Agi ɦagi yam tlena ki jivi ko an minda na ay hu zira tlena ka toki hura. Ko tlesuu tira li hu ziinda. Agi tukun ki u dla ndaɗta tuwa. Yawe, ma Saɓakŋa Kom Belna, di na. Lini an hin si yona kaŋga kagiɗi ni, lini an hin paɗ vunun ki kagi agi hin fi tlena ŋgollaɗi ni.
Agi ɦizi hu tlena halaŋ, vira, boyna, wira, tagira feɗta, iriɗ ka ŋgaayɗi, minda agi minimira. Ami min ana agi tak ɦiz magira ndaɗta hu sunda ko ndaɗta na may.
Amasiyas hin di sa ma vi Lonna ana, «Gursu ma an cukum ha ki coco maŋ suu asgaarina suu Israelna wanna an hin lam ni nana mayge?» Sa ma vi Lonna hoŋom dira ana, «Yawe ka u tlesuu nam hin ɦaŋsina su gursu ma aŋ cukum ki wanna.»
Gola ni boy ma gasina. An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga.
Lona laygi ni namu nam miniygiya, hu taɓ maygira u Yesu Kristu nam min ana aygi mbuɗ ki jivi saɓakŋa u sunda jivira, sun mamba nam laɗ ki fok jewra, ana aygi mba li na may.
Nammi sa ma suu vina halaŋ ŋgaɓam a nam li u ami a ndarami ma sunda kay di ki kay oora, di ki kay bibiŋilla vi Bu Suuna kay min mamira njun u suuna may.
Cara vira dew ay hu ɦoŋzina Yoppe yaɗ ana Tabita (sem namma ni u vun Grekŋa ana Dorkas mbuɗ ki ni ana Dukka). Ndaɗ ay tew tew li jivira maŋ suuna njun u suu hawra.
Lini sa ma mbuɗ tam ki jivi pasiyak ko cora an ɓak kaɗ wanda, nam hin fi ni sun mamba kay tamu kay nam ɦal tam ki ni maŋ malamma bel, nam irim jiviya, nammi tok a ɦam sunda gaw, kay nam minimu, ni kay sunda jivira bel.