2 KORINTNA 11:3 - Boy Lonana

³ An li ndaana kay yal magina ɓeŋ kiɗi, a agi noyogi taɓ magira gasira teteɗta u Kristu kiɗi ni ko Eve na, hin taɗ guyna ganaɗ yaɗ u kaboyna.

2 KORINTNA 11:3 ပူးပေါင်းရင်းမြစ်များ

KOLOSNA 2:8

Gologi tagi jiviya kay sa mba vagi ki um u ganyamba boy ma coli kay nera vi suuna col kay haɗta vi duliyara, u haɗta vi suuna ɦawa, ni ka kay Kristuɗi.

GALATENA 1:6

An li ndaana kay agi hinim ki na zak gawra, nam sa ma yagi ay u oora vi Kristura, agi hin hoŋ jok ki u boy ma daŋŋa.

EFESNA 4:14

Ni aygi ka hin li ko kemba na oloɗi, a semeɗna zuɗuy tana tani naɗi, a hum u haɗta vi suu daŋŋa zul kay ndaŋgara a ganyam suunaɗi, a cuk suuna hu dla cora asi laɗtaɗi.

KOLOSNA 2:4

An di na ni kay sa ma ganagi yagi u boy ma li iira ɦawaɗi.

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.

1 TIMOTE 2:14

Adam viɗ tam ka ki ni nambi, cara viɗ taɗ ki hum ka u gaɗta vi Lonaraɗi ni ndaɗu.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

HEBRENA 13:9

Viɗigi tagi ki u gaɗta daŋga vi suuna zeɗ zeɗtaɗi. A jivira ni sooygi huruygi u oora vi Lona, ka u gaɗta kay tlesuu tiraɗi, suu njun tasi u gaɗ ndaɗtana ka fi va huɗi.

URA TIN AYRA 3:13

Yawe Lona joɓ cara ana, «Ndak li na ni amege?» Cara hoŋ dam ana, «Guyna ganan yanni namu, an ti vuɗ guna ni na.»

Boy Ma Ayra Ma JAŊ Ɓiirimma 8:44

Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.

GALATENA 3:1

Agi suu Galatina suu giniŋŋa, sa mbuɗugi irigi kina ni gege? Agi wi ki u irigi gasi ana Yesu Kristu miɗ hu gu garakŋa.

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

URA TIN AYRA 3:4

Guyna hoŋ dira ana, «Ni ka gasiɗi, agi ka miɗɗi.

1 JAŊ 2:18

Gorkem manda, daɓpa vi duliyara hin tok, agi hum ki ana Babali ma vi Kristuna hin mba ki fok jewe, cecemmi babali suu vi Kristuna zul ki cocoo tak ki ni ana duliyara hin tok a daɓa.

2 PIYER 3:17

Agi banayanna cecemi agi hum ki wa gologi tagi jiviya, a agi mba hin tagi a viɗ ki u cora vi suunaraɗi, ba voɗ magira ɗegeera kiɗi.

GALATENA 4:11

An li ndaana kagiya kay sunda an laɗ kagira hin li ki ni ɦawa su?

2 KORINTNA 2:17

Ami ka ko suu may suu li paara u Boy Lonana naɗi, ni na ɗow Lona sunumi a di gasira ki fokomu ko suu sunda vi Kristu na.

2 PIYER 3:3

Wagi ki anaba hu buu ma hin mbay daganna ni suu may suu kak iiri kay tasi u min masira kay tasina hin panagi anaba,

2 TIMOTE 3:13

Suu hurusi cona u suu ganyam suuna asi tuɗ fok u cora, ganyam tasira hu may.

1 TESALONIKŊA 3:5

Kay ndaɗta an sun Timote ha egegi ni a hum dla viigira. An li ndaana ana Satanna ndemegi ki a baami sun mamira ki ɦawaɗi.

EFESNA 6:24

Ko oora vi Lona kak u suu min Bu Suuna mayna Yesu Kristu u minda ka daɓbira halaŋ.

GALATENA 2:4

Gorseygi suu bay gasina cuk tasi dukumi min a cawam ɗiwimu, suu asina taa tasi ay umi ko suu cegeɗta na, kay gol buɗ mayra aygi buɗ ki u Yesu Kristura asi min a mbuɗuygi ki mborɓiina.

2 KORINTNA 4:2

Ami hin ŋgayra zolona kiyo, ami ka lami u hu ma conaɗi, ami ka tlumumi ii Boy Lonanaɗi. Ami takami ni gasira vi Lonara na ɗow, ami gaɗami suuna kay wiisira hurusira halaŋ fok Lona.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.

TITTA 1:10

Suuna ka bolowo ni duk suu Juifna suu vina, col duuna ganyam suuna u boy masi ma giniŋŋa.

1 TIMOTE 1:3

Ko an daŋga na an a tuɗ Masedoin ni aŋ kak ka hu Efes. Hu wanni suu haɗ gaɗta cora kaa, aŋ gaɗasiya, asi hin haɗ ndaɗta.

KOLOSNA 2:18

Hinigi tagi a sa daŋŋa kaagi ɓakŋa kagi na gor gorɗi, suu furi kay dlara asi laɗ u tasira kiɗikka, hoŋ yasi kaŋga fok suu sunda huulona, ɦal ŋgolla maŋ tlesuu tak tasi irsina. Sa ma ko namma nana hurum oyra ni ŋga tara u dlaamba kaɗi, lini u saa mamba hurumba ɦawaa.

2 KORINTNA 11:29

Lini sana maŋiya an li tan maŋi egem may, lini sana ndi kaŋga hu cora wa ni an mbuɗ tan hahawra may.

ROMMA 12:8

Sa ma gaɗ suuna jivina tuɗ fok u gaɗ mamba ndaɗta, sa ɦal tlena maŋ suuna nam ɦalni u hurum ma ki buɗina, sa ma ŋgom suu vina nam mba ŋgomosi u ɗigilla, sa ma njun suu hahawara nam mba njunusi u furira.

WIRA ŊGAYRA 20:2

Nam vi dragoŋ, guy ma basina, Fulna, ni di ana Satanna, njunum ki kaŋga kay li basara bup dew.

SOOLLA 119:53

Hu li ma an wi suu bay ɗegeena hiniŋ gaɗ maŋga ki na ni, hurun haɗ cocoo.

URA TIN AYRA 3:1

Tlesuu iiri suu Yawe Lona lasina halaŋŋi guyna susi u mbeleŋŋa, nam joɓ cara ana, «Na ni, Lona doorogi ki gasi ana agi ti vuɗ gu ma hu senena canaɗi su?»

URA TIN AYRA 3:20

Adam tin sem caamba ana Eve, ni ana iirira. Kay ndaɗ ni su suu warna halaŋ.

2 KORINTNA 11:20

Lini sa gologi ko agi ni mborɓiina na lay ni agi siɓ u dlaamba ko va ma gusugi gusi na lay, sa ganagi yagi lay, lini sa ŋga tam kagi lay, lini cagi irigi lay,

EFESNA 4:22

Hinigi dlaagira basira kiyo, ta tuɗugi hu poy mayra cora jak ki jewra, dlaagira basi ndaɗta ni ganyamba ba sana kira.

WIRA ŊGAYRA 12:15

Guyna purus yo ma ha funumma na ni tli ha ki lumma feel u cara, kay ana bil mbona hin tli cara aya.