li ni u ɓak ma Yawe kaam kay suu vi Akabma may. Nam ŋgaf u suu ŋgolo suu Yudana, gor ndusugi suu vi Akaziyana u suu ka li sunda vi mulnana halaŋ nam casi kiyo.

JEREMI 41:5

Suuna col ay Sekem, Silo, Samari mbaya. Asi dok-kalavandi. Njeresi ki weliya, baraw ma egesina ki hariya, tasi ki mbilina bel bel. Asi yow tlesuu li ɓivunna u mbul ma his jivi ma tinim hu zira vi Lonara ay kosiya.