2 KORINTNA 6:4 - Boy Lonana

⁴ Ni na ɗow lini hu megelay ni ami tak ana ami ni suu sunda vi Lona. Wihawra li fami lay ni ami siɓimi u lalamba, lini hu haɗ huna lini hu yoora lay.

2 KORINTNA 6:4 ပူးပေါင်းရင်းမြစ်များ

2 KORINTNA 12:10

Ni kay ndaɗta an li furira kay maŋira, ŋgulla, wihawra, lassa, u yoora halaŋi an fasi ni kay sem Kristu kay hu li ma an maŋiya doyɗi ni anni saɓaki.

2 KORINTNA 4:8

Njaf lassa fami zeɗ zeɗ ŋgolo ni cami kaɗi, ami mbuɗ ndaa ŋgol lay ni hoŋ ka ki daganɗi.

2 KORINTNA 11:27

An li sunda loɓma u dlara nekka fan tew tew, an buu bay senna tew tew lay, mayra u laara can lay tew tew, ni an kak bay ti vaa, semeɗna can ŋgolo ka fi baraw ma cuk kaɗi lay.

2 KORINTNA 12:12

Sunda tak ana an ni sa vovoɗta gasi, tak ay ki dukugi ɗal ɗal asi takagi dlara sana ka waɗ uɗ ɗira u dlara mbuɗ mbuɗta.

2 KORINTNA 3:6

Sa ma mbuɗumi ndaki a suu sunda kay Galamba Wilira, ni ka u gaɗta ɓiiriraɗi, ni u Musukka. Gaɗta ɓiirira ci maɗna, Musukka ɦal iirira may.

1 KORINTNA 3:5

A ndaɗta ɗaŋŋi Apollos ni gege? Pol ni ge mayge? Ami ni suu sun Lona ɦawaa, mbuɗ ana agi vi Boy Lonana ni umiya. Ami halaŋ sana gege lini sun mamba Lona yam kaɗta,

JOEL 2:17

Duk ɦoŋ vun goŋga u givin ma togolla, muli suu li ɓivunna u suu ŋgolo suu sunda vi Yawena tii tasi huwa. Asi di ana, «Yawe wi hahaw suu maŋsina, mbuɗ jooŋŋa ki zolonaɗi a suuna pan suu maŋsinaɗi. Ka a suuna di duk tasi ana Loosina ni arageraɗi.»

WIRA ŊGAYRA 3:10

Kay aŋ humun boy manna aya vam u ɦiŋga, an hin goloŋ ko wihaw mayra hin mbay kay suu hu ndaŋgarana belna, a tuk suu kay ndaŋgarana halaŋ.

WIRA ŊGAYRA 1:9

Ni an wayagina Jaŋ ma taɓi u Yesuna, an min taɓ u agi hu wihawra may. U juɓpa juɓ Mul Lonara u lalamba lay, an ay kay daara yaɗ ana Patmossa kay an di Boy Lonana u gasira Yesu takaɗ kira.

1 KORINTNA 4:1

Agi golomi ni ko ami ni suu sunda vi Kristu suu di ki kay dlara ŋgayra vi Lonara.

HEBRENA 12:1

Lini kaygi aygiya ni suu di kaygina ŋgolo ŋguyuygi yaygiya. Buɗuygi taygi ki ko tlesuu ɓeŋeygi poy maygirana, u cora gaɓi egeygira, liŋiygi ni liŋ ma ŋgaɓi kaygi a liŋimma.

2 TIMOTE 4:5

Aŋ may ni kak a ŋgolla vi taŋga daŋ may vi wihawra kaŋu, li sun maŋga, di Boy ma Ayra, li sun maŋga a aŋ sa ma sunda vi Lonna halaŋ.

2 TIMOTE 2:24

Sa sunda vi Bu Suuna ka ɗeɗɗi. Nam mba lini sa ma suuna minim halaŋŋa, ndaki a haɗ suuna u lalamba.

2 TIMOTE 1:8

Li zolo kay a diki kay Bu Suuna maynaɗi, li zolo kan an saam ma daŋgaynaɗi lay, ni na ɗow ana vi wihawra kay Boy ma Ayra kaŋu u saɓak ma Lona ɦaŋŋana.

1 TIMOTE 6:11

Aŋ sana vi Lona hin dlara halaŋ wanda kiyo, hal ɗoɓira njun taŋ eg Lona u vira, minda, ɗilira, lalamba.

1 TIMOTE 4:6

Lini aŋ haɗ gorseŋŋa na ni aŋ hin mbuɗ ni sa ma sunda vi Yesu Kristu ma jivina ni tak ki ana aŋ ti tina vi Musukka u boyna vi vira, li wa na ni aŋ tuɗ ni u haɗta vi gaɗta gasi.

1 TIMOTE 2:15

Cara hin fi suɗta ni u vuɗta vuɗ gorra lini ndaɗ kak hu vira u minda u teteɗta, hoŋ yamba kaŋga lay.

