2 KORINTNA 9:7 - Boy Lonana

⁷ Sana ɦal ni u va ma nam saa hurum a ɦamma, ka va ma sa yoo tam kambi, ka ko ɦeɓpa naɗi lay. Lona min sa ma ɦal u furira.

2 KORINTNA 9:7 ပူးပေါင်းရင်းမြစ်များ

2 KORINTNA 8:12

Lini sana tin hurum ma jivina wa a ɦala ni, Lona ŋgani ɦal mayra ka ko sanara, va ma kaɗina nam ka ŋgaambi.

SUNDA 20:35

An takagi ki halaŋ halaŋ ana li sunda, kay a njun u suu hawra, saaragi kay boy ma vi Bu Suuna Yesu u tamba damma, jivira ka ŋgol suwa kay sa ma ɦal vama kina, su ma fina.»

1 DLAŊ MULINARA 29:17

An wi ana aŋ, Loonna, wi huu suuna. Aŋ minni ɗegeera. An may ni u hurun ma ɗegeena an ɦaŋ tle asina halaŋ. Cecem wanda suu maŋsuu ka tanina an ka wasi asi ɦal tlena u furira u hurusi ma dewna.

KALKIRA 25:2

Tuɗ di suu Israelna asi taaran tlena. Ni kay suuna halaŋ u huu ma jivina, agi mba tok tle asina.

VUN ŊGOLNA 11:25

Sa ma oora wi hahaw suuna, tlena hin oy kommi oy na ɗow. Sa ma ɦal yona maŋ suunana, laa ka cambi may.

VUN ŊGOLNA 22:9

Sa ma wi hahaw suuna hin fi paɗvunna, kay nam ɦal fuumma ki maŋ suu ɦawra.

ROMMA 12:8

Sa ma gaɗ suuna jivina tuɗ fok u gaɗ mamba ndaɗta, sa ɦal tlena maŋ suuna nam ɦalni u hurum ma ki buɗina, sa ma ŋgom suu vina nam mba ŋgomosi u ɗigilla, sa ma njun suu hahawara nam mba njunusi u furira.

1 PIYER 4:9

Vagi suuna varagiya u huu ma jivina.

KALKIRA 35:5

Tlesuu agi fasina halaŋ ɦasi yasi ki maŋ Yawe. Suu may suu ɦal u hurusi ma jivina halaŋ mbaarasi ay maŋ Bu Suuna, lorra, doonora u kawi ma tlawna.

EZAYI 32:8

Na may sa ma hurum jivina saa a li ni dlara jivira may. Sun mamba nam a laɗta halaŋŋi jiviya.

GA 8ATAMBARA 15:14

Aŋ ɦam tlena kom cocoo, ɦam yoorina u wana u tlesuu em sum veŋŋa, ɦam tlena ni u tlesuu Yawe Looŋŋa paɗ vunum ki kaŋ kasina halaŋ.

Magaara JAK Ɓiiriɗta 5:9

Gorsenna haɗagi hurugi eg tagiɗi, kay a Lona mba kaagi ɓakŋa kagiɗi, sa ma kaɓakŋa hin tok a kal ayra.

EZAYI 32:5

Sa ka ndak yi sa ma giniŋŋa ana dlam ŋgol cocoo naɗi, sa ka ndak ɓak kay sa ma ganyamba ana hurum jivi eg suuna ɦay naɗi lay.

1 DLAŊ MULINARA 29:9

Suuna li furira kay ɦal masira u hurusi dewra kay ana asi ɦal tlena ni u hurusi dew maŋ Yawe. Mulna David furi ŋgol coco lay.

FILEMONDA 1:14

An ka li va bay waŋ min maŋga gawɗi, an ka ɦeɓeŋ kay lan jivira ɦeɓiɗi. An min ana aŋ li ay u min maŋga.