2 KORINTNA 2:14 - Boy Lonana

¹⁴ Gagi deɓ Lona ma ɦaygi saɓakŋa ay tew tew kay taɓ mayra duk tay u Kristura. Nam li sunda u aya kay tak Kristu ki hu lina aragelay, ko mbul ma hisna his hu lina halaŋga na.

2 KORINTNA 2:14 ပူးပေါင်းရင်းမြစ်များ

ROMMA 8:37

Hu tle asina halaŋŋi aygi su ki kasi u sa ma miniygina.

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

ROMMA 6:17

Gi deɓ Lona, agi suu li ay jew mborɓiina ko dla corana, cecemi agi vi u hurugi halaŋ mbeleŋ ma agi wam ay hu haɗtana.

2 KORINTNA 9:15

Geleɗ Lona kay ɦal mamba ŋgolla bay ŋgara.

KOLOSNA 2:15

Hu gu garakŋa vi Kristu, Lona tli saɓakŋa u ŋgolla vi fuli suu cona kiyo, mbuɗusi ki zolona fok suuna ko suu daŋgayna na, kay goromma ti wa.

SOOLLA VI SALOMON 1:3

Nam irin jivi su mbul ma his jivina. Taŋ irin fayatta ko mbul ma his jivina na. Kay ndaɗta gorɓiina halaŋ hurusi haɗ kaŋ cocoo.

SOOLLA 106:47

Suɗumi kiyo, Yawe, Loomina, tokomi ay ki duk njaf suu daŋŋa. Ami hin geleɗeŋŋi seŋ ma teteɗna, ami hin ɦaŋ ŋgolla ni maŋ aŋ dew.

ROMMA 15:19

U saɓakŋa vi Musuk Lonara li dlara mbuɗta an gijaŋŋa a di Boy ma Ayra kay Kristu an gijaŋŋa hu Yerusalem tuɗ hu li ma daŋŋa tew ki hu ndaŋgara Illiri.

WIRA ŊGAYRA 7:12

Asi di ana, «Ni na daŋ may geleɗta u ŋgolla u nera u gi deɓpa, ŋgara ŋgolla, saɓakŋa u eŋga maŋ Loomina a fafatɗa. Ni na daŋ may.»

KOLOSNA 1:23

Ni kay ndaɗta agi kak saɓak hu viigira, coli eŋ kay ura tinira, hinigi juɓ magira ay day day hu li ma agi hum Boy ma Ayrana kiɗi. Boy ma Ayra namma dam ki maŋ suuna hu duliyara halaŋ, ni an Pol mbuɗ a sa sunda ni kamu.

SOOLLA 148:14

Nam ɦal saɓak ma duuna maŋ suu mamsina, suu mam suu ɗegeena halaŋ suuna ŋgaasiya, goryoŋ Israelna, ni suu ka egem tokŋa. Halleluya!

KOLOSNA 1:6

Boy ma Ayra njay kiyo, mbaa paɗvunna ki hu duliyara halaŋ, ko nam li ay dukugi jew day hu buu ma agi hum kay oora vi Lona, wagi gasi ndaɗta lay.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.

EFESNA 5:20

Gagi deɓ Lona Buna hu lina halaŋ u sem Bu Suuna mayna Yesu Kristu.

2 KORINTNA 8:16

Gaygi deɓpa maŋ Lona kay nam ɦal hu ma jivina hu Tit kay boy magina.

2 KORINTNA 1:11

Agi mba njun umi u cenda ni agiya, ni Lona hin hoŋ dira maŋ suuna ŋgolo kay cenda agi cen kamira, nam hin li jivi ndaɗta egemiya, suuna ŋgolo hin mba gam deɓpa kamiya.

1 TESALONIKŊA 3:9

Ami gi deɓ maŋ Lona coco kagiya, kay ami ka furi kagi coco fok Lona.

1 KORINTNA 15:37

Aŋ zaa kaŋga ni njafna ɦawaa, lini ii wana kala ɗowba va daŋŋa, ka hin day kolo ni ta va ma aŋ zaaram kaŋganaɗi.

EZEKIYEL 20:41

Hu li namma ni an hin vagi ɓivun magi ma lam u mbul ma his jivina. Hu li ma an taaragi ay ki hu mbassa daŋga zeɗ zeɗ ta agi ay ki njay hura mba tokogi ki kel tagina, an hin tak teteɗ manda ki maŋ njaf suu daŋŋa ni u agiya.

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

ROMMA 1:8

An gi deɓ bun Lona jewe hu Yesu Kristu kagi halaŋ, suuna hu duliyara halaŋ ɓak kagi ana agi tin hurugi kay Lona cocoo.

1 KORINTNA 12:8

Sa maari Musukka ɦam boyna u nera, ma daŋŋa ndaɗ ɦam boyna u wira.

1 KORINTNA 15:57

Geleɗeygi Lona ma ɦaygi saɓakŋa u Bu Suuna maygina Yesu Kristu.

1 TESALONIKŊA 1:8

Kay boy ma vi Bu Suunana hum ay ki varagiya, ka ni hu Masedoin u Akay holɗi, hurugi ma tini kay Lonna tak ki hu lina halaŋ ka ami a ɓak kam ɓak ki oloɗi.

1 TIMOTE 2:8

An min ana hu lina halaŋŋi suuna cen Lona yow kosi kolo kay a cen hu buu ma jivina bay yara u ŋgussa honira hurusiya.

2 TIMOTE 2:2

Va ma aŋ humum funun an dam maŋ suu molina, dam ki maŋ suu tin hurusi kay boy namma, suu ki ndaki a hin haɗ ndarayasi suu daŋŋa mayna.