2 KORINTNA 7:10 - Boy Lonana

¹⁰ Yoo mayra eg Lonara ni jok iirira ki zeɗ, tuɗ sana hu suɗta, sana ka ndak a saa kaɗ oloɗi. Yoora hu ndaŋgara ni tuɗ sana hu miɗna.

2 KORINTNA 7:10 ပူးပေါင်းရင်းမြစ်များ

SUNDA 3:19

Jokogi iiri magira ki zeɗ, mbuɗugi irigi eg Lona a nam hin bulumugi coogira kiyo.

SUNDA 11:18

Asi hum boy namma na ni seŋ vunna ni na gaw, gijaŋ geleɗ Lona ana, «Gasi Lona ɦal voɗta maŋ njaf suu ka Juifnaɗina a asi jok iiri masira ki zeɗ, a fi iiri ta gasira lay.»

2 SAMUEL 12:13

David di Natan ɗaŋŋi ana, «An li sulukŋa eg Yawe.» Natan di David ana, «Yawe u saa mamba bulumuŋ suluk maŋŋa ki wa. Aŋ hin ka miɗɗi.

Boy Ma Ayra Ma LUK Ɓiirimma 18:13

Sa vi taara col ha ki na day ndak ka a tli irim kolo huulonaɗi lay, ɗuɗ kom hurumu di ana, Lona, Bu Suuna, wan hawan aya, kay an ni sa cora.

Boy Ma Ayra Ma LUK Ɓiirimma 15:10

An dagiya, suu sunda huulona hin furi kay sa co ma hin coomba kina ni na may.»

JONAS 3:10

Lona wi ana asi hom gasi kay dla coosira asi laɗta wani, nam col ka kay saa mamba jew nam a baasi kira oloɗi, nam hinisiya.

HEBRENA 12:17

Ko agi wagi ŋgoo dagan ni nam min hal paɗvun ma vi bumma, nam hin kini ɦawaa, nam fi voɗta ka kay a mbuɗ va ma nam lam kinaɗi. Nam halaɗ vam u tiina irim ŋgol lay.

VUN ŊGOLNA 17:22

Huu ma furira garaɗ sana ki ko tuguɗiira. Huu ma u yoora tew tewna so mbala ta sana kiyo.

JONAS 4:9

Lona hin dam ana, «Huruŋ ɓeŋ kay gugutlu ndaɗta na ni gasi su?» Jonas hoŋom dira ana, «Gasi, an ndak a hurun ɓeŋ ta ta miɗna.»

1 SAMUEL 30:6

David mbuɗ ki hahaw cocoo kay ana suuna ɓak ana hin cam ki u gogoyra. Gegelay ni hurum haɗ cocoo, saa kay goryom suu njufiina u suu gorɓiina. Na may David hin fi so ura ni u Yawe, Loomma.

2 KORINTNA 12:21

An hin tuɗ ha a gologi wani an li ndaana kay Lona hinin an a hoŋ yan kaŋga fokogiɗi, an tii ni tiiriya kay suu li cora ŋgolo bay hoŋ homba kay coosira tuwa, boy zoŋga u cora asi haɗi laɗ tew tewra.

MATIYE 26:75

Piyer humum gam kay boy ma Yesu damma jewna ana, «Tlekŋa bay hel tu ni, aŋ hin tin vunuŋ ki yaŋŋa hindi ana aŋ ka wanɗi.» Piyer kal ki, tii u simina irimu. Hurum haɗ cocoo.

JONAS 3:8

Suuna u yoorina halaŋ cuk baraw bolna tasiya, asi mba cen Lona u saɓakasi halaŋ. Gegelay mba hom kay dla coomba nam laɗta. Hin fuli masi suu cona ki halaŋ, hin sun masira cora ki lay.

EZEKIYEL 7:16

U suu hin dew dewna pii ki may. Asi tuɗ kolo kay yam ɦinira ko ndal gugukka na. Suu daŋŋa tuɗ ga hu ɦuɗugumba may, ko suluk masina.

JEREMI 31:9

Asi mbay u tiina. Asi yi kolo ana, «Oora.» Ni an zuɗusiya. An tuɗusi hu ɦuɗugum mayra laɓi jivira, hu voɗta dewra ka sesi daɓ eg vaɗi. Gasi an mbuɗ ki ni bu Israel, Efrayimmi goron ma ŋgolna may.

VUN ŊGOLNA 18:14

Huu sana ma ana nam min kak iiriyana dorom tuguɗiira ki kamu. May sa ma may kak ma iirina ka kambina sa ma hin colom kolona ni gege?

VUN ŊGOLNA 15:15

Buu ma vi sa ma yoora halaŋŋi coo. Iirira vi sa ma ka furi tew tewna ka ni u ayra.

VUN ŊGOLNA 15:13

Huu ma ki jivina tak ki hu vok sana kiɗikki. Huu ma ɓalakina mbaa ay ni yoora hu ŋgus maŋga.

1 MULINA 21:4

Akab tuɗ vo wanni, hurum ki ɓeŋi coco kay boy ma Nabot ma Jizreelna damma ana, «An hin ka a ɦaŋ jo ma vi somoyonna kiɗi.» Nam buu kay lay mamma, pereɗ irim ha ki dogo na ɗow, ka min a ti vaɗi lay.

2 SAMUEL 17:23

Hu li ma Ahitofel wi ana sa ka li u gaɗ mambaɗi ni, nam ɗag tlena kay kor mamba, gi tam tuɗ vo varam hu ɦoŋzi mamma. Nam ɦal gaɗta maŋ suu varamma may ni, hin cuk delem ki zewna. Ŋgoo miɗ mamma asi tosom hu zulla vi bumba.

2 SAMUEL 13:4

Nam dam ana, «Goŋ mulnana aŋ mbuɗ ki hahawra maɗii na tew tew ni kay mege? Aŋ ka min a danɗi ni kay mege?» Amnon dam ana, «Tamar ta wayaŋ wayanna Absalomba hurun tinni kaɗu.»

URA TIN AYRA 30:1

Hu li ma Rasel wi ana ndaɗ ka vuɗ gooɗi ni, huruɗ mbuɗ li yowmusna eg wayaɗta. Ndaɗ di Yakob ana, «Ҥan gorra, kaɗi ni an miɗa.»

SOOLLA 38:18

An hin tok a ndi kaŋgara, kay lassa ka lan cocoo.

DI BOLLA 7:3

Mariyaɗ ni yoora jivi su sanda, kay hu li ma aŋ ka hu yoorana ni huruŋ kurufu furiya.

2 KORINTNA 7:9

Cecemi an ka li furira ni ka kay yoo magiraɗi kay yoo magira mbuɗugi a agi jok dlaagira agi laɗta zeɗ. Yoora mba kaki ndaɗta ni u minda vi Lona. Lini amiya ni lagi va ma co ka egegiɗi.