2 DLAŊ MULINARA 9:9 - Boy Lonana

⁹ Ŋgoo dagan ca mulla Sabara ɦal lorra maŋ mulna Salomon nekeɗ ii va ma kelew 3.500, mbulma his jivina ŋgol cocoo u ɦinira gus loɓ ɦayra lay. Sa wi mbul ma his jivi ko namma na ka day day ɦoyɗi.

2 DLAŊ MULINARA 9:9 ပူးပေါင်းရင်းမြစ်များ

SOOLLA 72:15

Nam kak wa ni asi hin ɦam lorra Sabara kiyo, asi cen kam tew tew, asi paɗ vunusi ki kam hu buuna halaŋ.

SOOLLA 72:10

Muli suu Tarsisna u muli suu kay daarana sunum tlena aya, muli suu Sabana u suu Sebana hin ɦam taara ni mamu.

2 DLAŊ MULINARA 9:24

Gegelay ni mba u vaam ma nam a ɦammana, gursura tlesuu yoori u lorrana, barawina, kawina, mbitla his jivira, kulumina, koro Makkana, tle asina mba ni hu basara tew tew.

2 DLAŊ MULINARA 9:1

Ca mulla col ay hu mbassa Sabara, hum dla Salomon u sem ma tii ki cocona ha kiyo. Ndaɗ mbay hu Yerusalem a tuk yal ma vi Salomonna. Ndaɗ mba joɓom joɓ mayra eŋ cocora. Ndaɗ mbay u suu maɗ suu sunda uɗ bolow coco ugi jamballa mba ugi mbul ma his jivina, lorra ŋgol coco lay u ɦinira ceɗi ta gus loɓma may. Ndaɗ mba eg Salomon dam dlara ndaɗ saaraɗ ay huruɗ a dambara ki halaŋ.

1 MULINA 10:10

Ca mulla Sabara hin ɦal lorra maŋ mulna Salomonni ii va ma kelew buɓ buɓ hindi u nus, ɦam tlesuu his jivina ugi mbitla ŋgol cocoo u ɦini mayra gus loɓ cocora lay, col ay dayra ni sa bay wi tlesuu his jivi ɦayna hu mbassa Israella ŋgol ko ndaɗta na tuwa.

1 MULINA 9:14

Hiram sun lorra ay maŋ mulna ni kelewna buɓ buɓ hindi.

URA TIN AYRA 43:11

Busi Israel dasi ana, «Hin na ni lagi ko ndaɗta na. Yowogi tlesuu jivi suu hu mbas mayrana ha kogi a ɦasi maŋ sa namma. Tlesuu li mbul ma hisna nde may, mbul yumma nde may, u daɓaŋga may, u kumuna, u vuɗ guna, u tlesuu ɗus huu ziginina nde may.

KALKIRA 30:34

Yawe di Moiz ana, «Yow mbidla u tlesuu his jivina, sesi ana storaks, oniks, galbanum, u va ma ɗus ndoosna ŋgaasi fun tasi na dew.

2 DLAŊ MULINARA 9:8

Gi deɓ Yawe, Looŋŋa, ma min a kakaŋ kay dlam mamba mulla ko mulna na a sun Yawe Looŋŋara. Ni kay ana Looŋŋa min suu Israelna cocoo. Kay a njafasi li ha fok gak gakka nam tiniŋ fokosi a mulna, kay a aŋ li ni dlara gasira u ɗegeera.»

2 DLAŊ MULINARA 9:10

Suu sunda vi mulna Hiram u suu sun suu vi Salomon suu tuɗ ay Offirna mbay u lorra u gu ma yam ana santalna usi ŋgol coco olo u ɦini mayra gus loɓma may.