2 KORINTNA 3:7 - Boy Lonana

⁷ Gaɗta ay ki ɓiiri u boyna dew dew kay ɦinira beɗira, bibiŋilla vi Lonara ay ki taki hu li namma. Hu li namma suu Israelna ka ndak a gol ii Moizɗi kay irim weleɗa, naɗaŋŋi weleɗ mayra ndaɗta ka oloɗi. Bibiŋilla vi gaɗta mbay ni na a li ni sun maɗta ci maɗna,

2 KORINTNA 3:7 ပူးပေါင်းရင်းမြစ်များ

1 KORINTNA 13:10

Ma gasina mba wa ɗaŋŋi tlesuu ka u voɗosiɗina hin daɓ kini na gaw.

ROMMA 10:4

Kristu mba tin kini gaɗta vi Moizza hu liiɗu, kay a suu vina halaŋ mbuɗ ki ɗegee fok Lona.

KALKIRA 31:18

Hu li ma Bu Suuna daɓ boy mamma njaɗta maŋ Moiz ay kolo kay Ҥinira Sinayra daɓmi, nam ɦam ɦinira ceɗira mba' ta gaɗta ɓiiri kaɗta, ta Lona u tamba ɓiiriɗ ayra.

2 KORINTNA 3:6

Sa ma mbuɗumi ndaki a suu sunda kay Galamba Wilira, ni ka u gaɗta ɓiiriraɗi, ni u Musukka. Gaɗta ɓiirira ci maɗna, Musukka ɦal iirira may.

2 KORINTNA 3:3

Ki gasi ana agi ni magaara Kristu ɓiiriɗ fokomira ki mami lay. Ndaɗ ay ɓiiri ka u va ma sa ɓii magaa u nambi, ay ɓiiri ni u Musukka vi Lona ma iirina, ndaɗ ay ka ɓiiri hu ɦinira beɗiraɗi, ay ɓiiri duk tliw sana hurugiya.

KALKIRA 24:12

Yawe di Moiz ana, «Ɗiŋ ay kolo egen kay ɦinira tani mbay kak tani, kay an min ɦaŋ ɦinira ceɗira ta gaɗ manda halaŋ ka ɓiiri hura, a aŋ haɗaɗu.»

ROMMA 4:15

Gaɗta mbaa yara vi Lona, lini gaɗta kaɗi ni bay hum vunna vi gaɗta kaɗi may.

SOOLLA 119:97

An miniŋ gaɗ maŋga cocoo, an ka saa kaɗ hu buuna halaŋ.

ROMMA 7:10

an varak miɗ kiyo. Gaɗ mayra tuɗ sana hu iirira kan anni ndaɗ tuɗun ni hu miɗna.

SUNDA 6:15

Suu toki hu zira vi suu ŋgolo suu kaɓakŋa halaŋŋi ŋgaras irisi kay Etiyen na ŋgaras, asi golom vokom ko vok sa sunda huulona na.

SOOLLA 119:174

Yawe, an hal suɗta ay ni koŋu, gaɗ maŋga irin jiviya.

GA 8ATAMBARA 9:15

An mbuɗ irin a ɗiŋ ay ki kaŋga kay ɦinira, ɦinira yaɗ ki halaŋŋi kura may, u ɦinira ceɗi mbara vii kon may, ni ɦinira boy ma Galamba ɓiiri huruɗta.

ROMMA 7:22

Hurun anni an li furira kay gaɗ Lonara.

GA 8ATAMBARA 4:13

Nam dagi ki kay dla galam mamba vaɗ u agira, u boyna zeɗ zeɗ doogo, dagi ana agi mba li u boy namma nam ɓiirigi boy namma kay ɦinira zeɗ zeɗ mba'.

KALKIRA 34:1

Yawe di Moiz ana, «Aŋ ceɗ ɦinira daŋga na mba' ko mayra jewra na, an hin ɓii boyna kaɗ ko ma an ɓiirim jewna na olo, kay mayra hiŋga aŋ tooɗ kira.

KALKIRA 32:19

Doli hu li ma asi tew eg kaŋŋa na tokŋi asi wi goo mbutlna, suuna luu may. Moiz hurum ɓeŋ ki cocoo. Nam cuk ɦini mayra ceɗi ta ay komba kiyo, tooɗ ki ga u ɦinira ŋgolla.

URA TIN AYRA 3:21

Yawe Lona ɦal baraw bakka maŋ sana u caamba a asi baa tasira.

HEBRENA 9:4

Hu li namma ni givin ma togolla ma ŋgal ɓivun ma hisna mini u lorra ka huwa. Hu li namma ni Zandukka Galamba, taɗ hori u lor huruɗu, doyra lorra u manna huruɗu, u tokolora vi Aaron ta tin ɓorara, u ɦinira ceɗira u boyna vi galamba ɓiiri kaɗu.

NEHEMI 9:13

Aŋ cuk seŋ ay ki kaŋga kay ɦinira Sinayra. Aŋ ɓakasi ay kolo hu huulona, aŋ ɦasi haɗta ɗegeera aya, gaɗta gasira, ɓiirisi boyna ay u dikira jivira.

GA 8ATAMBARA 4:8

Ni suu bolow suu taara gaɗ masira a li ki ɗegee kora an haɗagira wanda nana ni suu taarage?

GA 8ATAMBARA 5:22

Boy namma Yawe dam ki ni hu li ma agi tokkina halaŋ ay kolo kay ɦinira duk kura ŋgalla, duk ɗugulla, duk ŋgik mayra ŋgolla, ni u della saɓakŋa nam cuk va ma daŋ ka huɗi, ɓii boy namma ay ki kay ɦinira mba' handa ay konu.

ROMMA 5:20

Gaɗta mbay ni a zul cora, lini cora zul wa ni, oora vi Lonara hin mbuɗ ŋgol suwa.

ROMMA 7:5

Hu li ma ay ka hu saara sa warna tuna, saara cora zuɗuy a ŋgel gaɗta li sunda huri halaŋ a tuɗi hu miɗna.

2 KORINTNA 3:8

ni bibiŋil sunda vi Musukkara hin li ni ko menage?

GALATENA 3:10

Lona gi vunna maŋ suu tin hurusi kay gaɗtana halaŋ, kay magaara di ana sa ma ka li u tlesuu ɓiiri hu magaara gaɗta halaŋgina kini baaya.

GALATENA 3:21

Ni tak ki ana gaɗta ka taɓi u vun Lona ma nam vammaɗi na su? Ka na ɗowɗi! Lini gaɗta mbani a ɦal iirira maŋ suuna ni sana hin mbuɗ ki ɗegee fok Lona u ndaɗu.

HEBRENA 3:3

Sa ma min zirana fi ŋgara ŋgolo su zira nam miniɗta. Ni Yesu ndaki a fi ŋgara ŋgol sura vi Moizza.

HEBRENA 12:18

Agi ɦuɗugi tagi ko suu Israelna ɦuɗ tasi eg ɦinira a ŋgeneɗta naɗi. Ҥinira Sinayra u kura ŋgal cocora, ndufunda u babaa ma ŋgolna.