2 KORINTNA 8:7 - Boy Lonana

⁷ Agi ɦizi hu tlena halaŋ, vira, boyna, wira, tagira feɗta, iriɗ ka ŋgaayɗi, minda agi minimira. Ami min ana agi tak ɦiz magira ndaɗta hu sunda ko ndaɗta na may.

2 KORINTNA 8:7 ပူးပေါင်းရင်းမြစ်များ

2 TESALONIKŊA 1:3

Gorsenna, ami gideɓ Lona tew tew kagiya. Dla ndaɗta jivira na ni kay viigira ka wul fok cocoo, ko minda agi min tagira tuɗ ha fok na din din.

2 KORINTNA 9:8

Lona ndaki kay a ɦaŋ tlena zeɗ zeɗ su lay kay agi mba fi tlesuu agi minisina halaŋ, usi mba hin kogi a ndakagi kay sunda jivira bel lay.

FILIPINA 1:9

Gologi cenda an ka cen Lona kagira an joɓom ana min magira wul fok wuli na ɗow ɗow, a ndaɗ mba mbuɗ saɓak u wira u humba jivira lay.

2 KORINTNA 8:6

Ni kay ndaɗta ami joɓ Tit nam tuɗ egegi tew tew a li sunda a mbaaragi a daɓ sunda ndaɗta kiyo.

1 KORINTNA 13:2

An ndak a fi ɦal mayra di Boy Lonana ki maŋ suuna, an ndak a fi wira halaŋ hum u tlesuu ŋgayna kiyo, an ka u vira ndak a jok ɦinira kiyo, lini min manda kaɗi ni an kini ɦawaa.

1 KORINTNA 4:7

Sa ma tiniŋ a ŋgolla kay ndarayaŋŋa ni gege? Tlesuu koŋŋa halaŋ Lona ɦaŋsina ni ka nambi su? Aŋ ŋga taŋ kay tlesuu koŋŋa ko aŋ fasi ka ɦawaɗira na ni nana ge?

1 KORINTNA 1:5

Kay taɓpa u Yesu Kristu agi fagi tlena halaŋ, agi fagi ɦala vi boyna u wira halaŋ.

1 KORINTNA 13:8

Minda ndaɗ din din ka daɓ kiɗi. Boy ma sana fam ay ko Lonna hin daɓ kiyo, ɦala ɓak u vun ma daŋŋa zeɗ zeɗta hin daɓ kiyo, wira hin daɓ ki lay.

1 KORINTNA 12:13

Aygi halaŋ suu Juifna u njaf suu daŋŋa, mborɓiina u suu vuɗina, aygi halaŋ mbusuygi batemma a taɓmi tara dewra u Musuk ndaɗta, ɦaygi ni kay aygi halaŋ taɓ ci u Musuk ndaɗta dew.

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.

1 PIYER 1:22

Agi mbuɗugi ki pasiyakŋi kay agi hum u gasira, kay a minigi gorsegi suu vina, minigi tagiya tagiya u hurugi halaŋ u minda ka mbuɗɗira.

2 TIMOTE 2:1

Aŋ, goronu, so taŋ u boyna vi oora ta aygi faɗ hu taɓpa u Kristu Yesu dewra.

EFESNA 4:29

Hin boy ma dawi a kal ki funugiɗi, dagi boy ma gasi a njun u suu hiŋŋa a wulusi kolo hu viisira, li jivira maŋ asi suu ka humugina may.

2 KORINTNA 9:14

Asi hin cen kagiya kay min magira ŋgolla, kay oora vi Lona ta mbuɗ mbuɗta nam laɗ kagira.

2 KORINTNA 7:7

Ami fi ɗil iira ni ka u mbaamba ɦawaɗi. Nam dami olo ko agi ɗilim irimba na may. Nam ɓakami kay saa magira, u yoo magira lay, kay tagi ka mini a njun kanda. Ni kay ndaɗta an cecemi li furira ŋgolo.

1 KORINTNA 14:12

Agi hurugi ka haɗ kay ɦala vi Musuk Lonara va ma ŋgolna ni halagi a wul suu vina kolo hu vira.

ROMMA 15:14

Gorsenna an kay tanda saa ana agi hurugi hoɓi u jivira, hoɓi u wira halaŋ, ndaki kay a gaɗ tagi duk tagi lay.

WIRA ŊGAYRA 3:17

Aŋ di ana, «Anni sa ɦizina, li tlena halaŋ jiviya, va ma kaɗakan kaɗi.» Aŋ doy ka wi hahaw maŋga ana aŋŋi sa ma kaɗakina naɗi. Aŋ sa hawra, dugi lay, siili lay.

HEBRENA 12:28

Ni kay ndaɗta aygi fi mul mayra uɗ ka jok kiɗira, gaygi deɓ Lona u sunda sunum jivira lam ndaaramu, hum um may.

FILIPINA 1:11

Iiri magira hin hoɓi u sunda ɗegeera ta Yesu Kristu laɗta, sun ndaɗta li u ŋgolla u geleɗta vi Lonara.

1 KORINTNA 12:8

Sa maari Musukka ɦam boyna u nera, ma daŋŋa ndaɗ ɦam boyna u wira.

MATIYE 25:22

Ma bege mamma mbana ɦuɗ tam eg mulna, dam ana, Mulna, aŋ ɦan begena ka mba'. Ma mba' wanna, ni ma an fam ka ŋgoroŋ daganna.