2 KORINTNA 3:6 - Boy Lonana

⁶ Sa ma mbuɗumi ndaki a suu sunda kay Galamba Wilira, ni ka u gaɗta ɓiiriraɗi, ni u Musukka. Gaɗta ɓiirira ci maɗna, Musukka ɦal iirira may.

2 KORINTNA 3:6 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 6:63

Musukka ɦal iirira ni ndaɗu, ta sa warna ni ɦawaa. Boy ma an dagina ni musukka u iirira.

ROMMA 7:6

Cecemi aygi buɗ ki hu gaɗta wa, kay aygi ki miɗi eg cora vaygi jew kaŋgara. Agi ndak a sun Lona hu dlara wilira u saɓakŋa vi Musuk Lonara, u dlara basira ɓiiri hu gaɗtara ka oloɗi.

JEREMI 31:31

Buuna ka mbaa, Yawe di na, ma an hin vi vunun u suu Israelna u suu Yudana vi galamba wilira.

ROMMA 8:2

Na may gaɗta vi Musuk Lonara ɦal iirira taɓaygi eg Yesu Kristu buɗun ay ki hu gaɗta vi cora hu miɗna lay.

HEBRENA 12:24

Agi mbaagi ni eg Yesu sa ma taɓ duk ɦoŋga u Galamba Wilira, busuum ma vo kina li jivira su ma vi Abelna.

HEBRENA 7:22

Galamba Wilira su ndarayaɗna halaŋga ɦaygira ni Yesu.

2 KORINTNA 3:14

Yal masina ndak ay ka a hum u boy nammaɗi, hu li ma asi ndum galamba basira ni yam yal masina namma hoŋ kuluɓ olo gak gak karami asi bay wam tuwa, nam hin tak ki jivira ni ii sa ma taɓi u Kristuna.

1 KORINTNA 15:45

Kay ndaɗta magaara di ana, «Sa ma jewna Adam lam ay ni a sa ma iirina,» Adam ma daganna ma Musukka ɦal iirira.

ROMMA 3:20

Sa ma li u va ma gaɗta damma ana nam ɗegee fok Lona ni kaɗi. Gaɗta tak ki ni cora vi sana.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

Boy Ma Ayra Ma LUK Ɓiirimma 22:20

Nam ɦasi va cira ma li komma ŋgoo funa dagani, hin dasi ana, «Va Cira wanni banara wilira u Lona vunuɗ faɗ ki u busuun ma vo ki kaŋga kagina.»]

1 KORINTNA 11:25

Na lay nam tli va cira ŋgoo funa hin diya, «Va ci namma ni banara wilira vi Lona, u busuunu. Tew tew hu li ma agi camma humugi mba gagi kanu.»

MATIYE 13:52

Nam dasi ɗaŋ ana, «Agi gola, ni kay ndaɗta sa wi magaara gaɗta mbuɗ ki sa haɗina hu Mulla huulonara mbuɗ ni, ko malaŋ zina vaa ii tlegeyem suu wilina ki may, suu basina ki mayra na.»

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

GA 8ATAMBARA 27:26

«Sa ma ka hum u gaɗ ndaɗtaɗi lay ka min a li uɗɗi layna, sa namma ba ki wa. Suu halaŋŋa hoŋ dira ana, Amin.»

1 TIMOTE 4:6

Lini aŋ haɗ gorseŋŋa na ni aŋ hin mbuɗ ni sa ma sunda vi Yesu Kristu ma jivina ni tak ki ana aŋ ti tina vi Musukka u boyna vi vira, li wa na ni aŋ tuɗ ni u haɗta vi gaɗta gasi.

EFESNA 3:7

An mbuɗ ni sa sunda vi Boy ma Ayra u ɦala vi Lona hu jivi mamba ɦan saɓak mamma li sunda.

GALATENA 3:21

Ni tak ki ana gaɗta ka taɓi u vun Lona ma nam vammaɗi na su? Ka na ɗowɗi! Lini gaɗta mbani a ɦal iirira maŋ suuna ni sana hin mbuɗ ki ɗegee fok Lona u ndaɗu.

