2 KORINTNA 4:8 - Boy Lonana

⁸ Njaf lassa fami zeɗ zeɗ ŋgolo ni cami kaɗi, ami mbuɗ ndaa ŋgol lay ni hoŋ ka ki daganɗi.

2 KORINTNA 4:8 ပူးပေါင်းရင်းမြစ်များ

2 KORINTNA 12:10

Ni kay ndaɗta an li furira kay maŋira, ŋgulla, wihawra, lassa, u yoora halaŋi an fasi ni kay sem Kristu kay hu li ma an maŋiya doyɗi ni anni saɓaki.

2 KORINTNA 7:5

Hu li ma ami mba hu Masedoin wanni fami koɗta ka hu na ndeɗi, ami fami wihawra ŋgolo. Njogoɗ ko tammi u suu daŋŋa, ndaana hurumi coco lay.

SOOLLA 37:33

Na may Yawe ka hinisisina kasiɗi, nam ka hin a kaɓakŋa kay sa ma ɗegeenaɗi.

Boy Ma Ayra Ma JAŊ Ɓiirimma 14:18

«An ka hinigi kay tagiɗi. An hin hoŋ ay egegiya.

1 KORINTNA 10:13

Ndemba agi waɗ halaŋ wanda li ay ni eg suuna gasi, Lona ka hin va ma nam damma ki ɦawaɗi, nam ka hinigi ndemba mba su kay saɓakagiɗi, hu li ma ndemba mba kakina wanni nam hin ɦagi saɓakŋa agi mba su kaɗu. U dlara agi hin mba puruɗ tagi ki koɗta lay.

2 KORINTNA 6:4

Ni na ɗow lini hu megelay ni ami tak ana ami ni suu sunda vi Lona. Wihawra li fami lay ni ami siɓimi u lalamba, lini hu haɗ huna lini hu yoora lay.

VUN ŊGOLNA 14:26

Saɓak ma ŋgol cocona ka hu ndaa ma lam u Yawena. Kay goryommi nammi li ma ŋgayra.

1 SAMUEL 28:15

Samuel di Sol ana, «Aŋ loɓon tan a an kal ay ki kolo ni kay mege?» Sol di ana, «An u saara ŋgolla kan cocoo. Suu Filistinna ka duu u anu. Lona ɦuɗ tam ki egen na day, nam hoŋon dira ka oloɗi lay, ka fun suu jok vun Lonaɗi lay, ka u doyra diraɗi lay. An yaŋ ay ni kay a aŋ takan dlara an hin laɗta.»

1 SAMUEL 30:6

David mbuɗ ki hahaw cocoo kay ana suuna ɓak ana hin cam ki u gogoyra. Gegelay ni hurum haɗ cocoo, saa kay goryom suu njufiina u suu gorɓiina. Na may David hin fi so ura ni u Yawe, Loomma.

VUN ŊGOLNA 18:10

Sem Yawe ni zi mayra mini eŋ coco ta ŋgayra. Suu ɗegeena ŋgay tasi huwa ni suɗ kiyo.

1 SAMUEL 31:4

Sol di gogoo mam ma sunda ana, «Tli ŋgew maŋŋa, can kiyo, kay suu ɗiwisi ka cawiɗina mbay can asi a pananɗi.» May gogoo mam ma sunda min kaɗi kay ana nam mbuɗ ki ndaana cocoo. Na ɗaŋŋi Sol paɗ ŋgew mamma, gi tam funumu.

SOOLLA 129:2

Ay u zoŋ tan day ni tew tew asi ka duu u anu, na may asi ka ndak a su kanɗi.

EZAYI 40:31

Na may suu hin tasi kay Yawena hin fi saɓak ma wilina, asi hin mbuɗ ni ko bakŋa na, asi tuɗ fok na ɗow ɗow ka mbuɗ maŋiɗi. Asi huɗ tasi foko ka loɓ kiɗi lay.

HABAKUK 3:17

Gasi, tulumma ka vuɗ oloɗi, ŋgusu gugutlura ka li va ma gasi oloɗi, zum senena mbuɗ ganyamba, sa ka fi va ay hu senena a tiraɗi, yoori suu gorina viɗ kiyo, yoori suu ŋgolona ka coli vun bulla oloɗi.

2 KORINTNA 6:12

Ami hurumi ka egegi dugiɗi, agi ni suu dug hurugi egemina.

GALATENA 4:20

An min a tuɗ ha dukugiya hu li namma an min jok boy manna ɓakŋa zeɗ kay tan lan ndaana kay boy magina.