2 KORINTNA 8:2 - Boy Lonana

² Suu vina wihawra fasi ŋgol lay ni furi masira ay ŋgol suwa, asi haw ŋgol lay ni ɦizza, minda hurusira kaa.

2 KORINTNA 8:2 ပူးပေါင်းရင်းမြစ်များ

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

VUN ŊGOLNA 11:25

Sa ma oora wi hahaw suuna, tlena hin oy kommi oy na ɗow. Sa ma ɦal yona maŋ suunana, laa ka cambi may.

GA 8ATAMBARA 15:4

Na lay ni sa haw ka li dukugiɗi, Yawe ɦizigi ki u paɗvun ma nam paɗam ki kagina, hu mbas mayra agi hin nda cuk huruɗ wandara, ni mbassa Yawe ɦagira a jonara.

WIRA ŊGAYRA 2:9

Wihaw maŋga an waɗu, haw maŋga an waɗ lay, u gasira ni aŋŋi sa ɦizina. An wi dla co mayra suu ana asi ni suu Juifna ni ka suu Juifnaɗi layna daŋga kaŋga, tok masira ni tokka vi Satanna.

2 KORINTNA 6:10

Asi lami dlara yoora egemi ŋgolo ni ami ka furi tew tew, golomi ko suu hawra na ni ami ɦizi u suuna, ami gol ko ka fi vaɗina ni a gasira tlena ka komi halaŋ.

2 KORINTNA 9:13

Sun mayra agi laɗ ndaɗta tak ki kay tagira, suuna ŋgolo mba geleɗ Lona kay hum vun magina ma tak viigira u Boy ma Ayra vi Kristu, asi mba geleɗemu kay ɦiz magira agi ɓorow tlegeyegi ki u asira, u suu daŋŋa halaŋ lay.

1 TESALONIKŊA 1:6

Agi mbuɗ ni suu tlami dlaamira ura vi Bu Suunara, hu lassa coco lay ni agi vi Boy Lonana u ayra hu Musuk Lonara.

ROMMA 12:8

Sa ma gaɗ suuna jivina tuɗ fok u gaɗ mamba ndaɗta, sa ɦal tlena maŋ suuna nam ɦalni u hurum ma ki buɗina, sa ma ŋgom suu vina nam mba ŋgomosi u ɗigilla, sa ma njun suu hahawara nam mba njunusi u furira.

1 TESALONIKŊA 2:14

Gorsenna agi mbuɗ ni suu tli dlaŋ suu vi Kristuna vi Lona hu Kristu Yesu suu ka Yudena. Agi fi lassa ko gorsegina ko suu Juifna lasasi ayra na may.

2 KORINTNA 9:11

Nam hin mba ɦizigi ki u tlen hu lina halaŋ, kay agi mba tak ki ɦiz magira, ni suuna ŋgolo hin gi deɓ Lona kay ɦala agi ɦamira a ami ɦasirara.

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

MATIYE 20:15

An ndak a li dlara hurun miniɗta u gursu manna. Huruŋ mbuɗ co kay jivira an laɗta su?»

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

2 KORINTNA 2:9

Gola ni dlara an ɓiirigi magaara ha kaɗta, kay an gologi goliya, kay a wi ana agi ka hum u haɗ manda wan su?