2 KORINTNA 7:11 - Boy Lonana

¹¹ Gologi va ma agi lamma kay yoo ndaɗta ko Lona minda na. Agi saa kay dla ndaɗta, agi tin vun ndemma, agi mbuɗ yara, agi mbuɗ ndaana, agi min wanu, agi mbuɗ tagi feɗta, agi kaɓakŋa kay cora. Hu tle asina halaŋŋi agi tak ki ana agi li va ma co ka huɗi.

2 KORINTNA 7:11 ပူးပေါင်းရင်းမြစ်များ

ROMMA 14:18

Sa ma sun Kristu ko ndaɗta nana nam ii Lona jiviya. Suuna saa kam jivi lay.

2 TIMOTE 2:15

So taŋ a tak taŋ ki fok Lona ko sa ma ndakina na, sa ma li sunda ka li zolo kay sun mambaɗi, di boy ma gasina ki u voɗom ɗegee.

2 KORINTNA 7:7

Ami fi ɗil iira ni ka u mbaamba ɦawaɗi. Nam dami olo ko agi ɗilim irimba na may. Nam ɓakami kay saa magira, u yoo magira lay, kay tagi ka mini a njun kanda. Ni kay ndaɗta an cecemi li furira ŋgolo.

SOOLLA 2:11

Sunugi Yawe u ndaana, lakagi u furira u tagi dlak ndaana may.

WIRA ŊGAYRA 3:19

Suu an minisina an gaɗasiya, waɗasiya, mbuɗ huruŋ kay cooŋga, kak taŋ mini fete.

Magaara JUD Ɓiiriɗta 1:23

suɗusi ay ki duk kura. Wihahaw suu hiŋŋa lay, wasi hahawasi ni dlaɓi u ndaana, baraw masi ma zoɗi u corana ni agi ŋgenembi lay.

1 PIYER 2:2

Ko kemba vuɗ wilira na, hal mbira gasira hu Boyna vi Lona. Agi cagira a wulugi u ndaɗu suɗugi tagi kiyo,

1 PIYER 1:17

Hu cen magira agi yi Lona ana Bugiya ma kaɓakŋa kay suuna halaŋ fun tasi dewna, u va ma sana lamma, hu li ma agi ka hu ndaŋgara tuna ni agi lagi ndaana u Lona hu poy magira.

HEBRENA 4:1

Lona hini vi vunna ana aygi ndak a cuk hu li koɗ tara egemu. Gologi tagi jiviya sa maa dukugi hin ki bay kal hu li ma koɗ ta nammaɗi.

TITTA 3:8

Gola ni boy ma gasina. An min ana aŋ col kay boy namma, kay suu tin hurusi kay Lona mba li dlara ɗegeera u sunda jivira. Gola ni dlara jivira ki ndaki kay suuna halaŋga.

FILIPINA 2:12

Banayanna agi hum ay un hu li ma an ay dukugina, va ma ŋgolna ni agi mba hum un ko ndaɗta na, lini an ka dukugiɗi lay, lagi sunda kay suɗ magira u ndaana huwa.

EFESNA 5:11

Taɓagi u suu li dlara dadamba vi ndufundaɗi, takasi dlaasira ndaɗta ki kiɗiki.

EFESNA 4:26

Lini hurugi mbuɗ ya wa ni, gol tagi jiviya kal tagi hu coraɗi, ɗik faɗta u yara hurugiɗi.

2 KORINTNA 13:7

Ami cen Lona ana agi li va coɗi, ami hal a tak saɓak maminaɗi. Halni ana agi lagi jivira, lini ami ka saɓakgi lay.

2 KORINTNA 9:2

An wagi min magira, kay ndaɗta an ŋgaagi fok suu Masedoinna ana gorsegi suu Gresna tasi mini a ɦal njunda ki gasam day. Tagira feɗta kay sunda ɦal eŋga maŋ suu hiŋŋa.

2 KORINTNA 7:1

Banayanna vi vun ma namma halaŋŋi maygi aygiya, laygi taygi ki teteɗ u tlesuu ɓeŋ ta sana u iiri mamba, sooygi taygi ki kay a kak teteɗ u ndaana vi Lona.

2 KORINTNA 6:4

Ni na ɗow lini hu megelay ni ami tak ana ami ni suu sunda vi Lona. Wihawra li fami lay ni ami siɓimi u lalamba, lini hu haɗ huna lini hu yoora lay.

2 KORINTNA 2:6

Kay sa namma ŋgolla vi suuna mba tok vunusi kaam ɓakŋa kamu.

1 KORINTNA 12:25

Kay ndaɗta ɓorowra ka kay mbalataraɗi, mbalatara zeɗ zeɗ halaŋ wi haw tasiya.

1 KORINTNA 5:2

Agi tagira may ni hin ŋga tagi ni ŋgaay na ɗow. Agi a yoo ginni yoori na ɗow, sa ma li dla ndaɗta a dikim ki ginni dukugiya.

ROMMA 11:20

Ni jiviya kaasi kini kay asi vi kaɗi, aŋ varak balamasi ni kay aŋ viya, ni aŋ ŋga taŋ ŋgaayɗi li ndaana na ɗow.

