2 KORINTNA 5:10 - Boy Lonana

¹⁰ Aygi halaŋ hin mba ŋgaygi taygira hu ɓakŋa fok Kristu, kay gegelay mba fi va ma nam lamma, hu li ma nam ay hu mbalatam tuna, lini jiviya lini coo.

2 KORINTNA 5:10 ပူးပေါင်းရင်းမြစ်များ

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

WIRA ŊGAYRA 22:12

Yesu di ana, «Huma, an mbay cecem, an hin mba u warakŋa konu, an hin warak sana ni u sun mamba nam laɗta.

EFESNA 6:8

Humugi gagi kay gegelay, mbaɓuna ɗowba sa vuɗina, hin fi warak mamma ko Bu Suuna kay sunda nam laɗ jivira.

DI BOLLA 12:14

Sunda ay laɗta halaŋŋi Lona hin joɓ ki kaɗ dew dew bel. Ta ŋgayra halaŋ, lini ndaɗ jivi lay, co lay.

SOOLLA 62:12

Lona ni malaŋ saɓakŋa halaŋ. An huma nam di na ni ka sem dew ɦawaɗi.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

1 PIYER 4:5

Asi hin di ki kay dlaasira fok Lona ma tok a kaɓakŋa kay suu iirina u suu miɗina layna.

SOOLLA 98:9

fok Yawe kay nam ka mbaya ni kay a kak mulna kay ndaŋgara, ti kay suuna u gasira, ti kay ndaŋgara u ɗegeera lay.

SUNDA 17:31

Nam mba buu ma dew a kaɓakŋa kay suuna u ɗegeera ni u sa ma dew ma nam ŋgaɓamma. Nam tuk dla ndaɗta u colla nam colom kolo hu miɗna iirira.»

SUNDA 10:42

Nam cukumi ana ami di ki maŋ suuna halaŋ, dasi ana nammi sa ma Lona colom a kaɓakŋa kay suu iirina u suu miɗina.

JOB 34:11

Kay nam warak sana ni u sun mamba. Nam kaɓakŋa kay sana ni u poy mamba.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

DI BOLLA 11:9

Aŋ goozoŋŋa furi kay zoŋ maŋga. Huruŋ furi coco hu li ma aŋ bay mbuɗ maa tuna. Aŋ li ni dlara huruŋ miniɗ ta iriŋ jivira. Na may aŋ mba wi ki ana tle asina halaŋŋi Lona hin kaaŋ ɓakŋa kaŋu.

EZEKIYEL 18:30

Kay ndaɗta agi suu Israelna gegelay ni an hin kaam ɓakŋa kam ni u voɗ mamba nam tlaɗta. Di ni Bu Suuna Yawe. Hoŋogi aya, hinigi dlaagira co ndaɗta ha kiyo. Hinigi dlara zuɗugi a li dla cora egegi oloɗi.

1 MULINA 8:32

aŋ ha kolo huulona day ni hum haa, gi ii dlara ay duk suu sun maŋsina. Sa ma dlara vamma coomba hin do ni kay duu duu yamu. Sa ma ɗegeena hin li ni u ɗegee mam ndaɗta may.

URA TIN AYRA 18:25

Aŋ ka ndak a li naɗi, suu ɗegeena u suu cona aŋ ka ndak a baasi ki ko tasi dewɗi. Aŋ li u suu ɗegeena ko suu cona su? Aŋ ndak a li naɗi. Sa ma kaɓakŋa kay suu kay ndaŋgara halaŋŋa hin li ni u ɗegee mam ndaɗtaɗi su?»

1 MULINA 8:39

aŋ may ni humusiya. Bulumusi coosira kiyo. Aŋ, Yawe, Lona ma ay kolo huulona dayna mbay njunusiya. Aŋ li gegelay ni u poy mamba kay ana aŋ wam hurumu. Aŋ dew ni sa ma wi huu suuna ki halaŋŋa.

1 SAMUEL 2:10

Yawe, suu babali mamsina hin miɗ kiyo. Ay kolo huulona day ni nam hin ŋgoɓosiya. Yawe hin kaɓakŋa kay ndaŋgara halaŋ. Nam hin ɦal saɓakŋa maŋ mul mamma. Nam hin tli yam saam ma suɗta koloo.»

ROMMA 6:19

An ɓak boy namma ko suuna halaŋ ɓaka na kay maŋi magira suu warna. Ay jew ni agi hin tagi a mborɓiina vi sunda cora u bay ɗegeera, u sunda cora agi poy ni hu dlara ka u voɗoɗɗira, na may cemi agi hin tagi halaŋ a mborɓiina vi sunda ɗegeera, a poy poyra teteɗta.

1 SAMUEL 2:3

Hoŋogi dlara bay uɗta na hoŋ hoŋgi. Ko boy ma cona kal ay ki funugiɗi. Yawe ni Lo ma wi dlara. Nammi sa ŋga nek dlara.

2 KORINTNA 7:3

An di na ni kaagi ka ni ɓak kagiɗi. Kay agi ka ni hurumi kurufuwa, lini miɗ ni miɗi lay, li ni kak iiri lay aygi ni ko taygiya.

ROMMA 2:16

Ni va ma Lona hin kaɓakŋa kay suuna u Yesu Kristu u tlesuu ŋgay huu suuna halaŋ ko Boy ma Ayra ma an ka dam wanna dira na.

HEBRENA 9:27

Suuna halaŋ ki ŋgaɓi a miɗ sesi dew, ŋgoo dagan ni kaɓakŋa vi Lona may.