2 KORINTNA 4:7 - Boy Lonana

⁷ Ami suu ka u begena vi Musukka komina, ami ni ko doy luɓuna na, kay sana wi ki ana saɓak mami ma mbuɗ mbuɗta namma col ay ni ko Lona ka komi amiɗi.

2 KORINTNA 4:7 ပူးပေါင်းရင်းမြစ်များ

2 KORINTNA 5:1

Aygi wi anaba zira aygi ka kagi huruɗ wanda, ni di ana mbalatay ta hu ndaŋgara wanda, ɓalak ki lay ni Lona miniygi zina ha kolo ni zi ma nam minim u tambana kak din din ka daɓ kiɗi.

1 KORINTNA 1:28

Lona man dlara suuna panaɗ hu duliyara tanda gol irisi ko va lalas nara, kay ɓalak tlesuu irisi ndaki garaŋŋa kiyo.

KOLOSNA 2:3

Tlesuu ɦizza halaŋ ka ŋgay hurumu ni di ana nera u wira suu ay vi Lonna.

YOORA 4:2

Goryoŋ Siyon suu jivi cocona, suu gususi loɓma ko ndal lorra na na, ni nana asi hin ndumusi ki ko ndal doyogi luɓuna suu sa min doyogina minisi u komba na ni ge.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

EFESNA 3:8

An ni sa ma kaɗaki duk njafna vi suu vi Lonana halaŋ ko ndaɗta na lay ni Lona ɦan a di Boy ma Ayra vi ɦizza bay daɓpa vi Kristu maŋ suu ka njaf suu Juifnaɗina.

2 KORINTNA 10:10

Gola va ma suuna ka damma ana, «Magara vi Polla eŋ cocoo loɓ ɦay lini nam mba dukuygi u tamba wa ni nam maŋiya, boy mamma damma hahaw ŋgolo.»

MATIYE 13:44

«Mulla huulonara tli taɗ ki ko begera ŋgay duk senenara na. Sa ma dew faɗ fi ni, hoŋoɗ ha ŋgayra. Hurum furi cocoo. Nam tuɗ gus tlegeyem ki halaŋ, hoŋ ay gus sene namma gaw.»

2 TIMOTE 2:20

Hu zira ŋgolla ni tlesuu li tina ni ka suu lor u kawina doy holɗi, tlesuu guna u luɓuna ka lay. Ma jewna tinimmi kay luu ma ŋgolla. Hiŋŋa ŋgaɓi ni kay sunda hu buuna tew tewra may.

2 KORINTNA 4:1

Lona u jivi mamba ɦami sunda ni namu, ni kay ndaɗta ami ka mbuɗ maŋiɗi.

KOLOSNA 2:12

Hu li ma agi fi mbussa batemma ni agi pagi tagi gaa u Kristu, agi paɗ ki kolo ni u namu, kay agi vi u saɓakŋa vi Lona ma paɗam ki kolo hu miɗna iirina.

JOB 4:19

Gol ko suu warna suu nam minisi u luɓuna ɦawana su? Mbalata sana ni luɓuna ɦawaa. Nam ndak a ɦadlam ki ni ko ndal pipira ɦawa na.

1 TESALONIKŊA 1:5

Kay Boy mami ma Ayra tewegi ka ni u boyna ɦawaɗi, ni u saɓakŋa u Musuk Lonara u gasira ŋgolla. Agi wi lay ami ay dukugi vi tami ni kay boy magina.

EFESNA 2:5

Hu li ma aygi ay miɗi fok Lona kay cooygira, nam hoŋ mbuɗuygi iiri hu Kristu, u oora vi Lona agi suɗ ki ni na.

2 KORINTNA 13:4

Nam ay ki ɓali kolo hu gu ma garakŋa ni kay maŋi mamba, nam ka iiri u saɓakŋa vi Lona. Hu taɓpa u namba ami ni maŋi may, u lira ami ka li u agira ni ami kak iiri u nam hu saɓakŋa vi Lona.

SUU KAƁAKŊA 7:2

Yawe di Gedeon ana, «Suu uŋ wanna kal bolow coco a an hinisi suu Madiyanna kosira, li wa na ni suu Israelna hin ŋga tasi ana, ami dik suuna ni u saɓakamiya.

2 KORINTNA 6:10

Asi lami dlara yoora egemi ŋgolo ni ami ka furi tew tew, golomi ko suu hawra na ni ami ɦizi u suuna, ami gol ko ka fi vaɗina ni a gasira tlena ka komi halaŋ.

MATIYE 13:52

Nam dasi ɗaŋ ana, «Agi gola, ni kay ndaɗta sa wi magaara gaɗta mbuɗ ki sa haɗina hu Mulla huulonara mbuɗ ni, ko malaŋ zina vaa ii tlegeyem suu wilina ki may, suu basina ki mayra na.»

JOB 10:9

Humuŋ gaŋu, aŋ mininni u luɓuna, aŋ kalan ay ki ni duk gugum ndaŋgara ɦawaa.

JOB 33:6

Gola fok Lona anni sana ko aŋ na may. Lanni u luɓuna may.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

1 TESALONIKŊA 4:4

Dukugi ni gegelay mba haɗ yal ma ɗum cara a kak u ndaɗ teteɗ ɗegeena.