2 KORINTNA 8:9 - Boy Lonana

⁹ Agi wagi oora vi Bu Suuna mayna Yesu Kristu. Nam ma ɦizina mbuɗ tam ki hawra kagiya, kay nam min ɦizigi ki u haw mamba.

2 KORINTNA 8:9 ပူးပေါင်းရင်းမြစ်များ

ROMMA 8:32

Nam doo ka kay a ɦal goromma kiraɗi, nam ɦam ki ni kaygi halaŋ, nam hin hin bay ɦaygi tlesuu daŋŋa halaŋ u goromma ni nanage?

MATIYE 20:28

Gola. Goŋ Sanna mba ka ana suuna lam sunu naɗi. Nam mba ni a lasi sunda masi naɗow. Nam warak u iiri mamba a buɗ suuna ki bolow cocoo.»

ROMMA 5:8

Aygi wi min mayra ŋgolla Lona takaygirara, Kristu miɗ kaygi ni hu li ma aygi ay jew ni suu cona.

2 KORINTNA 6:10

Asi lami dlara yoora egemi ŋgolo ni ami ka furi tew tew, golomi ko suu hawra na ni ami ɦizi u suuna, ami gol ko ka fi vaɗina ni a gasira tlena ka komi halaŋ.

EFESNA 2:7

Nam li dla ndaɗta na ni kay a tak saɓakŋa vi oo mamba mbuɗ mbuɗta hin mbayra, ni u jivi mamba nam takaɗ ki hu Yesu Kristura.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

1 TIMOTE 6:18

Gaɗasi kay a li jivira kak ɦizi hu sunda jivira, taŋ loɓ kay ɦala ɦal maŋ suunaɗi, njun u suu daŋŋa daŋŋa.

Boy Ma Ayra Ma LUK Ɓiirimma 16:11

Agi li ay ka ɗegee u bas tlegeyegi suu kay ndaŋgaranaɗi ni, sa hin ɦizigi ɦizza gasira ni gege?

HEBRENA 1:2

Kay aygi suu ka hu buu ma dagan cecemina nam daygi boyna ni hu Goromma. Lona li tlena halaŋŋi u namu, tle asina halaŋ Lona hinimsina halaŋŋi komu.

Boy Ma Ayra Ma LUK Ɓiirimma 9:58

Yesu dam ana, «Bayakka zuluɗ ka lay, layagina ziisi kasi lay. Goŋ Sanna li nam koɗ tam hu kaɗi.»

WIRA ŊGAYRA 3:18

An min neeŋu gus lor ay yoori u kura gaw, kay aŋ mba mbuɗ begee. Gus baraw ma haɓma a cuk taŋga siilira kay baa zolo maŋŋa. Gus guna kay iriŋu kay aŋ mbuɗ wiya.

EFESNA 3:19

Ni agi ndak a wi min mamba ndaɗ ka vaɗ a sa waɗ uɗ ki gasiɗi lay, ni agi ndak waɗu agi mba oy u ndakka vi Lona.

1 KORINTNA 1:4

An gi deɓ Lo manna kagi na gak gak, kay oora nam ɦagira u Yesu Kristura.

Boy Ma Ayra Ma LUK Ɓiirimma 2:7

Ndaɗ vuɗ goroɗ ma jewna, boɗom barawna kamu, ndaɗ gam hu bulla, kayme asi fi li ay ka hu zira buu koyoginaraɗi.

EZAYI 53:2

Sa sunda wul fok Bu Suuna ni ko gu ma saariyam kal hu li ma bay yona na. Nam ka gol jiviɗi lay, va ma bibiŋil ka egembi lay. Suuna golom na ni taɗ yasi kiyo, va ma ii sa jivi ka egembi lay.

Boy Ma Ayra Ma JAŊ Ɓiirimma 16:15

Tlen vi Bun halaŋŋi varan an may, kay ndaɗta an dagi ana tlesuu col ay konna ndaɗ hin fasiya, hin dagisina.»

Boy Ma Ayra Ma JAŊ Ɓiirimma 1:17

Lona ɦaygi gaɗ mamba ay ni ko Moiz. Oora u gasira col ay ni hu Yesu Kristu may.