SUNDA 17:16

Hu li ma Pol ka juɓ Silas u Timote hu Aten wanni, nam wi ana ɦoŋzi namma oyra u fulina cocoo ni ɦam saara ɦay.

Boy Ma Ayra Ma JAŊ Ɓiirimma 2:17

Suu haɗi mamsina humusi gasi kay boy ma di ay ki hu magara ana, «Minda kay ziiŋŋa ŋgalan hurun ko kura na.»

MARK 3:5

Yesu wasi na ni, hurum ɓeŋ ki gaw. Hurum haɗ kay nam wasi hurusi ma cona. Nam di sana ana, «Maɗ koŋ kiyo.» Nam maɗam kiyo. Kom mbuɗ ki jiviya.

DANYEL 6:14

Na ɗaŋŋi asi ɓak boyna di fok mulna ana, «Danyel ma duk suu yowosi ay hu Yudana, ŋgaaŋ kaɗi mulna, gaɗta aŋ ɓiiriɗ tin koŋ kaɗta lay, hu buuna tew tew ni nam li cen mamba yam hindi hindi.»

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

EZAYI 26:8

Ҥii, Yawe, ami tin saa mamira ni kaŋ dew. Ami tuɗ ni hu voɗ maŋga na dew. Ami yaŋu, ceneŋu, hurumi minni dlaaŋga na dew.

SOOLLA VI SALOMON 8:6

Tinin ki huruŋ ko lomorora na, ko ndal lomorora ɓiiri kay bikiŋga na. Kay zoŋga saɓak maɗna ni ko ndal miɗna na. Ni ko ndal lina vi suu miɗina na yowmus cocoo, kuuɗ saɓak cocoo, ni ko ndal lona bayra na.

VUN ŊGOLNA 28:14

Furira ka kay sa ma fuɗ tam ki ko dla corana. Sa ma hurum co ɦayna dlara yoora hin mba kam may.

VUN ŊGOLNA 14:16

Sa ma wi dlara li ndaa cora fuɗ tam ki koɗu. Sa ma laɓana taɓa ha kay dlara halaŋ, gol ana va ma lam ka huɗi.

SOOLLA 145:19

Nam li minda vi suu lam ndaaramma, nam humusi tii masina, suɗusi kiyo.

SOOLLA 130:6

Iiri manda hal ni Bu Suuna, su sa ma ka juɓ u zina ta ta fo linna, su sa ma juɓ ta ta fo linna.

SOOLLA 119:139

Hurun ma haɗta ŋgalan ki hurun ko kura na, kay suu babali mansina maa boy ma aŋ damma ki wa.

SOOLLA 69:9

Ko an mbuɗ ii gorsenna ni ko koyna na, gorsen suu vi sunna lay ka wanɗi.

SOOLLA 42:1

Soolla vi sa ma fok suu gi soollana, soolla haɗta vi goryoŋ Korena.

SOOLLA 38:9

An mbuɗ ki maŋiya, saɓakan kaɗi, hurun yoo cocoo, an kak u zamba tew tew.

SOOLLA 35:13

Hu lima asi ka tuguɗiiyo ni an cuk tanni baraw bolna, an hoŋ yan gaa, li laara, an cen kasi may.

NEHEMI 13:25

An yalasi hin gasi vunna. An poŋ njufii suu dukusi ɦiw hin paɗasi tlimiɗ yasi kiyo, olo an hin suurusi ki u sem Lona ana, «Hagi gorɓii magisina maŋ goryosiɗi, yowosi maŋ goryogiɗi lay, maŋ tagiraɗi lay.

2 KORINTNA 7:9

Cecemi an ka li furira ni ka kay yoo magiraɗi kay yoo magira mbuɗugi a agi jok dlaagira agi laɗta zeɗ. Yoora mba kaki ndaɗta ni u minda vi Lona. Lini amiya ni lagi va ma co ka egegiɗi.

JOB 42:6

Cemi ni kay boy man ma an damma zolona van funun wa, an hom wa. Cemi ni an ka ci way oloɗi.

ROMMA 3:5

Lini cora aygi laɗta tak ana Lona ɗegeera ni aygi hin di ni ana mege? Lona lini co kay nam gaygi daŋgayna su? An ɓak na ni u saara vi suuna.

1 TESALONIKŊA 4:6

Kay dla ndaɗta ni sa ma li ganyamba u dlara co eg wayambi, suu li dla cora ko ndaɗta nana Bu Suuna hin kaasi ɓakŋa kasiya, ami dagi boy namma ki jew lay.

1 TIMOTE 5:20

Yal suu li cora ki duk suuna halaŋ, kay suu hiŋŋa hin mbuɗ ndaana may.

Magaara JAK Ɓiiriɗta 3:17

Ne mayra col ay kolo dayra va co ka egeɗɗi. Ndaɗ mba heɓpa, jivira, oora u jivira huruɗta, hin tak sunda jivira may. Ɓorow iira u mbambara kaɗi.