2 MULINA 10:11 - Boy Lonana

¹¹ Jehu ci suu vi Akab suu hin iiri tu hu Jizreelna ki bel bel u suu may suu haɗ ki u dlaamba minim dlaamba cocona lay u muli suu li ɓivun suu vi mulnana lay. Nam hin sa ka a pii ki na dewɗi.

2 MULINA 10:11 ပူးပေါင်းရင်းမြစ်များ

1 MULINA 14:10

«Kay ndaɗta an min mbaa dlara yoora kay suu vi Jeroboamma. An hin ci njufii suu taraŋ vi Jeroboamma ki halaŋ halaŋ. Mborɓiina u gor vuɗta lay, ki duk suu Israelna halaŋ. An hin bulum njaf Jeroboam kiyo, ko ndal suuna tok sot zirgitna kira na.

1 MULINA 15:29

Hu li ma nam kak a mulnana may ni nam ci njaf suu vi Jeroboamma ki halaŋ halaŋ, hin sa ma hu njafam ka iiri na dewɗi. Nam ci suu warna ki bel bel, ni ko ndal Ahiya ma Silona di dlara Yawe dambara ay ki fok jewra na may.

1 MULINA 16:11

Hu li ma nam mbuɗ mulna na gaw ni, nam ci dee suu vi Beasana ki halaŋ halaŋ, hin go njuf ka na dewɗi. Sa ma ana hin gol jona dagan kaɗi lay.

1 MULINA 18:19

Cem wanda ni aŋ tokon suu Israelna ay egen ga u ɦinira Karmella tani halaŋ halaŋ. U suu joɓpa suu vi Baal suu 450 may u suu joɓ suu vi Astarte suu 400 na may, suu ka ti kay tabulla vi Jezabelna.»

1 MULINA 18:40

Eli dasi ana, «Yowogi suu joɓ suu vi Baalna hin maa dew a pii kiɗi.» Asi yowosi halaŋ. Eli tuɗusi ha ki kaŋga fun lumma Kison, ŋgaɗasi ki halaŋ halaŋ.

1 MULINA 21:22

An hin mbuɗuŋ ziiŋ ki ni ko ndal ziŋ Jeroboam ma goŋ Nebatna na. Ko ndal ziŋ Beasa ma goŋ Ahiyana na may. Kay ana aŋ ɓalakan hurun ki cocoo, aŋ zuɗ suu Israelna a li sulukŋa na bel bel.

1 MULINA 21:29

«Akab hom yam ay ga fokonni aŋ wi su? Nam hoŋ yam ga fokonu ni an ka mbaaram hahawra kam hu li ma nam iirinaɗi. Hahawra hin mba ka kay suu mamsina ni hu li ma goromma hin varak kana tuwa.»

1 MULINA 22:6

Mul ma Israelna tok suu jok vun Lona ay va ma kis kis fiɗi dasi ana, «An ndak a tuɗ duu u Ramot ta Galaadta ɗowba an kak su?» Asi hoŋom dira ana, «Tuɗ ɗow. Bu Suuna ɦaɗ ki hu duk ko mulnawa.»

2 MULINA 10:12

Ŋgoo dagan Jehu tuɗ hu Samari. Nam ay hu voɗta mba tew hu Bet-Eked ta vi suu taa yoorina.

2 MULINA 23:20

Kay otel masi nɗaɗta nam ŋgaɗ muli suu li ɓivunna huna ki kayami, ŋgal sok suu warna ki hu may, hin hoŋ ay ki vo Yerusalem.

2 MULINA 9:7

Aŋ hin ci suu vi Akab sa ŋgol maŋŋana kiyo. An hin sa sukul suu man suu sunda suu jok vun Lona u busu suu sun suu vi Yawena halaŋ, ma Jezabel voom ki kaŋgana kiyo.

2 MULINA 9:9

An hin li suu vi Akabma ni ko ndal an li suu vi Jeroboam ma goŋ Nebatna na may. Ko ndal an li suu vi Basa ma goŋ Ahiyana na may.

2 DLAŊ MULINARA 22:7

Heella Akaziya tuɗ a heel Joramba Lona mbuɗuɗ ni a va ma baam kina gaw. Hu li ma nam tew hu may ni Akaziya u Joram tuɗ eg Jehu ma goŋ Nimsina ni na gaw. Doli ɗini Yawe man Jehu a mulna ana nam ci njaf suu vi Akabma kiyo.

2 DLAŊ MULINARA 22:8

Jehu li ni u ɓak ma Yawe kaam kay suu vi Akabma may. Nam ŋgaf u suu ŋgolo suu Yudana, gor ndusugi suu vi Akaziyana u suu ka li sunda vi mulnana halaŋ nam casi kiyo.

JOB 18:19

Njafam maa hin ka duk suu mamsina oloɗi. Sa ma vo varam ma hin ka iiri dew kaɗi.

SOOLLA 109:13

Ko njafam bulum kiyo, sesi bulum ki duk njaf suu hin ka daganna.

SOOLLA 125:5

Na may kaɓakŋa kay suu goɓ loogi suu ɦawana, ko Yawe dikisi ha ki u suu cona halaŋ. Heɓpa kay suu Israelna.

VUN ŊGOLNA 13:20

Sa ma poy ko tam u sa ma wi dlara hin mbuɗ sa ma wi dlara. Sa poy u sa ma laɓana hin kal hu cora.

Magaara Vi Sa Jok Vun Lona OZE 1:4

Yawe di Oze ana, «Tinim sem ana Jizreel kay ana hin kak ŋgoo dagan na njokŋi an hin joɓ suu hu ɦoŋzi ma Jehuna kay busu Jizreel an hin bulum mulla Israella kiyo.

JOSUWE 10:30

Yawe hin suu Libnana ki hu duk ko suu Israelna u mul masina halaŋ, suu Israelna casi ki halaŋ halaŋ, hin sa ka iiriɗi. Josuwe lasi mul masina ni ko nam li mul ma Yerikona na may.

JOSUWE 11:8

Yawe hinisi ki hu duk ko suu Israelna asi casiya. Dikisi ta ta tuɗusi ha ki hu Sidon ta ŋgolla ta ta Misrefot-Maim jakasi ta ta hu ɦuɗugumba Mispera, ii u maɗiina. Asi casi ki halaŋ halaŋ hin sa ka a suɗ ki na dewɗi.

JOSUWE 15:56

Jizreel, Yokdeam, Zanoa

WIRA ŊGAYRA 19:20

Asi vi vabakŋa daŋgayna u sa jok vun Lona ma kaboyna, sa ma li dlara mbuɗta irimma. Nam ganyam suu huɗukka vi vabakŋa egesina ni u boy namma, a asi cen vabakŋa u va ma tli tam ko nam nana. Vabakŋa u sa jok vun lona ma kaboyna cukusi ki duk mbo lum ma kura ŋgal suufra.

WIRA ŊGAYRA 20:10

Satan ma ganasi yasina hin gam ki duk mbo lum ma kura u suufra, ni hu li ma vabakŋa u sa jok vun Lona ma kaboyna ka cuki huna. Asi hin wihawra faali lay njeŋge lay a fafatɗa.