Boy Ma Ayra Ma JAŊ Ɓiirimma 1:10

Boyna ay hu duliyara, Lona li tlena halaŋŋi u boy namma. Boy namma suu hu duliyara wam ka ana ni namuraɗi.

MATIYE 8:20

Yesu dam ana, «Bayakka zuluɗ ka lay, laygina ziisi kasi lay. Goŋ Sanna, li nam koɗ tam hu kaɗi.»

WIRA ŊGAYRA 21:7

Sa tina, an hin ɦam tle asina, an hin li a Loomma, nam hin li a goonna may.

1 KORINTNA 15:47

Adam ma jewna minim ay ni u gugum ndaŋgara, Adam ma mbana mbay ni kolo huulona.

ROMMA 11:12

Ndi kaŋgara vi suu Juifna mbuɗ suu hu ndaŋgarana halaŋ ki saɓakŋa wa, ni hoŋ masira hoŋ ki kaŋgara mbuɗ suuna ki saɓak wa na ɗaŋŋi, asi hin hoŋ ay hu suɗta wa ni dlaasira hin lini ŋgol ko ndal mi na ɗaŋge?

Boy Ma Ayra Ma JAŊ Ɓiirimma 17:19

Anu, an mbuɗ tan ki teteɗ ni kasiya, kay asi lay mbuɗ ki teteɗ hu gasira.

Boy Ma Ayra Ma JAŊ Ɓiirimma 12:30

Na ɗaŋŋi, Yesu dasi ana, «Del ndaɗta ɓak na ni ka manɗi, ɓakŋi magiya.

MARK 6:3

Ni ka sa ceɗ gunaɗi su? Ni ka goŋ Marinaɗi su? Jak, Joses, Jud, Simon ni ka gorsemmaɗi su? Gorsem suu tamagina ka varaygi layɗi su?» Boy mamma hisisi wa. Asi min vi umbi.

MATIYE 17:27

Kay a ɓeŋ huu suu asina ki ɗir ni, aŋ yow jambat maŋga koŋu, tuɗ hu lumma. Kuluf ma aŋ vam fok jewna, aŋ vamu, ŋgoom vunum kiyo. Aŋ hin fi gursu ma warak kay taa mayra ay funumu. Tli gursu namma, warakasi taa mayra ha kiyo.»

EZAYI 65:8

Yawe di ana, hu li ma mbona li kolo eg vuɗ gugutlura wa ni, asi di ana gasiyam kiɗi, kay nam hin li summa jiviya. Na may an hin li u suu sun mansina ni ko ndaɗta na may, an ka ɓalakasi ha ki na halaŋgi.

EZAYI 62:1

Kay boy dla Siyonni an ka kak enɗi, kay ɦoŋzi ma Yerusalemma ni an ka koɗ tanɗi, ta ta ɗegeera vi zi namma kal ki ko kiɗikka lira na. Suɗta vi zi nammara wi ha ki kolo ko kura yira na.

KOLOSNA 1:24

Cecemi an li furira hu wihawra an ka faɗ kagira. Wihaw mayra an ka faɗ eg mbalatan wanda, ni an faɗ ki ni vun wihaw mayra li ka eg Kristu tuɗira kay mbalatamu. Mbalatam ni suu vi Kristuna.

Boy Ma Ayra Ma LUK Ɓiirimma 8:3

Jan caŋ Kuzara, sa fun Herodna. Suzan u boyogi suu hiŋŋa ni suu njun u Yesu a ɦam tlena u suu haɗi mamsina lay.

ROMMA 15:3

Kristu li dlara jivira ka ni kay tam holɗi, ni na ɗow ko magaara dira naa, «Ŋgulla suuna ŋguluŋga ndi kaŋga ni kanu.»

WIRA ŊGAYRA 2:9

Wihaw maŋga an waɗu, haw maŋga an waɗ lay, u gasira ni aŋŋi sa ɦizina. An wi dla co mayra suu ana asi ni suu Juifna ni ka suu Juifnaɗi layna daŋga kaŋga, tok masira ni tokka vi Satanna.