2 KORINTNA 11:2 - Boy Lonana

² An li honira kagiya ni honira vi Lona kay agi ni ko goowayra an ŋgaɓaɗ a ɗumba maŋ sana dew ni Kristu.

2 KORINTNA 11:2 ပူးပေါင်းရင်းမြစ်များ

EZAYI 54:5

Kay sa ma mbuɗ tam a njufukŋa sem ana Yawe, ma Saɓakŋa Kom Belna, ma Teteɗ ma vi suu Israelna, ni sa ma buɗuŋ ay kina. Yam ana, Lo ma kay ndaŋgara belna.

Boy Ma Ayra Ma JAŊ Ɓiirimma 3:29

Sa ɗum carana, nammi malaɗna. Na may ni, banaŋ njuf carana coli egem a humba, hum del njuf cara na ni, li furira ana, furi ndaɗta ni manda. Dla ndaɗta cecemi li wa ɗaŋ.

KOLOSNA 1:28

Ni kay ndaɗta ami di ki kay Kristu maŋ suuna halaŋ. Ami neesi yasi kiyo haɗasi lay u neemba halaŋ kay colosi fok Lona ko suu ŋgolona na hu taɓpa u Kristu.

EZEKIYEL 44:22

Asi ka ɗum boyogi suu njufuyusi miɗ kinaɗi, ka ɗum boyogi suu joki hin njufuyusi kinaɗi lay. Asi ɗummi gorɓii suu bay buu u sa njuf tuna, ni gorɓii suu Israelna may. Asi ndak a ɗum caŋ ndarasi mul ma li ɓivunna ma miɗ kina kama.

FILIPINA 1:8

Lona wi ana an di ana an minigi halaŋ ni gasi u minda ŋgolla vi Yesu Kristu.

ROMMA 7:4

Ni ko ndaɗta na may gorsenna agi ki miɗi eg gaɗta. Hu li ma agi taɓi u mbalata Kristu agi mbuɗ ni maŋ sa ma paɗ ay ki kolo hu miɗna, kay aygi laygi sunda gasira maŋ Lona.

2 KORINTNA 4:14

Ami wi ana Lona paɗ Bu Suuna Yesu ki kolo iiriya, nam hin paɗami ki kolo iiri ko tami u Yesu may, aygi hin taɓi ko taygi dew fokom namu.

1 KORINTNA 4:15

Lini suu haɗagi kay Kristuna ka bup bup doogo lay, bugi ni dew daŋ, kay iiri magira hu Yesu Kristu an mbuɗ a bugi ni anu kay an mbaaragi Boy ma Ayra.

GALATENA 4:11

An li ndaana kagiya kay sunda an laɗ kagira hin li ki ni ɦawa su?

1 TESALONIKŊA 2:11

Agi wi lay ana ami ay egegi ni ko buna u goryomba na.

WIRA ŊGAYRA 14:4

Suu asina taɓ tasi ka u boyogi a mbuɗ ki njenjeɗi, ni suu gol u tasi teteɗna, asi tuɗ kay ce Goo Timiina hu li ma nam tuɗ huna halaŋ. Suu asina gususi ay ki duk suuna ni asi mba li maŋ Lona u suu fok jewna maŋ Goo Timiina may.