2 KORINTNA 3:7

Gaɗta ay ki ɓiiri u boyna dew dew kay ɦinira beɗira, bibiŋilla vi Lonara ay ki taki hu li namma. Hu li namma suu Israelna ka ndak a gol ii Moizɗi kay irim weleɗa, naɗaŋŋi weleɗ mayra ndaɗta ka oloɗi. Bibiŋilla vi gaɗta mbay ni na a li ni sun maɗta ci maɗna,

1 KORINTNA 12:28

Ni kay ndaɗta duk suu vina Lona cuk suu vovoɗ mamba jewe, a mbara ni suu jokom vunumma, a hindira ni suu haɗta, ŋgoo daganda ni suu li dlara mbuɗta, hiŋga suu nam ɦasi saɓakŋa a garaɗ suu tuguɗira kina, hin ɦal suu njun u suuna u suu gol suuna, suu u ɦala a ɓak vun ma daŋŋa daŋŋa.

1 KORINTNA 3:5

A ndaɗta ɗaŋŋi Apollos ni gege? Pol ni ge mayge? Ami ni suu sun Lona ɦawaa, mbuɗ ana agi vi Boy Lonana ni umiya. Ami halaŋ sana gege lini sun mamba Lona yam kaɗta,

ROMMA 4:15

Gaɗta mbaa yara vi Lona, lini gaɗta kaɗi ni bay hum vunna vi gaɗta kaɗi may.

Boy Ma Ayra Ma JAŊ Ɓiirimma 5:21

Buna paɗ suu miɗina ki koloo, ɦasi iirira hurusiya, na may ni, Goona ɦal iirira maŋ suu nam min a ɦasira na.

MARK 14:24

Nam dasi ana, «Ni busu ma agi vi banara u Lona u namma. Ni busu ma vo ki kay suuna halaŋ a bulumusi coosira ki na.

MATIYE 26:28

Ni busuun ma Lona vi banara u agi u namma. Ni busu ma vo ki kay suuna halaŋ a bulumusi coosira ki na.

2 KORINTNA 3:9

Lini bibiŋilla ɓak ma kaay kay suuna ayna, bibiŋil mayra mbuɗ suuna ki ɗegee fok Lonara hin lini ko menage?

ROMMA 4:17

Ko ɓiira dira naa, «An tiniŋŋi a njaf suuna ŋgolo mba li a goryoŋu,» fok Lona nammi buygi ma nam vi umma. Lona ma hal iirira maŋ suu miɗina, va ma ka li ginɗina nam lamu.

ROMMA 1:5

U namu, ami fi oora vi Lona, yami a suu vovoɗta kay geleɗ Kristu a mbaa suuna ay halaŋ kay vi umu, hum u gaɗ mamba lay.

1 JAŊ 1:1

Ami ɓiirigi ha ni kay boy dla iirira, ndaɗ ay ni u ura tin ayra day, ami hum boy namma u humumiya, ami wam u irimi lay, ami gol boy namma komi ŋgenem lay.

2 TIMOTE 1:11

Lona tinin a an di Boy ma Ayra namma kiyo an ni sa vovoɗta a haɗ suuna may.

EFESNA 2:5

Hu li ma aygi ay miɗi fok Lona kay cooygira, nam hoŋ mbuɗuygi iiri hu Kristu, u oora vi Lona agi suɗ ki ni na.

1 KORINTNA 3:10

U oora vi Lona ta nam ɦandara, an li sunda vi Lona ko sa ma yalna na, gi u zira. Ni sa ma daŋŋa hin min kamɗu. Gegelay ni gol jiviya kay va ma nam minim kayamma.

EFESNA 2:1

Agi ay jew miɗi fok Lona kay coogira, kay suluk magina.

2 KORINTNA 3:3

Ki gasi ana agi ni magaara Kristu ɓiiriɗ fokomira ki mami lay. Ndaɗ ay ɓiiri ka u va ma sa ɓii magaa u nambi, ay ɓiiri ni u Musukka vi Lona ma iirina, ndaɗ ay ka ɓiiri hu ɦinira beɗiraɗi, ay ɓiiri duk tliw sana hurugiya.

2 KORINTNA 11:23

Asi ni suu sunda vi Kristu su? Jiviya an di ko sa ma ka wi dlaɗina na an ni suusiya, an li sunda suusiya, an tew tew ay hu daŋgayna, an fi poŋga sen ŋgol suwa, an hin tok a miɗna miɗnara sen bolowo.

HEBRENA 8:13

A ɓak kay galamba wilira ni Lona mbuɗ ta jewra basiya. Va ma mbuɗ ki basina, ki maa lay, ana hin tok a daɓ kira.