2 KORINTNA 4:4 - Boy Lonana

⁴ Asi ka ndak a viɗi kay lo ma co ma hu ndaŋgara tanina kuluɓusi yal masina ki wa. Lo namma doorosi kay a wi kiɗikka vi Boy ma Ayra ma tak ki kay bibiŋilla vi Kristura, ma tli tam u Lonna.

2 KORINTNA 4:4 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 12:40

«Lona mbuɗusi irisi ki dugiya, nam mbuɗusi neesira ki kaŋga a irisi wiɗira, a humusi humbi lay, a asi hoŋ irisi ay egen a an suɗusi kiɗi lay.»

2 KORINTNA 3:14

Yal masina ndak ay ka a hum u boy nammaɗi, hu li ma asi ndum galamba basira ni yam yal masina namma hoŋ kuluɓ olo gak gak karami asi bay wam tuwa, nam hin tak ki jivira ni ii sa ma taɓi u Kristuna.

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

EZAYI 6:10

Mbuɗ saa suu asina ki giniŋga, ŋgelesi humusi kiyo, dugusi irisi ki ka wiɗi may. A asi hum u humusiɗi, ka hurusi a saa dlaɗi lay, asi ka ndak a hom ki a garaɗ tasi kiɗi lay.»

1 JAŊ 5:19

Aygi wi ana aygi ni vi Lona, duliyara hin halaŋŋi hu duk ko Sa Cona may.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

EFESNA 2:2

Agi ay poyogi jew ni ko suu hu duliyarana lira na, agi humugi ni u saɓakŋa vi mul ma hu semeɗnana, ŋgussa ndaɗta huu suu ka hum u Lonaɗina ni ndaɗu.

EFESNA 6:12

Kay aygi ka njogo tay a duu taygi ni u suunaɗi, duu taygi ni u saɓakŋa vi fuli suu co suu ha kolona, asi ti mulla u saɓak masina a maliyaŋ duliyara hu ndufunda.

Boy Ma Ayra Ma JAŊ Ɓiirimma 12:31

Cecemmi, suu hu duliyara wanda ii ɓak masina hin ka kiyo. Cecemmi mul ma hu duliyara hin a dik ki lay.

Boy Ma Ayra Ma JAŊ Ɓiirimma 8:12

Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

Boy Ma Ayra Ma JAŊ Ɓiirimma 12:35

Yesu dasi ana, «Kiɗikka ka dukugi tuwa a kak ew ɗaŋ. Tuɗugi huruɗu a ndufunda fagiɗi. Li tagi jiviya, sana tuɗ hu ndufunna ni ka wi li ma nam tuɗ hunaɗi.

Boy Ma Ayra Ma JAŊ Ɓiirimma 14:30

Cecemmi, an hin ka ɓak u agi ŋgol oloɗi. Mul ma hu duliyarana mba wa. Saɓak mamma ka tew egenɗi.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

KOLOSNA 1:27

Lona min a takasi ɦizza u jivira vi dlaamba ŋgayra kiyo, maŋ suu mamsina duk njaf suuna halaŋ. Dlaamba ŋgay ndaɗta ni ana, Kristu hurugiya ka ɦagi saara eŋga kay agi hin fi ɓorow magina hu bibiŋil Lonara.

KOLOSNA 1:15

Kristu, ma suuna wam u irisina, tli tam u Lona ma bay sa wam u irimma, nammi gorom ma jewna, ŋgol su tlesuu nam lasina halaŋ.

1 JAŊ 2:8

Na ni an ɓiirigi ni gaɗta wilira, gaɗ ndaɗta tak gasi maɗta ki ni eg Kristu egegi may, lii ndufunna jak ki wa kiɗikka hin ni ndaɗu.

FILIPINA 2:6

Nam ma ay ko tam u Lona day dayna, hal dla mayra ŋga tam u Lona kaɗi.

Boy Ma Ayra Ma JAŊ Ɓiirimma 1:14

Boyna mbuɗ ki sana, kak dukuygiya, nam ka u oora u gasira coco may. Nammi goo ma dew ma ami wam bibiŋil mamba col ay vi Bumba.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

TITTA 2:13

Ndaɗ haɗay kay ay mba kak iiri a juɓ u furira hu buu ma ay ka saa kamma. Ni hu buu ma bibiŋilla vi Lona ma ŋgolna, u Sa Suɗta Yesu Kristu hin mbana.

