2 KORINTNA 7:7 - Boy Lonana

⁷ Ami fi ɗil iira ni ka u mbaamba ɦawaɗi. Nam dami olo ko agi ɗilim irimba na may. Nam ɓakami kay saa magira, u yoo magira lay, kay tagi ka mini a njun kanda. Ni kay ndaɗta an cecemi li furira ŋgolo.

2 KORINTNA 7:7 ပူးပေါင်းရင်းမြစ်များ

Magaara JUD Ɓiiriɗta 1:3

Banayanna an hurun haɗ ana bay ɓiirigi magaara ha kay boy ma Lona suɗuygi ki halaŋŋa baɗi, Lona ɦeɓen a ɓiirigi magaa ndaɗta kay a njunugi a duu kay vira Lona ɦaɗ maŋ suu mamsina yam dew ni a fafatɗara.

2 KORINTNA 5:2

Cecemi aygi ka wi hawra, saa maygira kay juɓuygi ziiygi ma kolo huulona kaygina.

2 JAŊ 1:4

An wi ana goryok suu ɦiw ni li dlara gasira coco ko ndal Buna daygira na, ni an hurun furi ɦay.

Magaara JAK Ɓiiriɗta 5:17

Eli ni sana ko aygi na may. Nam cen Lona u hurum toki na dew ana lona siɗi li basara hindi u tilna kayam karkiya, lo si kay ndaŋgaraɗi.

HEBRENA 2:1

Ni kay ndaɗta aygi njunuygi taygi eg gasi mayra aygi humuɗta. Kay aygi mba ba kiɗi.

1 TESALONIKŊA 3:8

Cemi ami ka lagi jivira ni kay agi coli eŋ hu viigira u Bu Suunara.

1 TESALONIKŊA 3:6

Timote ay varagi hoŋ ay egemi wa, nam dami boy ma jivina kay dla viigira u min magira. Nam dami ana agi ka saa kami tew tew u furira, agi min a wami irimi ko ami hal a wagira na may.

KOLOSNA 2:5

Lini an ki egegi day hu mbalatan lay ni, hu saa manda ni an egegi tok. An li furira kay agi coli eŋ duk tagi taɓi dew hu viigira u Kristu.

FILIPINA 1:20

Cecemi an vi kan a juɓum u furira, an ka fi dlara an a mbuɗ zolo kaɗi, gak gak karami an ka juɓummi juɓi naɗow ni an tak ki kay ŋgolla vi kristura eg tanu lini a kak iiri lay lini a miɗ miɗi lay.

2 KORINTNA 8:16

Gaygi deɓpa maŋ Lona kay nam ɦal hu ma jivina hu Tit kay boy magina.

2 KORINTNA 2:9

Gola ni dlara an ɓiirigi magaara ha kaɗta, kay an gologi goliya, kay a wi ana agi ka hum u haɗ manda wan su?

2 KORINTNA 1:14

Cecemi ni agi humi ɦiw ɦiw. Hu buuna vi Bu Suuna Yesu wanni agi hin li furi kamiya, ko ami furi kagira na may.

ROMMA 1:12

Olo an saa kay tuɗ dukugiya a agi may an may taɓaygi dew gaɗaygi taygiya a an fi saɓakŋa u viigira may, agi fi ni u manda may.

SUNDA 11:23

Nam tew egesi tewni, wi ana Lona paɗ vunum ki kay suu vina ni nam furi ɦay, soosi hurusiya, a asi kak ɗegee u hurusi toki dew kay Bu Suuna.

Boy Ma Ayra Ma LUK Ɓiirimma 22:44

Ndaana su ki kam lay ni, nam cen Lona gak gak. Zamalla soo um ko busuna na.]

MATIYE 26:75

Piyer humum gam kay boy ma Yesu damma jewna ana, «Tlekŋa bay hel tu ni, aŋ hin tin vunuŋ ki yaŋŋa hindi ana aŋ ka wanɗi.» Piyer kal ki, tii u simina irimu. Hurum haɗ cocoo.

MATIYE 5:4

Furira ka kay suu tii tasina, Lona hin ɗilisi irisiya.

SOOLLA 141:5

An minni gaɗta vi suu ɗegeena lini asi gaɗanu, ka mbul ma vi suu cona vo kanɗi ko cen manda col saɓak fokosiya.

SOOLLA 51:1

Soolla vi sa ma fok suu gi soollana, soolla vi David.

SOOLLA 38:18

An hin tok a ndi kaŋgara, kay lassa ka lan cocoo.

SOOLLA 30:5

Agi suu ɗegeena ŋgaagi Yawe, geleɗemu takam sem ma teteɗna kiyo.

1 KORINTNA 5:2

Agi tagira may ni hin ŋga tagi ni ŋgaay na ɗow. Agi a yoo ginni yoori na ɗow, sa ma li dla ndaɗta a dikim ki ginni dukugiya.

2 KORINTNA 1:4

Nam njun uygi hu wihaw maygira bel, kay agi mba njun u suu agi fasi hu wihawra halaŋ, kay a takasi njun mayra aygi faɗ ay ko Lona ndaɗta.

2 KORINTNA 7:6

Lona ma ɦal saɓakŋa maŋ suu ki maŋina, hin ɦami saɓakŋa hu li ma Tit mba egemina.

2 KORINTNA 7:8

Lini magaara an ɓiirigira hara, mbuɗugi hurugi yoo lay ni, an ka jok boy daŋgi, an li hin jok boy daŋi an wi kiwa ana mbuɗugi yoora nde ni ndaɗu.