2 KORINTNA 7:13 - Boy Lonana

¹³ Kay ndaɗta sun magira ɦami saɓakŋa ɦay. Ni ka kay ami fi saɓakŋa ɦawaɗi may ami li furira ŋgol kay ami wi Tit lay, kay dlara agi lamba egem jivira.

2 KORINTNA 7:13 ပူးပေါင်းရင်းမြစ်များ

2 KORINTNA 7:6

Lona ma ɦal saɓakŋa maŋ suu ki maŋina, hin ɦami saɓakŋa hu li ma Tit mba egemina.

1 KORINTNA 16:13

Lakagi neeya, kak eŋ hu vira, lagi ɦiŋi, lakagi saɓaki.

1 KORINTNA 12:26

Lini mbalatan ta dew wi hawra tliwin wi hawra uɗ halaŋ may, lini mbalatan taa dew fi ŋgara tliwin halaŋ li furira uɗ may.

ROMMA 15:32

Lini li wa na ni an tuɗ tew ha varagi ni u furira, Lona min wani an tuɗ koɗ tan varagiya.

1 PIYER 3:8

Na may agi halaŋŋi saa magira u min magira li fun taɗ dew, minigi tagi ko gorse tagi na, njunugi u tagiya gege lay hoŋ yam kaŋga u ndaramma.

FILEMONDA 1:20

Ni na wayanna, an ceneŋu, vi boy namma kay minda vi Bu Suuna, heɓen hurun ko wayana hu Kristu na.

2 TIMOTE 1:16

Bu Suuna ɦal jivi mamba maŋ Onesifor u suu mamma, kay nam ka heɓen hurun tew tew, an hu daŋgayna lay ni nam ka li zolo konɗi.

FILIPINA 2:28

An min a gagina ha toŋgo zak kay agi mba li furira ta ta hu li ma agi hin wamma, agi wam wa ni yoo manda mba li oloɗi.

2 KORINTNA 7:15

Min mamba nam minigira ŋgol cocoo. Hu li ma humum gam kagina, kay agi halaŋ hum um jiviya. Agi vam dukugiya, dlak ndaana komu.

2 KORINTNA 2:13

Hu li namma an mbuɗ ndaana ŋgolo kay an fi wayayna Tit kaɗi. Kay ndaɗta an gi deɓpa maŋ suu Troasna ka sini, hinisi tuɗ Masedoin.

2 KORINTNA 2:3

Ni kay ndaɗta an ɓiirigi ha ni ko an lira na. An ka tuɗ ha varagiɗi kay suu a furiyun gin hurunna a mbuɗun yoora ni asi tok. An wi kan ana an li ka furiya ni agi lay furi may.

ROMMA 12:15

Lagi furira u suu ka furina, tiirigi u suu ka tiina.

1 KORINTNA 16:18

Asi heɓen hurun ko asi heɓegi hurugira na lay. Ni saaragi jivi kay suu ko asina na.

2 KORINTNA 7:14

An ŋga tan kaki egemu, kay agi tagira ganan yan kaɗi. Na lay ami tew tew dagi ni gasira, ŋga mayra ami ŋga tami fok Tit ni u voɗoɗ daŋ may.

FILEMONDA 1:7

Wayanna min maŋga ɦan so huna u furira ŋgolo kay mege, aŋ heɓ huu suu vina vi Lona.