2 MULINA 1:3 - Boy Lonana

³ Sa sunda huulona vi Yawe mba di Eli ma Tisbena ana, «Tuɗ hu voɗta, tuɗ ŋgaf vok suu mul ma Samarina cukusi ayna dasi ana, Lo vi suu Israelna kaɗi su? Agi a tuɗ joɓ Baal-Zebub, lo ma vi suu Ekronna, na day ni kay mege?»

2 MULINA 1:3 ပူးပေါင်းရင်းမြစ်များ

1 MULINA 11:33

Ni kay ana asi noyon kiyo. Asi goɓ kaŋga fok ciciwra, Astart, lo cara ta fi suu Sidonnara, fok Komos lo ma vi suu Moabma, fok Milkom lo ma vi goryoŋ Amonna. Asi min ka a tuɗ hu voɗ mandaɗi, ka li dlara irin ɗegeeraɗi lay, ka li u gaɗ manda u dlara an miniɗta ko bum David lira naɗi.

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

1 MULINA 18:1

Ŋgoo dagan buuna ŋgolo, basara li ki na hindi lona ka siɗira, Yawe mba tak tam ii Eli dam ana, «Tuɗ tak taŋ ki ii Akab. An min a si mbona ay ga kay ndaŋgara.»

1 MULINA 18:36

Tew hu li ma taa tlena a ɦalla may, sa ma jok vun Lona Eli ɦuɗ tam ay di ana, «Yawe, Loŋ Abrahamma, Loŋ Isaakŋa, Lo ma vi suu Israelna, li dlara asi wi ki karam ana aŋŋi Lona daŋ mayra anni saaŋ ma sunuŋŋa an li dlara ni u boy maŋŋa.

1 MULINA 19:5

Nam hin buu kaŋga lagaɗ senna u ŋgus gu namma. Gola ni sa sunda huulona mba ŋgenem dam ana, «Col kolo, ti funa.»

1 MULINA 19:7

Sa sunda vi Yawe hoŋ ay ŋgenem dam ana, «Col kolo, ti funa kay voɗta fokoŋ a tuɗta ni fiyek cocoo.»

1 MULINA 21:17

Yawe di boyna ay maŋ sa ma jok vun Lona Eli ma Tisbena ana,

2 MULINA 1:2

Fali taa dew ni Ahaziyas ay kolo hu zira mini kolo kay ndaraɗtara. Nam ndi ay kaŋga dag ki cocoo. Nam cuk suuna vun sunda dasi ana, «Tuɗugi joɓogi Baal-Zebub, lo ma vi suu Ekronna aya, na ni an ndak a garaɗ ki ko dagka fan wandara ko su?»

2 MULINA 1:6

Asi hoŋom dira ana, «Sana col ay kolo na ŋgafami ay dami ana, Hoŋogi eg mul ma sunugi ayna, agi tuɗ dam ana, Yawe di ana, aŋ tuɗ a joɓ Baal-Zebub, lo ma vi suu Ekronna, ni Lo ma vi suu Israelna kaɗi su? Kay ndaɗta lay ma aŋ buuri kamma ni aŋ ka cuk ki kaŋga oloɗi. Aŋ hin miɗ ki gasi.»

2 MULINA 1:8

Asi dam ana, «Sa namma ni sa ma cuk baraw ma cili u tlimiɗtana njun baraw ɗikka hurum may.» Nam mulna hin di ana, «Ni Eli ma Tisbena.»

2 MULINA 5:15

Nam hoŋ ay u suu umma halaŋ eg sa ma vi Lonna. Nam kal ha vo tuɗ col fokom di ana, «Cemi ni an wi ki ana kay yam ndaŋgara halaŋŋi lo ma daŋ kaɗi, ni Lona vi suu Israelna dew daŋ. Cemi ni an ceneŋu, vi tlesuu saaŋ ma sunda min a ɦaŋsina ɦawa wannana.»

2 MULINA 5:8

Hu li ma Elize, sa ma vi Lonna, hum ana mul ma Israelna haa baraw mamma tamma kiyo ni, nam sun ha tuɗ di mulna ana, «Aŋ haa baraw maŋŋa ki ni kay mege? Naaman mbay egen tani, nam hin wi ki ana sa ma jok vun Lona ka vi suu Israelna.»

SOOLLA 76:1

Soolla vi sa ma fok suu gi soollana, soolla vi Azaf gaɗ u diŋŋa.

EZAYI 8:19

Lini suuna dagi ana agi tuɗ fun suu joɓpa, suu may suu di dlara ay u hosokka gana, suuna ka ndak a joɓ loogi masisinaɗi su? Asi joɓ suu miɗina ay kay suu iirinaɗi su?

JONAS 2:8

Musukun hinni tok a kal kira, humun ganu, an di ana, Yawe, cen manda tew ay ta ta egeŋu, tew ta ta hu ziiŋga teteɗta.

MARK 3:22

Suu wi magaara suu ay Yerusalemma ɓak ana, «Beelzebul ka kamu, Mul fulina kam lay, ɦam saɓakŋa a dik fuli suu cona suu hiŋŋa kiyo.»

SUNDA 8:26

Sa sunda vi Bu Suuna di Filip ana, «Tuɗ hu voɗta ii mbayaw tana, hu voɗta col ay Yerusalem a mbay kaŋga Gaza, voɗ ndaɗta ki ni hu fulla.»

1 SAMUEL 17:46

Karam gak gak Yawe hin ɦaŋ ki konu, an hin caŋu hin ŋgaɗaŋ yaŋ ki lay. Karam gak gak an hin ɦal maɗ suu duu suu Filistinna ki maŋ layagi suu kolo huulonana, ki maŋ mbuuri suu kay ndaŋgarana. Ndaŋgara halaŋ hin wi ki ana Lo ma vi Israelna kaa.