2 KORINTNA 4:6 - Boy Lonana

⁶ Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

2 KORINTNA 4:6 ပူးပေါင်းရင်းမြစ်များ

EZAYI 60:2

Ndufunda kuluɓ duliyara ki halaŋ, njeŋgera ka ki kay njaf suuna halaŋ. Na may kaŋ aŋ taŋga ni Yawe ka ɓo kiɗik mamba, bibiŋil mamba ka tak ki kaŋu.

URA TIN AYRA 1:3

Lona di ana, «Ko kiɗikka liya!» ndaɗ li gaw.

1 PIYER 2:9

Agi ni njaf ma manam kina, suu li ɓivunna vi mul ŋgolna, deera teteɗta, suu vi Lonna. Managi ay kini a di ki kay sunda jivira vi Lona, taɗagi ay ki hu ndufunda a mbaaragi ki hu kiɗik mamba jivira.

2 PIYER 1:19

Ami wi gasi boy ma suu jok vun Lona damma, agi wi ki jiviya. Nammi ko lamba weleɗ duk ndufunda na gak gak lina fo kiyo, u ciciwra maɗiira ɓoroŋ lina hurugiya.

EFESNA 5:8

Agi li ay jew ni hu ndufunda, cecemi hu taɓ magira u Bu Suunara agi mbuɗ ni hu kiɗikka, ni kay ndaɗta poyogi ko suu hu kiɗikkana na.

2 KORINTNA 4:4

Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

EZAYI 40:5

Bibiŋilla vi Yawera hin tak kiyo, suuna hin waɗ ki u irisiya. Tlesuu iirina halaŋ hin waɗu, ta vun Yawe ɓak kaɗta.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

Boy Ma Ayra Ma JAŊ Ɓiirimma 11:40

Yesu hin daɗ ana, «An li dak ay ana, ndak li tin huruk kanu ni, ndak hin wi saɓak ma vi Lona tuwa naɗi su?»

EZAYI 45:7

An li kiɗikka ni anu, ndufunda laɗ ni an lay. An mba furira, hin mba hahawra ni an lay. An Yawe li dla ndaɗta halaŋŋi anu.

KOLOSNA 1:15

Kristu, ma suuna wam u irisina, tli tam u Lona ma bay sa wam u irimma, nammi gorom ma jewna, ŋgol su tlesuu nam lasina halaŋ.

EFESNA 1:17

An joɓ Lona vi Bu Suuna Yesu Kristu, mala ŋgolla, a nam ɦagi Musukka hin a takagi dlara ŋgayra vi Lona a agi hin wi Lona ki jivi suwa.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

SOOLLA 90:16

Ko sun maŋga aŋ laɗta li ki kiɗik ii suu sun maŋsina, tak bibiŋil maŋga ki maŋ goryosiya.

SOOLLA 63:2

Lona, aŋŋi Loonna, maɗii feɗet ni an ka halaŋu, ŋgus manda ka halaŋu, tliwin ka loɓmi kaŋu, an ka ki duk gura, say ki wa, laara can lay.

1 PIYER 1:12

Lona tak ki maŋ suu jokom vunumma ana boy ma asi damma ni ka masi kay tasiɗi, ni magi agiya. Boy namma agi humum ki cecemi namu. Suu di Boy ma Ayra dam ki u saɓak Musuk Lonara ta sunuɗ ay kolo huulona, asi dagina ni namu. Suu sunda huulona min a wi boy namma lay.

FILIPINA 2:6

Nam ma ay ko tam u Lona day dayna, hal dla mayra ŋga tam u Lona kaɗi.

Boy Ma Ayra Ma JAŊ Ɓiirimma 12:41

Ezayi di na ni kayra nam wi ŋgolla vi Yesura, nam ɓakŋi kamu.

SOOLLA 74:16

Faalira ni maŋga, njeŋgera ni maŋga lay, aŋ nja ciciwra u tilna hu liisiya.

Boy Ma Ayra Ma LUK Ɓiirimma 10:22

«Tlena halaŋ Bun ɦansina ni konu. Sa ka wi Goŋ Lonnaɗi, wammi Bun doy hol. Sa ka wi Lonaɗi, wammi Gorom u suu nam hin takasina kina.»

EZAYI 35:2

Ko asi halaŋ ɓoo, asi weɗ koloo, luura, sawalla furira. Bibiŋilla vi gu ma Libanna ɦasira ki wa. U ŋgolla vi ɦinira Karmella ura Saronda lay. Suuna hin wi bibiŋilla vi Yawe wi ŋgolla vi Looyginara.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

1 KORINTNA 12:8

Sa maari Musukka ɦam boyna u nera, ma daŋŋa ndaɗ ɦam boyna u wira.

2 KORINTNA 2:10

Sa agi heɓ hurugi ki egemma an hurun ni heɓi may. Lini an heɓ hurun ki wa eg saani ko an hin va ma namma ki wa, ni an li dla ndaɗta ni kagi fok Kristu.

EFESNA 1:18

An min ana agi fagi kiɗikka hurugiya, kay a agi mba li a suu Lona yagi ay agi ka juɓumma, agi mba wi va ma ŋgol ma hu jona ma nam hinim maŋ suu mammana.

1 TESALONIKŊA 2:12

Ami gaɗagiya, soogi hurugiya, ami cenegi ana poyogi jivi ko Lona minda na. Nam ma yagi ay hu mul mamba u bibiŋil mambana.

HEBRENA 6:4

Suu may suu hoŋ ndi kaŋga hu iiri mayra corana hin lini ana mege? Asi fi kiɗikka vi Lona ki lay asi juk ɦala kolora ki lay, ura vi Musuk Lonara ki lay.