2 MULINA 10:10 - Boy Lonana

¹⁰ Agi wi ki ana boy ma Yawe dam kay suu vi Akabma ma hin bay li ki dew kaɗi. Yawe faɗ ki ni vun boy ma nam dam ay ki fok jew fun saam ma jokom vunumma Elina.»

2 MULINA 10:10 ပူးပေါင်းရင်းမြစ်များ

1 MULINA 21:19

Aŋ tuɗ ɓakammi ko ndal wandara na. Yawe di ana, hu li ma aŋ ci maɗna wa ni, mbuɗ vaŋ sa nammana ki a maŋŋa gaw su? Aŋ hin dam ki hu ana, li ma diginina tanaɗ busu Nabot huna, diginina hin tanaɗaŋ busuɗuŋŋi hu li namma may.»

1 MULINA 21:29

«Akab hom yam ay ga fokonni aŋ wi su? Nam hoŋ yam ga fokonu ni an ka mbaaram hahawra kam hu li ma nam iirinaɗi. Hahawra hin mba ka kay suu mamsina ni hu li ma goromma hin varak kana tuwa.»

2 MULINA 10:17

Nam mba tew hu Samari may ni, Jehu ci u goryoŋ Akab suu hin iiri ka cuki hu Samarina ki bel bel, nam gi njaf dee ndaɗta ki ni na gaw, ni ko ndal Yawe di ay ki fun sa jok vun Lona, Elira, na.

2 MULINA 15:12

Li ki ni boy ma Yawe dam ay ki fun Jehu ana, «Goryoŋ ta ta tuɗ tew ay ki kay gor ŋgologi suu fiɗina hin kak ki kay dlamba mulla vi suu Israelnara.» Hin li ki ni ko ndaɗta na may.

2 MULINA 9:36

Asi hoŋ ay mba di Jehu. Nam hin dasi ana, «Li ki ni boy ma Yawe dam ay ki fun saam ma sunda, Eli ma Tisbena ana, diginina hin kom tliw Jezabel ki hu sene ma Jizreelnana.

ESTER 6:10

Na ɗaŋŋi mulna di Haman ana, «Yow barawna zak, vi kulumma ko aŋ dira na, li Mardose na may, sa Juif ma ka kaki fun grek ma vi mulnana, aŋ hin va ki dew hu dlara aŋ min a laɗtaɗi.»

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»

MARK 13:31

Huulona u ndaŋgara hin daɓ kiyo, boy manna ka daɓ kiɗi.»

1 SAMUEL 15:29

Na lay ni, «Bibiŋilla vi Israella ka mbuɗ ki kaboyɗi lay, ka hom ki kaŋgaɗi lay kay ana nam ka sa warɗi, dlara nam a hom kaɗ kaɗi.»

1 SAMUEL 3:19

Samuel wulla. Yawe ka u namu ka hin a boy mam maa dew lay ndi ki kaŋgaɗi.