2 KORINTNA 4:16 - Boy Lonana

¹⁶ Ni kay ndaɗta ami ka mbuɗ maŋiɗi. Lini mbalatami ka ɓalak ki hu buuna tew tew lay, mbalatamira ŋgussa ka mbuɗ wili hu buuna tew tew may.

2 KORINTNA 4:16 ပူးပေါင်းရင်းမြစ်များ

EZAYI 40:31

Na may suu hin tasi kay Yawena hin fi saɓak ma wilina, asi hin mbuɗ ni ko bakŋa na, asi tuɗ fok na ɗow ɗow ka mbuɗ maŋiɗi. Asi huɗ tasi foko ka loɓ kiɗi lay.

KOLOSNA 3:10

Kay mege agi cukugi sa ma wilina ki kagi wa, sa ma wilina mbuɗ ha fok wili na tew tew tli tam ko Lona ma minimma na, gak gak nam wi Lona ki gasi.

EZAYI 40:29

Nam ɦal saɓakŋa maŋ suu mbuɗ ki maŋina, nam so u sa ma saɓakam kaɗina.

ROMMA 12:2

Tlumugi tagi u dlara vi suu hu duliyaraɗi, hinigi Lona pereɗegi u mbuɗta gasira zeɗ u yal magina halaŋ, li wa na ni agi hin wi tlesuu Lona min a ay lasina, tlesuu jivina, tlesuu teteɗna, tlesuu pasiyakŋa.

2 KORINTNA 4:1

Lona u jivi mamba ɦami sunda ni namu, ni kay ndaɗta ami ka mbuɗ maŋiɗi.

SOOLLA 73:26

Lini tan mbuɗ maŋi lay, hurun mbuɗ maŋi lay, aŋ, Lona, ni saɓakanu, ni vaan ma an famma.

EFESNA 3:16

An joɓ Lona u ɦizza vi ŋgol mamba a nam mba ɦagi saɓakŋa u eŋga u Musuk mamba hurugiya.

ROMMA 7:22

Hurun anni an li furira kay gaɗ Lonara.

TITTA 3:5

nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira.

SOOLLA 27:13

An wi ki gasi ana an hin kak iiriya, an hin wi tlesuu jivi suu vi Yawena wi li ma suu iirina ka huna.

1 PIYER 3:4

Jivi magira li ay ni hurugi kurufu na ɗow, jivi ndaɗta lini ta bay panda, u lalamba, ndaɗta ni ta ii Lona jivi cocora.

EFESNA 4:23

Agi mbuɗugi tagi ki wiliya humugi u Musukka u saa magira halaŋ.

1 KORINTNA 15:58

Kay ndaɗta gorsenna lakagi eŋe geŋeɗɗi. Lagi tagi feɗ a li sunda vi Bu Suuna, kay mege agi wi ana sunda agi laɗ taɓi u Bu Suunara ka ki ɦawaɗi.

SOOLLA 51:10

Hinin an hum soolla furira u ayra, hin sokon ma aŋ kusum kina furiya.

2 KORINTNA 12:15

Lini anu ni an bas tlegeyen ki halaŋ min bas tanda ki fun lay kay a njun ugiya, lini an minigi ŋgol ko ndaɗta na min magira agi mininda hoŋ ki dagan su?

Boy Ma Ayra Ma LUK Ɓiirimma 11:3

Ҥami ti ma ami tam hu buuna tew tewna.

SOOLLA 119:81

An loɓ ki coco ko juɓpa an ka juɓuŋ suɗ maŋgara. An saa ni kay boy maŋŋa.

JEREMI 45:3

«Aŋ di ana an ki mbuɗi hahawi, Yawe waɗan ay kay waɗta an faɗ ki jewra. An ki loɓi ko oyra an oy tanda. An ka fi li ma koɗ tanɗi.

1 PIYER 4:14

Lini asi ŋgulugi lay furiyugiya agi ni suu haɗina vi Kristu kay Musukka Bibiŋilla, Musuk Lonara mba kak kagiya.