2 KORINTNA 4:5 - Boy Lonana

⁵ Ami ka ɓak boyna ni kay tamira gawɗi, ami di boyna ni kay Yesu Kristu Bu Suuna, ami di kay tami ana ami ni suu sun masira kay sem Yesu.

2 KORINTNA 4:5 ပူးပေါင်းရင်းမြစ်များ

MATIYE 23:8

Agi may ni, sa yagi ana malayaŋ haɗtana na koɗi. Mala Haɗta ni dew daŋ. Agi halaŋŋi gorse tagiya.

MATIYE 3:11

An mbusugi batemma duk yona a tak ana hurugi mbuɗ ki zeɗ. Sa ma mbay ŋgoron daganna, hin mbusugi batemma u Musuk Lonara, u kura may, kay dlam ŋgol suunu. An ndak ka a ziirim tuɓuru mammaɗi lay.

Boy Ma Ayra Ma JAŊ Ɓiirimma 7:18

Sa ɓak kay tam u saɓak mamma na, hal ni geleɗ mamba kay tamu. Sa li sunda a suuna geleɗ sa sunum ayna di ni gasira. Va kaboy ka huɗi.

SUNDA 10:36

Lona sun boy mamma ay maŋ suu Israelna, nam dasi Boy ma Ayra ana heɓpa ni hu Yesu Kristu nam dew ni Bu Suuna vi suuna halaŋ.

SUNDA 2:36

«Lini nanagelay ni suu Israelna halaŋŋi wam ki gasi, ni Yesu ma agi ɓalam ki hu gu garakŋana Lona mbuɗum Bu Suuna lay Sa Lona Fuurumma lay.»

SUNDA 5:31

Lona tlam kakam kay bikim ma njufna tinim a mulna, a Sa Suɗta a ɦal voɗta maŋ suu Israelna asi jok iiri masira ki zeɗ, a Lona hin bulumusi coosira kiyo.

1 KORINTNA 1:23

Hu li ma ami di boyna kay Kristu ɓali hu gu ma garakŋa, boy namma kay suu Juifna ni va ma daɓasi sesina, kay njaf suu daŋŋa ni va ma laɓana may.

1 KORINTNA 10:33

Lagi ko an na an hal ana an a li jivira maŋ suuna halaŋ u tlena halaŋ, an ka halni jivi manda kay tanda ɦawaɗi, jivira kay suuna halaŋ kay asi mba suɗ kiyo.

1 KORINTNA 12:3

Ni kay ndaɗta an min ana agi wagi u boy namma kiyo, sa ma ana nam u Musuk Lonara hurumuna ka di ana, «Yesu ni ma ki baayna,» naɗi, sa ma di ana, «Yesu ni Bu Suuna,» bay Musuk Lonara hurumbi.

1 KORINTNA 15:47

Adam ma jewna minim ay ni u gugum ndaŋgara, Adam ma mbana mbay ni kolo huulona.

1 KORINTNA 2:2

Buu ma an buu ay varagina an min ana an wi va ma daŋ dukugiɗi, va ma an minim ŋgolna ni ana Yesu Kristu ɓali hu gu ma garakŋa doy hol.

1 KORINTNA 4:15

Lini suu haɗagi kay Kristuna ka bup bup doogo lay, bugi ni dew daŋ, kay iiri magira hu Yesu Kristu an mbuɗ a bugi ni anu kay an mbaaragi Boy ma Ayra.

1 KORINTNA 8:6

Irigi aygi ni ay wi ana Lona ni dew, Buy ma li tlena belna, aygi kak iiri ni um nam lay, Bu Suuna ni dew, Yesu Kristu tlena halaŋ ka ni kom namu, aygi kak iiri ni um lay.

2 KORINTNA 1:19

Yesu Kristu, Goŋ Lonna ma Silas dagi kamma, ami ha Timote mbani kay «Ҥaara» u «Kaɗiraɗi.» Maŋ Lona kini na ɗow ana «Ҥaa.»

2 KORINTNA 1:24

Ami ka hal a ɦeɓegi kay vira ɦeɓiɗi, kay agi ka hu vira saɓaki, ami min li sunda u agi kay jivi maygira.

GALATENA 5:13

Gorsenna yagi ay ki ni ana agi li ki buɗiya hin buɗ magira a mbuɗ ki va ma co u min magira ɦawaɗi, ni na ɗow ana lagi u minda kay sun tagiya tagiya.

FILIPINA 1:15

U saa manda ni suu daŋŋa dukusi ɦiw di boyna vi Kristu ni u honira ɦawaa u saara jerekekŋa, suu daŋŋa ɦiw di boyna jivi may.

FILIPINA 2:11

Kay vun suuna halaŋ mba di ana, Yesu ni Bu Suuna, ŋgolla vi Lona Buna egemu.

2 TIMOTE 2:10

Kay ndaɗta an ka siɓ dla ndaɗta halaŋŋi jivira kay suu Lona manasina, kay asi mba fi suɗta hu Kristu Yesu may, u ŋgolla ka daɓ kiɗira.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.