Boy Ma Ayra Ma JAŊ Ɓiirimma 16:11

Asi viɗ tasi kay ɓakŋa vi Lona ni kay mulna vi duliyara ɓakŋa ki kaay kam da.

2 PIYER 1:19

Ami wi gasi boy ma suu jok vun Lona damma, agi wi ki jiviya. Nammi ko lamba weleɗ duk ndufunda na gak gak lina fo kiyo, u ciciwra maɗiira ɓoroŋ lina hurugiya.

2 KORINTNA 3:11

Lini va ma kak ew daŋŋa ay bibiŋil cocoo, ma ka daɓ kiɗina bibiŋil mamba mba li suwa.

1 KORINTNA 10:20

Ҥawaa an di na ni kay suu bay vina li ɓivunna ni maŋ fulina, ka maŋ Lonaɗi. An ka min ana agi taɓ u fulinaɗi.

Boy Ma Ayra Ma JAŊ Ɓiirimma 12:45

Sa wanna wi ni sa ma sunun ayna may.

Boy Ma Ayra Ma JAŊ Ɓiirimma 15:24

Lini an ka li dlara bay sana laɗta dukusiɗi ni, asi ka wi coosiraɗi. Cecemmi, asi wi dlara an laɗta, asi lami gonokka ni an may, Bun may.

Boy Ma Ayra Ma JAŊ Ɓiirimma 1:18

Sa wi Lona kaɗi, gorom ma dew ma ka eg Bumma, nammi Lona may, takayna ki ni namu.

SOOLLA 50:2

Ay hu Siyon, li ma jivi pasiyakŋa, Lona ka weleɗ ay huwa.

1 TIMOTE 1:11

Haɗta ndaɗta faɗ ki ni hu Boy ma Ayra ma ɦanna ki nana, Boy ma Ayra ma di ki kay Lona ma bibiŋilna ma sari jivira.

1 MULINA 22:22

Ŋgus ndaɗta hoŋ dira ana, An hin tuɗ mbuɗ tan ki a ŋgussa kaboyna, kal ay ki fun suu mam suu jok vun Lona halaŋ halaŋ. Yawe hin daɗ ana, Ndak tuɗ ganam yamu, voɗta ka kay ndak a tuɗ ganam yamba. Tuɗa i li ko ndaɗta na.

MATIYE 13:22

Ii njaf ma ndi duk wayara ni, suu hum Boy ma vi Lonna hummi, hurusi ki tinni kay tlesuu hu duliyarana, begera mbaɗasi hurusiya. Tlesuu asina muruɗusi Boy ma vi Lonna ki hurusiya. Boy namma zul ka hurusiɗi.

SUNDA 26:23

Ana Sa Lona Fuurumma hin wihawra, nammi sa ma hin coli kolo hu miɗna iiri jewna. Nam hin di ki kay suɗta ɗal ɗal maŋ suu mamina u njaf suu daŋŋa lay.»

2 KORINTNA 2:11

Ka a hin Satanna su kaygiɗira wanni, kay dlaamba ka iriygi viɗiɗi.

2 KORINTNA 2:12

Hu li ma an tew Troas a di Boy ma Ayra vi Kristu, u oora vi Bu Suuna an fi voɗta a li sunda.

GALATENA 1:4

Kristu ɦal tam ki u min mamba kay a suɗuygi ki hu cooygira, a buɗuygi ki hu duliyara co wanda, u minda vi Lona ma buygina.

HEBRENA 6:4

Suu may suu hoŋ ndi kaŋga hu iiri mayra corana hin lini ana mege? Asi fi kiɗikka vi Lona ki lay asi juk ɦala kolora ki lay, ura vi Musuk Lonara ki lay.

1 JAŊ 2:11

Sa ka li babalira u wayammana nam tuɗ ni hu ndufunda nam ka wi li nam ka tuɗ hunaɗi, kay ndufunda dugum irim kiyo.