1 TESALONIKŊA 5:14

Gorsenna ami gaɗagiya, neegi suu poy poyra cora, ɗiligi ii suu ka yoo tasina, njunugi u suu maŋina, lakagi ɗili u suuna halaŋ.

1 TESALONIKŊA 3:7

Gorsenna duk yoo mamira hu lassa, ami fi ɗil iira kay boy dla viigira.

KOLOSNA 1:24

Cecemi an li furira hu wihawra an ka faɗ kagira. Wihaw mayra an ka faɗ eg mbalatan wanda, ni an faɗ ki ni vun wihaw mayra li ka eg Kristu tuɗira kay mbalatamu. Mbalatam ni suu vi Kristuna.

KOLOSNA 1:11

Ami joɓomi Lona kay nam mba ŋgomogi u saɓak mamma bibiŋilna ni agi hin ndak siɓ tlena halaŋ u ɗigilla.

2 KORINTNA 11:23

Asi ni suu sunda vi Kristu su? Jiviya an di ko sa ma ka wi dlaɗina na an ni suusiya, an li sunda suusiya, an tew tew ay hu daŋgayna, an fi poŋga sen ŋgol suwa, an hin tok a miɗna miɗnara sen bolowo.

2 KORINTNA 11:9

Fali mayra an ka varagira wani sa ma njun un a ɦan gursu kaɗi, kay gorseygi suu ay Masedoinna ɦan tlesuu njun unna halaŋ kay ndaɗta an ŋgom tan gak gak tinigi nek manda ka kagiɗi an min tuɗ fok a ŋgom tuna gak.

2 KORINTNA 7:11

Gologi va ma agi lamma kay yoo ndaɗta ko Lona minda na. Agi saa kay dla ndaɗta, agi tin vun ndemma, agi mbuɗ yara, agi mbuɗ ndaana, agi min wanu, agi mbuɗ tagi feɗta, agi kaɓakŋa kay cora. Hu tle asina halaŋŋi agi tak ki ana agi li va ma co ka huɗi.

2 KORINTNA 4:17

Wihawra feɗta ka tuɗ kami cecem lay li kami ni bibiŋilla ŋgolla ka daɓ kiɗi, ndaɗ ŋgol saɓak su wihawra ndaɗta.

2 KORINTNA 4:2

Ami hin ŋgayra zolona kiyo, ami ka lami u hu ma conaɗi, ami ka tlumumi ii Boy Lonanaɗi. Ami takami ni gasira vi Lonara na ɗow, ami gaɗami suuna kay wiisira hurusira halaŋ fok Lona.

1 KORINTNA 9:11

Ami zaarami tlesuu ŋgussa hurugiya, lini ami feɗemi tlegeyegi suu hu duliyara tanna ni va ma ŋgol su?

ROMMA 16:10

Gi deɓ Apelles sa ma fi tukka kay viimba u Kristuna. Gi deɓ maŋ suu hu zina vi Aristobulna.

ROMMA 14:18

Sa ma sun Kristu ko ndaɗta nana nam ii Lona jiviya. Suuna saa kam jivi lay.

ROMMA 5:8

Aygi wi min mayra ŋgolla Lona takaygirara, Kristu miɗ kaygi ni hu li ma aygi ay jew ni suu cona.

SUNDA 20:34

Agi wi u irigi lay ana an li sunda ni u kon tanda, kay fi tlesuu njun u suu manna an tanda lay.

SUNDA 9:16

An hin takam wihawra nam hin faɗ kay senda halaŋ u tanda.»

SUNDA 2:22

«Agi suu Israelna humugi va ma an min daginana, Yesu ma Nazaretna nammi sa ma Lona takagi ŋgol mamba kina. Lona li dlara mbuɗ mbuɗta, u dlara ndandalla, u takka daŋga daŋga ko agi kay tagira wi u irigira na lay.

Boy Ma Ayra Ma LUK Ɓiirimma 21:19

Lagi tagi jiviya agi hin suɗ iiri magira ki ni na.»

JOEL 1:9

Ҥalla ɦawara u ɓivunna ki bulumi hu zira vi Yawera. Muli suu li ɓivunna u doona egesiya, suu sunda vi Yawe lay.

EZAYI 61:6

Agi tagira may ni suuna hin yagi ana, «Muli suu li ɓivunna vi Yawena.» Asi hin yagi ana, «Suu ŋgolo suu vi Loominana.» Agi hin ti begera vi njaf suuna ki halaŋ halaŋ. Agi hin ɦis tagi ki u tlegeyesiya.

2 KORINTNA 2:17

Ami ka ko suu may suu li paara u Boy Lonana naɗi, ni na ɗow Lona sunumi a di gasira ki fokomu ko suu sunda vi Kristu na.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

ROMMA 3:5

Lini cora aygi laɗta tak ana Lona ɗegeera ni aygi hin di ni ana mege? Lona lini co kay nam gaygi daŋgayna su? An ɓak na ni u saara vi suuna.